بسم الله الرحمن الرحيم
السلام عليكم
كيفكم ياحلوين
اليوم حبيت انقل لكم موضوع عن حمايه المقدمه للسياره
بدايه القصه
طبعا قررت اني اركب حمايه لمقدمه سيارتي
اخترت بعض المحلات ( الميراج ) لاني كنت مركب عنده قبل حمايه للانوار الاماميه وانوار الضباب
وعطاني سعر حلووو بس مارحت عنده
واوتوشاين شفت رقمه في المبوبه وكلمته بس ماعجبني سعره
واخيرا الحمايه القصوى واللي حاط في بالي اني بخلص معه
لانه كان معي خصم من الوكاله بس عند الحمايه القصوى
وعجبني سعره وخلاص قررت اسويها عند ((((((((((( الحمــــــــــــــــــــايه القــــــصــــــــــــــوى ))))))))))
اتصلت فيهم وقالي خلاص جيب السياره ونسويها وعطاني سعر حلووو
رحت لهم وسلمتهم السياره في العصر 4 وقالي يمكن تخلص في الليل اوبكره
قلت له حلووو
خلاص بكره بجي استلمها
وفعلا رحت اليوم الثاني استلم السياره والمصري العبقري قال لي ادفع باقي المبلغ عشان تستلم السياره
من زود الثقه العمياء اللي فيني دفعت له ورحت استلم السياره
طيب جيت اطلع في وجهيه السياره وانصدمت :confused1:
المحترفين اللي عندهم طريقه قصهم للفيلم غبيه جدااااااا جدااااا
الشبك نصه مو مغطينه صح يعني مغطين شي وشي مو مغطه بالعازل وفي نهايه الصدام من تحت
ماغطوها يعني في جزء منه ماغطوووه يعني لو تطلع في عجاج راحت عليك حواف الصدام من تحت:smilie20: وعند انوار الضباب هم ماغطوها والكفر حق المرايات الجانبيه مو مغطه صح والجسور حق البيبان
وقلت للمصري بعد ماستلمت السياره قالي هاذي ماتيجي ياحبيبي
قلت له طيب ليش ماصفطت اللي في نهايه الصدام الى اسفل الصدام
ورد علي وقال انها تتعرض للتراب وتخترب الحمايه وقلت له يعني انت اللحين قدرت تصفطها في الكبوت ولا تقر تصفطها تحت الصدام سكت شوي وقال لي جيبها بعد سبعه ايام حق التشييك ونسوي لك اللي تبي والله ومشيت البيت وضلت تضرب براسي
ورجعت له في الليل وقلت له عدلها لي مااقدر اخليها كذا سياره جديده 2011 دافع دم قلبي فيها
وانا راعي خطوط والخط اللي امشي عليه للدوام العجاجفيه كبر التريلات
جى المصري وقالي هذا مايجي ومنها كلام التهرب وفي النهايه قالي خلاص جيب المفتاح ونضبطها لك
خليت السياره عشان يضبطوها
جيت استلمها يوم ثاني ( دقق على كلمه يوم )
والله السياره مثل ماهي بس رقعها رقعتين صغار عند انوار الضباب
وقلت له والباقي قالي مانقدر نسويه
قلت له طيب عطني رقم مدير المبيعات واتصلت فيه وجى قابلني
وقالي نفس كلام التهرب اللي عطاني وياه المصري
قلت له خلاص انا اروح الميراج ودايموند عشان لا اكون ظالمكم
ورحت شفت شغلهم وتشوف الفرق بعينك وخليت اللي في دايموند والميراج يشوفوا الشغل اللي في سيارتي
وقال لي شغل مو مضبوط وطريقه القص غبيه جدا وقلت لهم خلاص انا يخليهم يزيلوها بجي اركبها عندكم وقالوا لي تعال ومالك الا اللي يرضيك والله شغل ممتاز في الميراج ودايموند
مو شغل سته بعشره
واتصلت بمدير المبيعات وقلت له اذا ماتعرفوا تضبطوها ازيلوها و بالخناق قال رح يزيلها
وقال لي تعال لي بعد صلاه العشاء عشان تستلمها ونعطيك المبلغ
رحت لهم بعد صلاه العشاء وشفت السياره مثل ماهي مازالوا الحمايه
واتصلت فيه مايرد
وكلمت المصري قال لي الشركه ماوافقت تزيلها قلت بس انتوا وعدتوني كيف كذا
وظليت اتصل بمدير المبيعات اسمه حسين العييد يمكن 40 اتصال طبعا خلاني امشي العصر وانحاش والله من بعدها الى يومك ماشوفه
وقلت للمصري عطني رقم مدير الشركه وعطاني وياه بعد الخناق
واتصلت فيه وقال لي ولا يهمك اا نا بجي اليوم فرع ااالاحساء واشوفك
ورحت له وشاف اللشغل وقالي خلاص رح اخليهم يضبوها ولايصير خاطرك الا طيب
حلووو وكلام مطمن وقالي جيبها يوم التشييك ويضبطوها وكلمني قبل
طيب
جيت يوم التشيك بعد ماتخانقت مع حبيب قلبي ريسيفي الدوام عشان استاذن
ورحت للمحل وجيت للمصري وقالي هذا ماقدر نسويه وهالكلام الفاضي
وقلت اني كلمت مديره وقالي بضبطها وقال المصري خلاص تعال العصرعان نرتب الموضوع
طيب اتصلت في مديرهم ولا رد الا العصر وقلت له عن الموضوع وقال خلاص انا برتبك على يوم الاثنين وطبعا هذا الكلام صار يوم السبت طيب وظليت اتصل فيه والرجال ساحب علي اتصلت فيه يوم الاحد ولا عطاني خبر واستخدمت رقمي الثاني
ورفع على الرقم الثاني وقال لي ذا الاسبوع مافي مجال ولا في الا يوم السبت الجاي
قلت له ياعمي ليش هالمماطله انا ماعندي شغل الا انتوا اروح واجي عليكم ياعمي اذا ماتعرفوا تعدلوها زيلوها عشان اركبها في دايموند او الميراج
قال خلاص نزيلها لك بس مانرجع لك المبلغ وظل الخناق:a1120(82): وقال اللي تبي تسويه سوه:a1120(121):
ولهذا حبيت انقل الموضوع لكم حق تستفيدوا ولا تطيحوا في نفس الخطا اللي طحت انا فيه وتوهقت
وانشاء الله عن قريب رح ارفع الصور لكم عشان تشوفوا الشغل وتحكمواعليه بنفسكم
اسف على الاطاله ومشكوررين عالمشاهده والمرور وابي اعرف ردكم على موضوعي
سلااااااا:a1120(86):
