حسبي الله على المرور و بنوك التأجير !!

السلام عليكم..


كيفكم جمييعاً..
يا جمااعه انا هاتجنن بـ صراحه..
طبعاً كل سياراتي اشتريتها كااش.. الا اخر سياره.. عن طريق التأجير
من البنك الاهلي.. وياليتني مافكرت اشتري عن طريقهم..

اول شي جنوني عشان الاوراق.. كل يوم رايح جي ع البنك عشان كشف الحسااب..
خلصت من اوراقهم في خلال اسبوع ونص..
وجات السياره وجات موافقه الشراء وكل شي..

جيينا لـ المصيبه الاكبر.. بطلع اللوحات من المرور عشان استلم السياره..
طبعن السياره وصلت وخلصت اوراقها من يوم الاتنين.. وباقي المرور عشان اللوحات..
قالولي الاستلام ان شالله السبت او الاحد.. ( لاحظوا كل شي جاهز من الاتنين )
يعني 4 ايام غير خميس وجمعه.. قلتلهم يلا خير.. نستنى ايش ورانا..

جا السبت والاحد.. قالولي الاتنين ان شالله.. جا الاتنين قالو التللاتاء.. ونفس الحال الين
الاربعااء.. الي هوا اليوم.. المهم رحت الوكاله مع الوالد واضاربنا مع البشكه كلها من موظف البنك وموظف المبيعات الين مدير الفرع :bigggrin:.. وقلنالهم بطلنا مانبغى السياره.. المهم كلمو مدير
البنك حق المدينه وجده و و و و و.. وقالو ان شالله السبت..!!! عاد ماندري لو كان كلامهم صحيح ولا لأ..!!

8 ايام والسياره ماستلمتها ولسه هستنى 3 ايام..!! يعني 11 يوم عشان لوحات ؟؟
والله ماسارت والله لو اني بشتري طياره خااصه ما سووا كدا..!
و للعلم يعني السياره من شركه بالبيد..!

ابغى افهم المشكله من الوكاله ولا من المرور ولا من البنك ولا من ميين بالزبط..!
من جد ينااس ما صارت مصخره مصخره مصخره الين خلاص.. مشاكل بين البنوك والمرور..
المشتري ايش ذنبو؟؟؟

انا مني عارف ابطل ولا ادور شركه تانيه ولا المشكله هتواجهني كل مرة اجي اشتري
بنظام التأجير ..!!


اتمنى تفيدوني يا جماعه.. ايش اسوي.. والناس الي اشترو بنظام التاجير عن طريق البنوك
واجهتهم المشكله هدي والمصخره ولا لا؟؟