حصريا وتصويري أف جي كروزر 2009

[أبـوأسـد]

بسم الله الرحمن الرحيم

السلام عليكم ورحمة الله وبركاته

رحت يوم الجمعة لمعارض النسيم علشان أشوف الأف جي كروزر الجديد 2009 وعلشان أعرف وش الفروقات الي صارت بينه وبين 2008

طبعا بحثت عن كل الانواع

السعودي 2009 نزل
فل كامل بـ 125 ألف ريال

الخليجي 2009 نزل
أتوقع وارد الامارات
فل كامل بـ 126 ألف ريال

البازعي 2009 نزل
فل كامل بـ 125200 ريال

اليحيى 2009 لسه
؟

ومعليش ما صورت إلا البازعي فقط
ما أمداني على وكالته يوم الجمعة لكن مريتهم يوم السبت الصباح ووالأف جي 2009 معروض في الوكالة الي قبال الجفالي وليست الي بعد معارض النسيم مباشرة ومواصفاته فل كامل حاليا مافي غير لون واحد أصفر وقالي أن بقية الألوان راح تتوفر تقريبا خلال أسبوع

وراح أوريكم الأختلافات كلها بالصور وراح أقولكم وش يفرق البازعي عن الخليجي عن السعودي وراح أعلمكم أيهم أحسن مواصفات تخبروني أحب أدقق في كل صغيرة وكبيرة في السيارة أطلع فضايحها ههههه

المهم نبدا بالصور

الصاجة موجودة

نلاحظ هنا

أن الشبك في البازعي الفل كامل يجي نيكل (بخلاف البقية يجي لونه رصاصي نفس اللون الي بالصدام)
تخيلو الخليجي الي لقيته بالمعارض يجي لون الشبك الفل كامل ويسمى فئة الليمتيد باللون الأبيض!!! رحت أشوفه على أف جي أسود والشبك أبيض! طالع شكله غلط في غلط ومعليش ما صورته
على فكرة يوجد أزياق نيكل في الخليجي 2009 على الاشارات البرتقالية الامامية ما صورتها لكن بنسبة لي شكلها لك عليها بدون أحلى

فتح كبوت السيارة

تم تفحص الاجزاء بالقرب من المحرك لا يوجد أي أختلاف أو أي زيادة

شكل المراية الجانبية

نفسه مافيه تغيير حتى اللصقات الي بالمراية بموديل 2008 في الخليجي واليحيى نفسها

فتح الابواب الجانبية

لا يوجد تغيير

صورة للمقصورة الداخلية للديكور الامامي مع أضافة جديدة

الدركسون فيه جلد الأطراف مصبوغ بطرز بالجلد الفضي (شكله كأنه مصبوغ)

لا يوجد أي تغيير في المسجل فهو نفسه 6 سيديات بصيغ WMA,MP3 والمكيف اليدوي نفسه وشاشات الثلاث الخاصة بالساعة والبوصة ودرجة ميلان السيارة وشاشة المعلومات نفسها لا يوجد أي تغيير بالصورة هذي عن 2008

هنا نشوف الأضافة الجديدة

زر لفصل مانع الأنزلاق وأعتقد أنه التراكشن مش متأكد بالضبط
الغريب في هذي الصورة لم ألاحظ وجود زر A-TRAC مع أني شفت في أحد الصور في أحد المنتديات لأف جي كروزر 2009 قطري فيه فصل مانع الانزلاق مع A-TRAC وهذي الصورة الي أتكلم عنها (منقولة من أحد المنتديات)

أيضا تم تفحص الطبلون في أول دقة تشغيل لأيضاح المواصفات

مثل ما تشوف أخر عداد السرعة تحت على اليمين يوضح علامة فاصل منع الانزلاق لكن الي فاجئني في نفس الوقت عدم وجود أي أشارة لنظام VSC؟ الخاص بالثبات في المنعطفات يعني هل هو غير متواجد فيه؟ لست أدري الغريب في الأمر أني أشوف في موديل 2008 يكون مكتوب بالطبلون علامتين وهي VSC TRAC وVSC OFF أما هنا لا توجد أي علامة لـ VSC؟

تم وضع ناقل الحركة على R لمشاهدة ميزة جديدة

هذي صورة مكان شاشة الكاميرا الخلفية تكون في أخر اليسار ويلاحظ أن المرايا أكبر من العادية وأعتقد (مش متأكد) فيها ميزة التعتيم التلقائية بوجود زر AUTO
فكرة مكان الكاميرا حلوة مرة رغم أنها صغيرة لكن الواحد يقدر يشوف خل السيارة بنفس المكان من المرايا والشاشة

وأنا راكب في وسط السيارة ألتفت حولي وتفاجئت بشيء سيء في السيارة!!!

لاحظتو العيب!

