السلام عليكم ورحمة الله وبركاته
في البدايه أحب أن أقدم الشكر للقائمين على هذا المنتدى المفيد والرائع سواء من إدارة أو أعضاء او حتى زوّار ..
أنا في رمضان الماضي إشتريت قراند ماركيز99 إستخدام أمريكي
ولله الحمد ماعانيت من مشاكل كبيره لكن عندي بعض الإستفسارات اللي أبي أوجهها للخبراء في عالم الفورد كوني كنت من مستخدمي الياباني على مدى 10 سنوات قدت فيها السيارات ,,
طبعاً السياره ماشيه واجد " حدود 180 ألف ميل " وأتردد عليها في كل أسبوع مره من الرياض إلى الشرقيه,,
اللي ابي أستفسر عنه
1- زيت المكينه ,, ماهو أفضل زيت ؟
2- زيت القير ,, ماهي المده المفضل أن يغير الزيت بعدها ؟
3- سمعت عن وجود " زيوت " أخرى غير ماذكر أعلاه (( لاتلومونه ثقافته يابانيه :D )) فلاهنتوا أبيكم تذكرون لي وش اللي مطلوب تغييره وماهي المدّه لكل شئ على حده ؟
4- إذا شغّلت المكيف أسمع طقه بسيطه ولاأدري وش هي ؟
5- كنت ألاحظ وجود شئ غريب ولازلت أجهله .. الا وهو : أني وأنا ماشي وكل شئ تمام أحس بشئ غريب كأنه مطب ,, عارفين المطبات التحذيريه اللي قبل المطبات العاديه " اللي تكون صغيره ومايفرق بينها شئ " ,, صرت أحس بذا المطب رغم أن الطريق معتدل ومافيه أي مطبات . ؟؟؟
6- قرأت في موقع الأوكتان أن بنزين 91 هو البنزين الأفضل لها ,, لو حطيت فيها بنزين 95 من باب الحرص والأفضل هل هناك فائده من ذلك ؟
طبعاً أعتذر عن الإطاله في سرد الأسئله ومن لديه أي نصائح حول الماركيز لايبخل بها علي وعلى الإخوان القراء كوني جاهل جدا جدا جدا في السيارات الأمريكيه بشكل عام وأغلب المجتمع اللذي أعايشه كذلك يفضّل السيارات اليابانيه ,,
وفقنا الله وإياكم لما يحبّه ويرضاه ,,
أخوكم عبدالله
