عليكم السلام ورحمة الله وبركاته
أخوي بالنسبة للحرارة اللي ظاهره بالطبلون فهي طبيعية جدا ومافيها أي ضرر على المحرك وحتى لو وصلت الحرارة الى النص أو أقل من النص في عز الظهر والجو حار جدا فما عندك مشكلة وهذا كلامي عن تجربة واستخدام للكابرس لمدة 4 سنوات ونص نفس الحرارة اللي عندك وقليل جدا اذا كانت أعلى بشئ بسيط وماعمرها وصلت الحرارة الى النص الا مرتين تقريبا هذا أولا
ثانيا :- الكابرس خاصه من موديل 89 وفوق اللي يجئ بنظام البخاخ أو مايسمى بنظام الحلابات TBI الأفضل تركيب ثيرموستات (بلف الحرارة) في الصيف والشتاء علما أنه الكابرس يجئ له ثلاثه درجات لفتح الثيرموستات نوع يجئ يفتح عند درجة 195 فهرنهايت (أقل من النص) ويطلع لك بالمئوي 90 وهذا النوع هو اللي يجئ من شد بلاد السيارة (من المصنع) ولكن عيبه كبير وغير جيد في فصل الصيف
ثيرموستات يفتح عند درجة 180 فهرنهايت ( الثلث) ويطلع لك بالمئوي 82.22 وهو أفضل نوع وأكثر ملائمة للصيف والشتاء
ثيرموستات يفتح عند درجة 160 فهرنهايت (الربع) ويطلع لك بالمئوي 71 وهو أشهر ثيرموستات للكابرس القديم
ثالثا :- تقدر تستنج من كلامي أنه درجة الثلث هي 82.222 درجة مئوية وبالفهرنهايت تعادل 180 لأنه بعض الأنواع يأتي عداد الحرارة مقاس بالمئوي مثل اللي عندك وبعضها مقاس بالفهرنهايت وكلها في النهاية تقرأ نفس المستوى والفرق الوحيد هو وحدة القياس
