مشكلة بقير اللاند كروزر - تماتيك-

[alz3em2005]

السلام عليكم شباب وعساكم بخير وعافية.........

اليوم جاي بغيت النصحية والحل منكم باذن الله.

المشكلة وما فيها ان القير عندي له اوقات ما ادري شو يستوي فيه. في حركتين يسويها يوم تيله الحالة الولى هي انه يحكر على القير الاول لين ما يوصل الRPM لل 6 * الاستيشن الRPM ماله لين 8 يعني يوصل للخط الاحمر* وعقب يفز الموتر ويحول للقير الثاني اما باقي القيور ما فيها شي.
الحالة الثانية انه يحول القيور بسرعة مثلا انا كنت امشي بسرعة 20 وما اشوف الى الموتر محول القير الثاني ووراه الثالث واحس الموتر عزمه مروح ويوم اعطيه فل ريس مايتغير في التسارع شي وكاني مب عاطيه ريس زيادة... حبيت اخبركم ان ها القير هو القير الرابع الي اغيره وكل قير تستوي فيه هذي الحالة وانها تستوي يوم اسوق الموتر اكثر من ساعة لكن يوم اشغل الموتر الصبح يكون زي العسل.....

والله يا شباب بغينا مساعدتكم خسرت بيزات وايده من سبب هاي المشكلة علما اني وديتها الفطيم ودينا تريد ومحلات مصفح وكل واحد يقولي ما عندك مشكله وان ها شي عادي فالاستيشن.

الموتر 2004 GX-R وبانتظار ردودكم. ^_^

[M.W4EVER]

والله ياأخوي الحاله صعبه اذا هذا القير الرابع في اقل من 4 سنين روح بيع سيارتك عشان العين وطقلك غيرها هذا اللي اقدر اقوله ماعندي علم بهالشي

[سلطان زمانه]

والله ياخوك انا صارت معي قبل سنتين نفس المشكلة بلاندكروزر 6 سلندر 2001 ووضبت القير وماراحت المشكلة وغيرتة وماراحت المشكلة رحت لكهربائي متخصص وغير لي ظفيرة في القير وقطعة الكترونية اتوقع انها المنظم بين الدعسة والقير وراحت المشكلة

[C300-SRT8]

بروضو واحد من الربع عنده لاندكروزر 2004 gxr J فيه مشكلة بالقير

[alz3em2005]

والله ياأخوي الحاله صعبه اذا هذا القير الرابع في اقل من 4 سنين روح بيع سيارتك عشان العين وطقلك غيرها هذا اللي اقدر اقوله ماعندي علم بهالشي

السلام عليكم اخوي.

حبيت اخبرك اني مغير الاربع قيور في اقل من شهرين مب اربع سنين وكلهن طلعت فيهن هاي المشكلة ... الله المستعان


اخوي سلطان زمانه:

اشكرك على ردك وانا شاك ان المشكلة مب من القير نفسه وان المشكلة من الكهربا لان مستحيل اربع قيور ونفس المشكلة..... لكن كل ما اروح لاحد يقولي لازم تغير القير ولا لازم تصلحة قلتلهم يمكن مشكلة بالكهربا محد اقتنع. بس لو تييبلي اسم او مكان القطعة الالكترونية الي بدلتها لان ودي اغيرهاو بشوف شو النتيجة.




اخوي JEDDAHBOY:

والله مشاكل القير التماتيك ما تخلص والله يعين ربيعك ويعينا وياه....

[bten]

السلام عليكم شباب وعساكم بخير وعافية.........

اليوم جاي بغيت النصحية والحل منكم باذن الله.

المشكلة وما فيها ان القير عندي له اوقات ما ادري شو يستوي فيه. في حركتين يسويها يوم تيله الحالة الولى هي انه يحكر على القير الاول لين ما يوصل الRPM لل 6 * الاستيشن الRPM ماله لين 8 يعني يوصل للخط الاحمر* وعقب يفز الموتر ويحول للقير الثاني اما باقي القيور ما فيها شي.
الحالة الثانية انه يحول القيور بسرعة مثلا انا كنت امشي بسرعة 20 وما اشوف الى الموتر محول القير الثاني ووراه الثالث واحس الموتر عزمه مروح ويوم اعطيه فل ريس مايتغير في التسارع شي وكاني مب عاطيه ريس زيادة... حبيت اخبركم ان ها القير هو القير الرابع الي اغيره وكل قير تستوي فيه هذي الحالة وانها تستوي يوم اسوق الموتر اكثر من ساعة لكن يوم اشغل الموتر الصبح يكون زي العسل.....

والله يا شباب بغينا مساعدتكم خسرت بيزات وايده من سبب هاي المشكلة علما اني وديتها الفطيم ودينا تريد ومحلات مصفح وكل واحد يقولي ما عندك مشكله وان ها شي عادي فالاستيشن.

الموتر 2004 GX-R وبانتظار ردودكم. ^_^

الله يهداك اخوي

قيرك مافيه شي حتى الي بدلتهم صاحييين
المشكله من كمبيوتر القير بدله او سوله برمجه
وده مكان عدل يفحصه بالكمبيوتر
هذي مشكله كهربائيه مالها علاقه بالقير

[alz3em2005]

الله يهداك اخوي

قيرك مافيه شي حتى الي بدلتهم صاحييين
المشكله من كمبيوتر القير بدله او سوله برمجه
وده مكان عدل يفحصه بالكمبيوتر
هذي مشكله كهربائيه مالها علاقه بالقير

انزين اخوي تعرف وين يمكن اغيره او اسويله برمجة في مصفح ويكون ولد حلال مب حرامي وكم بيكلفني

الله لا يهينك اخوي

[bten]

الغالي انه مب من الامارات

بس في مصفح فيه عندك

قراج اكسس
قراج النمر الاسود
هذي الي اعرفهم بمصفح

واي خدمه انه حاضر لك