استفسار عاجل بخصوص جيب لكزس LX470 الامريكي

نسيت شغله وهي اهم شغله لااا تاخذ اي سياره من امريكااا الا من ولايه تكساس واكو ولايه ثانيه لكن الله والعالم انها فلوريدا اذا ماني غلطان بس تاكد من الثانيه لان جوهم نفس جو الخليج واحر منه وابرد منه بالشتاا والولايات الثانيه لاتشتري منهم لان مواصفاتهم اعتقد غير وارضيه السيارات تكون دائما مصديه من الثلج فا دير بالك

السلام عليكم ويعطيكم العافيه

يعلم الله ماسجلت اهني بالمنتدى لكي افيدكم وتفيدوني

اخوي انا استعمل جيب لكزس lx470 امريكي استعمله صارلي شهر توني شاريه وقيمته واصل للي الكويت ومركب عليه لوحات 9.340 الااف موديل 2005 مع العلم ان تثمين السيارات بالجمارك لي يدش الكويت اخذو مني مايقارب 500 دينار و شوي طبعااا انا شاريه من امريكاا 8.300 دينار كويتي
والباقي شحن وجمارك وغيره صار كله 9.340 الف دينار ..............................

بالنسبه لسياره انا مابدلت غير زيت المكينه وفلتر وطبعاا الوكاله لازم تفتح فيها ملف لكن محلات تبيع قطع غيار لكزس اصلي وديته له وفحصه خبير بسيارات تيوتا كراج وقالي مايحتاج تصفيه وطبعا قطع الغيار متوفره عند قطع الغيار يعني ماقدر افيدك بالمحركات لكن افيدك بالي بالسياره ....

وهو كالاتي الامريكي مافيه ثلاجه
مافيه زينن يعني ليت عادي لكن قوي
قسام واحد للبانزين حجمه عادي وليس عن قسامين
مافيه سنسر
لكن يكن لما تجيب واحد يصير فيه سنسر او شغله من الي قلتهم علي حسب طلب راعيه من امريكا لكن هاذا الامريكي علشان ماتقول مادريت عنه

يعني لو تلتفت لشغلات هاذي ليست غاليه واكو منهم شغلات عاديه موو ذات اهميه


الشكل الخارجي
الفرق بين الخليجي والامريكي الامريكي مافيه سكن علي المداقر الاماميه الصغيره مالت الاشاره

ليت الاشاره الي قدام اليمين واليسار باليتات لونهم برتغالي والخليجي شفاف لكن اليت الداخلي برتغالي

تواير الامريكي حجم 18 الخليجي 17

وللعلم ان الخليجي علي ماسمعت مانزل تواير 18 الا من 2008 فما ادري عن المعلومه هاذي تاكد منها

الميزات الي بالامريكي

ارخص بالسعر بواجد
احرص اذا شريت من امريكا ان يكون فيه كاميرا اماميه ليليه لانك شاريه من امريكا لازم تطلع بميزا عن الخليجي كله وليس كل الامريكي فيه كامريات اماميه فحرص علي هاذي الشغله

انظف من الخليجي بواجد لانهم يحافظون علي السيارات ومايمشون السيارات يعني انا سياراتي ماشيه اقل من 60 الف كيلو بشي بسيط

في المقاعد الاماميه تسخين الكشنات

جامات الامريكي توصل مضلله ليست نفس تضليل الخليج لان الجام نفسها اهي المضلله تضليل احلي وخفيف وللعلم هاذا النوع من الزجاج اغلي من الي عندنا بدبل

...............................................
المشكله الي تواجهك اذا جبته وهي الخريطه لانها خريطه امريكاا لكن ..................

اكو ناس تبيع سي دي الخرائط للكزس بانواعه بقيمه 500 او 400 ريال وشغاله ومضمونه ومطوره فا امرها محلول وانشالله ماتكون مشكله





الله يوفقك بما فيه الخير لك