مشوره و استشاره فنية بين Range Rover Sport Super charge Kit & Porsche Cayenne S

[Eng.Caesar]

السلام عليكم ورحمة الله وبركاته

اخواني الاعزاء ابغى رايكم بين Range Rover Sport Supercharge Kit & Porsche Cayenne S

اليوم مريت على وكالة البورش في شارع الضباب و سألت عن البورش كايين اس 2008



كامل المواصفات سعره 370000 ريال
سقف بانوراما + جنوط21 + مشغل التلفزيون + شكامين سبورت واعتقد قال لي في حاجة خامسة بعد بس والله ناسي وشي.
==
واللي بدون المواصفات هذي سعره 330000
================================================== ==
بعدين طلعت من وكالة البورش ورحت لوكالة الرانج روفر في شارع التحلية



رانج روفر سبورت سوبر شارج كت

سعره 400000 ريال
كامل المواصفات معه DVD الشاشتين الخلفية

و اللي بدون DVD
سعره 390000
============================================
الاستشاره الفنية:
1- كيف تعامل الصيانه في الوكالتين ؟
2- كيف اسعار قطع الغيار الاستهلاكية في السيارتين ؟
3- اي وحده فيهم تكون عملية اكثر ؟
4- وش تنصحوني اختار فيهم؟

[عاشق العباره]

اخوي اوتو موتورز هذي اللي بالكويت ؟؟؟


لان هو بعد عنده رنج روفر سبورت سوبر شارج


وارد السعوديه سعره 21 الف دينار كويتي


بس الصراحه روووعه عجييييب ...


وانا اقول الموترين كلهم احلى من بعض الصراحه


بس اخوي الرنج انتشر حيييل وانتشاره قوووي


انا اقول البورش احلى قليل تواجده ويكفيه بووورش


والداخليه البورش احلى..واتمنى لك التوفيق


مع التحيه اخوك عاشق العباره

[KOL-AL7OB]

إذا شباب

خذ البورش

جودة وقلت أعطال

سلام

[Death_Like]

الرنج عليه ضمان 250,000 أو خمس سنوات

وكذلك خدمه مجانيه 60,000 أو ثلاث سنوات

وتقدر تدفع 8000 درهم وتصير الخدمه 100,000 أو خمس سنوات

البروش ضمانه سنتين من غير تحديد الكيلومترات

وما عليه خدمه مجانيه

الرنج أشوفه أحلا ولكن الكايين عملي أكثر وصيانته معقوله دامه إس مو تيربو

توكل على الله وخذ الكايين ولا تنسى الإستخاره

تحياتي

[atlantis]

الرنج احلى بالنسبه لي ولو خيروني بينهم باخذ الرنج

والله يكتب لك الي فيه الخير

تحياتي ,,اتلانتس

[M I X I S]

اخي الفاضل

انت سألت مجموعة من الاسئلة و ان شاء الله سأجيبك عليها :

1- كيف تعامل الصيانه في الوكالتين ؟
سيئ جدا خصوصا الرنج .
2- كيف اسعار قطع الغيار الاستهلاكية في السيارتين ؟
غالية ( لكنك لن تشعر بغلائها اذا كنت واحد متعود على الاسعار الغالية أو حالتك المادية لا تؤثر على مصاريف السيارة و مستلزماتها )
3- اي وحده فيهم تكون عملية اكثر ؟
البورش : نزل في عام 2003 و ماشي الا الان .
الرنج سبورت : نزل في 2005 بس ما نقدر نحكم عليه لانه ما صار له فتره .
لكن اذا جينا بنتكلم على الرنج العادي فهو نزل في عام 2003 و ماشي الى الان .
4- وش تنصحوني اختار فيهم؟

ذكرت بأن الخيارات هم :
1. range rover sport supercharged Kit 2008 .
2 . Porsche Cayenne-S

و هنا انا أقول لك بان الرنج أفضل
لانه الفل اوبشن و في المقابل نشوف ان الكايين ليس الفل
لكن اذا قلت لي ان الكاين هو التيربو ( الفل ، بالمواصفات المذكورة عندك ) فأرشح الكايين .
و خصوصا اذا كنت شبابي .

مقارنة من حيث الشكل :
نجد صعوبة في تحديد السيارة الأجمل لكن لو دققنا النظر في جميع تفاصيل السيارتين
لوجدنا ان الرنج أكثر هيبة و فخامة و جمال و هذا لا يعتبر تقصا في شكل البورش الجديد
فهو في قمة الجمال و الروعة .

بالنسبة للداخلية فان البورش يتفوق و بمراحل
على الرنج و هذا كلام غالب الناس و المختصين .

الله يكتب لك اللي فيه الخير ....

[az5z]

من واقع تجربه انصحك بالرنج
سيارة مالها مثيل ومن احسن السيارة
الي امتلكتها واعرف ناس واجد معهم السيارة
ويمدحونها ويثنون عليها

وبالنسبة لصيانه فهي سيئة نوعاً ما
وقطع غيارها انا اشوف انها غاليه بس
مو غليه مره يعني تقدر تقول معقوله

وعلى حد علمي ان وكالة سامكو وكالة بورش سيئة

وبالاخير انصحك بالرنج اما البورش فانا ما اعرف عنه كثير

بالتوفيق ..

[كامري]

والله انا ماجرت السيارتين ذي .. ولا جربت الوكاله حقتهم ..

لكن ان كان يهمك نظرة الناس وهيبة الموتر طبعا لاتفكير بغير

البوووووووورش .. اسمه يخوف

وحاول تاخذ التيربو ابو 500 حصان

سلام