بصراحه ورشة الهدف مالي علم بها ولا اعلم هل اختصاصهم بالفعل قيور ام فقط ميكانيكا
ويدرج تحتها القيور بالنسبة لورشة الشبل العماله الفلبيني تقريبا في حدود 4 فقط
وهم اثنين شغالين داخل غرف اصلاح القير والباقي عماله اما يمنيه او باكستانيه حتى الاداره
وعندي علم بهم وبصراحه انا لاحظت ان سعرهم مبالغ فيه بشكل كبير جدا والشغله بسيطه
بالنسبة لترايستار مادري يالغالي هل انت رحت وسألت واستفسرت لان الاستفسار
ببلاش ام هل سمعت اخبار وكلام من اشخاص ان اسعارهم غاليه فيه شخص في ورشة
ترايستار الي في الثقبة اسمه احمد اعتقد ان جنسيته لبنانيه وانت شطارتك :bigggrin:
تسأله وتخليه يجرب السياره وقبلها تتفاهم على السعر عجبك توكل على الله معاجبك ايضاً
حفظك الرحمن لأني موضب القير عندهم ولله الحمد والمنه شغلهم وبكل امانه افضل من ورشة
الشبل الي وضبة عندهم القير وبنفس السعر وعلى ذلك الشبل يعطيك ضمان 3 - 6 شهور
مقابل سنة ضمان من ترايستار ومحل مايرتاح قلبك ودي سيارتيك ويكون ناس مجربه بالفعل
أخوكـ
والله يا خوي انا ما رحت تاريستار لكن هذا حسب كلام واحد من االشباب انه غالى ,, غير كذا وين محل ترايستار اللى بالثقبه ؟ انا ما اعرف إلا اللى بالخضريه بالدمام ..
وديت سيارتي الهدف الذهبي .. عندهم فلبيني شكله شاطر من يوم ركب السياره ودعس شوي قال هذا حساس القير .. قال يآخذ شغل يده حول 500 بحاول معه الى 400-450
اما حساس القير الكامل سعره 550 هو يتكون من 5 او 6 قطع بس راعي قطع الغيار قال لى مو لازم تشتريها كلها شوف القطع اللى خربانه عندك وجيب زيها وبس ..