الأف جي كروزر الفل كامل 2009 البازعي لا يتوفر فيه غير أيرباقين فقط!!!
الأيرباقات الجانبية لا توجد حتى أن المندوب قالي أنها فقط يوجد بها أيرباقين!
عيب قوي بنسبة لي
السعودي 2008 واليحيى 2008 يتوفر منها أيرباقات جانبية, الخليجي 2009 ما تأكدت منه كذلك للبقية 2009

تاااااااااااااابع

[أبـوأسـد]

مسند اليد موجود للسائق وأيضا للراكب


وهذي صورة لميزة جديدة

مثل ما أنتم شايفين هذي مفاتيح السيارة
القطعة الجديدة الي تشوفنها الي فيها أنتل هذا لتشغيل السيارة عن بعد طبعا الأنتل يدخل ويطلع مو طول الوقت يكون ممدود سحبت الأنتل علشان تشوفون طوله (غير متوفر بالسعودي 2009 حسب كلام صاحب المعرض وأعتقد كذلك بالخليجي 2009 مش متأكد)


شكل القير التماتيك والدبل لا يوجد فيه أي فرق


صورة لمقصورة الخلفية من الامام


صورة لملصق خزان الوقود

موجودة بالخليجي 2009 واليحيى 2008

صورة للشنطة

طفاية حريق بقاعدة ثابته




السوب ويفر موجود


صورة لخلفية السيارة

هكذا تبدو الاف جي كروزر مواصفات 2009

الأسطب الخلفي

بحواف نيكل
على كفرة السعودي 2009 والخليجي 2009 الفل كامل نفس الشيء
فقط في فئة الليميتد
فئة FJ2 وFJ1 يكون فيه حواف نيكل لكن ما تكون تغطي أطراف الأسطب بشكل كامل يعني هذي أجمل شكل

صورة لغطاء الأستبنة والميزة الجديدة السابقة

كما ترون النقطة السوداء في منتصف الغطاء الاستنبة هي الكاميرا
وبصراحة تعليقي عليها شكلها صار كأنها سوزوكي جراند فيتارا 2004 بنسبة لي الغطاء الاسود الي يغطي الاستبنة بالكامل أو أنها تكون بدون غطاء شكلها أحلى من هذي

الجنط

لا يوجد اي أختلاف عن السابق


وصلة شكمان وهوك وحساسين
على فكرة الوحيد الي يجي 4 حساسات خلفية هو اليحيى
في الخليجي يجي الفل كامل الليميتيد فوق الصدام لصقة نيكل بين الأستبنة وبين الصدام على الجزء الأسود فقط من الصدام للصعود عليها


وهذا كل ما صورته

ضمان البازعي 3 سنوات أو 60 ألف كيلومتر قلت للمندوب مو 5 سنوات وإلى 100 ألف
قالي أن الضمان رجع زي أول وهذا مو بس للبازعي حتى لعبداللطيف جميل لازم يكون بيننا نفس النظام (ما أدري عن كلامه)
ضمان 100 و5000 و10000 صيانة مجانية عند البازعي

على فكرة الوحيد الي يجي خطوط هو اليحيى وخطوطه صغيرة جدا وعادية لموديل 2008
بنسبة لموديل 2009 يوجد خطوط جانبية مكتوب عليها بالأنجليزي FJ CRUISER


وهذا ما لدي


تنويه أخير

أكيد بعضكم يبي يعرف وش أفضل المواصفات من الانواع الاربعة المذكورة في بداية الموضوع!

بصراحة
توقعت البازعي أفضل المواصفات لكن خيب ضني في أنه ينقصه بعض المواصفات الي بالسعودي يتوفر فيها







عموما أفضلها هو













أفضلها هو اليحيى بلا منافس

يعيبه مسألة الضمان فقط حيث لازم تتفق مع عبداللطيف جميل على الضمان ولا أدري وشلون طريقته

وأن شاء الله ما أكون نسيت شيء <<< تسويها

أمل أنكم تستمتعون بالموضوع

أخوكم أبـــــــــوأســـــــد

[+KoRn]

مشاء الله تبارك الله ملاحضاتك عن الاختلاف دقيقه كل الاختلاف الجيد فيها لم ترفع سعر السياراه وشاكرا ومقدر مجهودك لصور ال2009fj

[C A R R E R A]

وعليكم السلام ورحمته وبركاته

أخوي أبو أسد يعطيك ألف عافية على الموضوع المتميز

ماشاءلله تبارك الله موضوع مفصل ومقدمة رائعة

التغييرات جميلة وزادت من مكانة السيارة


ولكني أرى أن هذا موديل 2008 مع تعديلات جديدة والله العالم وسمي موديل 2009

لأن وكلائنا يقومون بتغييرات خاصة على موديلات تويوتا بعيدة عن تغييرات السيارة من الشركة الأم

وسيارة مثل الإف جي لابد أن يتم لها تغييرات جميلة لكي تدر لوكلائها مبيعات عالية من قبل

لكن عموما أهنئ ملاكها الجدد

وشكرا لك يالغالي

فمان الله

[Y A S S E R]

الصراحة اكثر ماقهرني هو عدم توافر الايرباج بوارد البازعي شيئ غريب الصراحة


والفروق بالغالب بسيطة الا النيكل بالصدام هو الفرق الاكبر براي





يعطيك العافية بو اسد على التقرير المتعوب عليه

[da7aam]

مشكور على المجهود
في الامارات 133 الف درهم
ايرباق على الجوانب

[خبير سيارات _ 92]

السيارة ما عجبتني الصراحة .. ( وجهة نظري )

شكرا عكل حال عالتقرير اخوي ..

تحياتي

[ebdaaaa3]

بارك الله فيك ياغالي على هالمجهود الرائع

وبالنسبة للاضافات مافيه ذاك الفرق عن 2008 بلعكس شالو اهم شي في السلامة اللي هي الارباقات

اهم ميزه في 2009 فصل مانع الانزلاق واللمبة اللي فوق بس ما اشوفك ضفتها!

السعر مرتفع مقارنة ب 2008

تحياتي لك وبقية الاخوان