سؤال للي معه لومينا....والفنيين ايضا

[CamSHAFT]

السلام عليكم
يا شباب معي لومينا 2002 عدادها الان 72 الف كيلو
سبق وغيرت الفحمات الأمامية مع خرط الهوبات (مرة واحدة) عند 45 الف
والان احس برجة في الدركسون مع الفرامل..طبعا المشكلة معروفة ان الهوب يبغى له خرط
المشكلة ان الميكانيكي اللي اتعامل معاه يقول لي ممكن اخرط لك الهوب وتنتهي المشكلة
بس احتمال كبير ترجع المشكلة..يعني اذا ابغى ارتاح منه لازم اشتري هوبات جديدة
وقال هذا كثير في اللومينا..ان الهوب بعد خرطه بفترة وجيزة يخرب
فما ادري وش رايكم؟؟الخرط بيكلفني 100 ريال بس..تغيير الهوبات بيكلفني 500 قطع + 50 شغل يد
وقال لي ان الهوب باقي فيه امكانية للخرط مرتين..
وش رايكم؟؟هل واجهتكم مثل هذه المشكلة؟؟

لا احد يقول لي ان الرجال نصاب...لأنه اولا امين واعرفه زين ودايم افحص السيارة عنده ويقول لي لا تغير لها القطع بينا غيره يقول غير....
وثانيا ما راح يستفيد...بلعكس بيخسر اكثر
لأني لو اشتري هوبات جديدة شغله بس يركبها
بينما لو بخرط الهوبات الحالية بيفكها + خرط+ تركيب وبياخذ فلوس اكثر

[RoadKillz28]

اعتقد سيارتك V8

للاسف سيارات مثل لومينا اس اس و كمارو و كابريس اس اس ثقيلة نوعا ما وهي ذو اداء قوي والهوبات الستوك تتاثر بسرعة ولا تتحمل حرارة الكبح .. هذه المشكلة واجهتني في الكمارو خصوصا بعد الـ 60000 كم .... وقمت بخرط الهوبات عدة مرات بعد كل رجة اشعر بها

بعد ذلك تجنبت الكبح القوي و المستمر قدر الامكان وهو طبعا حل مؤقت ولكنه فعال جدا ...سوف اقوم بتغيرها باخرى بخطوط عرضية او على حسب النوع المناسب للسيارة وفي الوقت المناسب ..


هوبات GM في مثل هذه السيارات ذو الاداء الرياضي ..

من الافضل ان تبقى على نفس الهوبات .. الا اذا حصلت على هوبات اخرى افضل من ناحية التبريد او رياضية للومينا ..

والله اعلم ..

[CamSHAFT]

مشكور اخوي الغالي
لا والله سيارتي V6 يعني عادية
ممكن اركب الهوبات الرياضية اللي تقول لي عنها؟؟؟
وشكرا

[RoadKillz28]

حتى الـ V6 توجد بها المشكلة



من الممكن اذا كانت موجودة في الاسواق ونوع جيد تلائم سيارتك او ابحث في المواقع الخاصة لقطع التعديل "aftermarket parts" ..

لكن اسم لومينا الحالية توجد في الشرق الاوسط فقط .. عليك البحث باسم Holden الاسترالية ...

حظا موفقا ..

[CamSHAFT]

الله يعافيك يالغالي..ما قصرت وربي

[MONDEO _05]

حبيبي اذا حبيت تتخلص من الرجة بشكل نهائي .. غير الهوبات أفضل لك صدقني فلوس زايدة ولكن راح ترتاح اكثر ..
..
واذا ماحبيت أخرط ولكن فترة وراح ترجع الرجة وأسألني .. وهي عقدة الشفر في البريك سواء رياضي او عادي زفت وفي هذا اتذكر مواقف الكابريس اكثر شيء كان علة فيه البريك دايم الهوبات تخرب وتطلع صوت ورجة .. بس يمكن الرجة من الكفرات عند ضغط البريك ..
..
قلت لك رأيي ن الافضل تبدلها .. وبيني وبينك انا احتاج لتبديل قماشات في سيارتي قبل لا أسوي باي للهوبات من اخذتها للحين مابدلت وماشية اكثر من 70 الف كيلو .. صوت الهوبات عند الضغط يوصل من بعد ميل .. ولكن لاتنسى الكفرات لها دور لما بدلت كفرات سيارتي وركبت كفرات ذات نقشة رياضية جديدة عند ضغط البريك في رجة الله لايوريك ومن بعدها ركبت الكفرات الاولى واختفت الرجة عند البريك .. فتأكد من الكفرات أحسن ..
..
اي أستفسار انا جاهز بخصوص بريكات الشفر تتعب الواحد معها ..
..
مع التحية

[CamSHAFT]

الله يعطيك العافية اخوي الغالي
ما تقصر والله

[blue chevy]

اعتقد سيارتك V8

للاسف سيارات مثل لومينا اس اس و كمارو و كابريس اس اس ثقيلة نوعا ما وهي ذو اداء قوي والهوبات الستوك تتاثر بسرعة ولا تتحمل حرارة الكبح : .. هذه المشكلة واجهتني في الكمارو خصوصا بعد الـ 60000 كم .... وقمت بخرط الهوبات عدة مرات بعد كل رجة اشعر بها

بعد ذلك تجنبت الكبح القوي و المستمر قدر الامكان وهو طبعا حل مؤقت ولكنه فعال جدا ...سوف اقوم بتغيرها باخرى بخطوط عرضية او على حسب النوع المناسب للسيارة وفي الوقت المناسب ..


هوبات GM في مثل هذه السيارات ذو الاداء الرياضي

من الافضل ان تبقى على نفس الهوبات .. الا اذا حصلت على هوبات اخرى افضل من ناحية التبريد او رياضية للومينا ..

والله اعلم ..

كلامك 100%

وخاصة وقت الحر الدسكات تصير حارة وما تمسك عدل


انا بصراحة احتمال اني اطلب لي من شركة كابا بصراحة رخيصة حيل وخاصة ان دولارها استرالي فأرخص من الدولار الأمريكي

إلي بريكات مخصصة للكوابرس واللومينا يدخل هني

http://capa.com.au/ls1_brakes.htm


وفي قطع ثانية واكزوزات