كثر دعس بالسياره يزيد من قوة مكينة السياره

في عندنا مثل يقول (السيارة إذا كثروا سواقينها خربت)
يعني واحدمن السواقين هادي
والثاتي متهور(يدعس للصاجة)وكذا
ولاكن اللي يزيد عزم السيارة وهذامجرب مع فورد كراون فكتوريا موديل93
هو يوم تحشر التعشيقة الأوفر درايف و تحويل القير إلى عادي
كانت حكت الكفر شبه معدوووووومة ولاكن بعد استخدام هذي الطريقة تغير العزم وأصبح أقوى نسبيا لماكان عليه

الدعس مايأثر على السيارة ..
اللي يأثر على السيارة هو السرعة فوق الـ 150 ك/س لساعات متواصلة ..

أقول الكلام هذا بناء على معاشرة سيارتي 7 سنوات ، وقوماتي كثير ، بمعدل 5 مرات بالأسبوع ، ومع كذا السيارة عايشة معاي ممتازة وماشية 250 ألف كيلو ،
والسبب عدم تجاوز سرعة 150 لفترة تزيد عن ساعة .

الا يا طويل العمر بالعكس:a120(115): تزيد
مشاكلها
لاكن الدعس ع مستوى واحد
تحياتي
:wavey:

مين قال انه الدعس يقوي المكينة بالعكسس
الا يجيب اجلها بسرررعة

تراة صادق مثلة مثل لاعيبة الكورة لازم يسوي لياقة كل يوم عشان يعرف يركض خخخخ

شغل مكانيكا الله اعلم ....... اخوك كهربائي متواضع

من كلام صاحب ورشه يقول الدعس ضرره على القير اكثر من المكينه

صراحه انا اقتنعت بكلامه بعد ما دريت ان محركات مرسيدس AMG يخلونها اسبوعين تشتغل على السرعه القصوى

يعني اسبوعين والسياره تمشي 260

عندك مثلاً الدعس من الصفر يضر السياره اكثر من انك تدعس من ال 40 فما فوق

لن البرن اوت او الشخط والمقوحص ضررها كبير شوي بحكم انك تعطي المكينه والقير والدفرنس كل الطاقه والسياره في وضعيت السكون

وانا دايم اتبع قاعده الدعس ما يضر اذا كنت تدعس بطريقه سليمه

يعني بدون ما تعدل او ما تبرمج المكينه على RBM اعلى من الي تقدر عليه المكينه او تبرمج الوقود على انه يضخ اكثر من لازم .. هذا يضر على المدى البعيد

اما انك تدعس على السياره وهي على وكالتها ما يضر الا القير

او الدعس ما يكون من الصفر او انك تدعس وتفك الدعسه همين تدعس مره ثانيه بطريقه سريعه شوي

يعني الشركه تسوي لك سياره مكينتها تتحمل 8000 دوره في الدقيقه بس تقول لك من بعد 6000 دوره يضر بالمحرك يعني 5900 وما قبل ما يضر

والدليل ان المحرك عنده قدره يوصل الى 8000 دوره بس حفاضاً عليه لا تتعدى ال 5900 دوره

يعني هذي اساليب انا اتبعها والوضع الحمد الله ماشي تمام

و احب ازيد نقطة ما ادري اذا لها دخل
انو الصوفة او الصووف المكينة والقير مع الوقت تهرب الزيت
شرايكم يا اهل الخبرة ؟؟

الي يزيد من قوة المحرك هو التعديل والتزويد فقط .. وبعض الشغلات المؤقتة ..

كما أن المحافظة على زيوت المحركات والقيور وطريقة استخدام الأبنص (الدعسة)

يحافظ على النشاط ولكن لا يزيد من القوة .. بمعنى هناك سيارات يسقط عزمها بسبب

عدم المحافظة والتوازن في الضغط المحرك .. وأكرر التوازن والإعتدال يحافظ على

النشاط ولكن لا يزيد القوة .

طيب انا الان السيارة جتني 84000 بالميل الامريكي وخلال سنه واحده مشت معي الى 101000 بالميل مع المواضبه على الزيوت للمكينه 30/10والجربكس والبنزين 95 دوريا بس دعساتي مره ازيد ومره اقل يعني حسب المزاج وحاله الطوارىء

هل هذا يجعل السياره تكمل معي سنتين او اقل او ايش الوضع ؟؟؟؟؟؟؟؟؟؟؟؟؟؟؟؟؟؟؟؟

ابي الرد بسرعة لاهنتم شباب

تحياتي
:ch19:
Marauder 2003

انا اعطيك اقرب مثال قاله لي واحد من الشيبان..

المكينه مثل الباب..

انت الحين ركبت باب جديد..

والباب قوي وكل ماجيت تفتحه بقوة وتسكرة بقوة تصفقه صفق مع الايام وش بيصير..

ياينكسر الباب او يرتخي اما اذا حافظت عليه وزيت مفاصله راح يعيش معك

اكيد تزيد
بس ينحرق عليك الزيت بسرعه

كثر الدعس اللي اعرفه يضر القير اكثر من مكينه ..:rolleyes1:

^^^^^^^^^^^^^^^^^^^^
اتفق معك في كل كلمه

نعم اعتقد ان هذه الطريقة تزيد من قوة المحرك

ولكن سيكلفك من عمر المحرك بسبب استهلاكك الزائد للمحرك ( نتيجة سرعة توسع البساتم )

يعني على سبيل المثال :-
اذا كان من المفترض ان يكون عمر المحرك لسيارتك هو 15 سنة او 400.000 كلم
سيقل عمر المحرك الى النصف مع كثر الدعس المتواصل

اجل كل سيارات التأجير انتهت من كثر الكتم عليها من كل من هب و دب

هو قصده إن البساتم توسع مع كثرة الدعس
بس بعد فترة تطق المكينة سنتين او اكثر

اكيد لا ماتزيد قوه المكينه

بس هل تفيد في زياده قوة المكينه او لا