هل سبق لك أن قشعت ( صدمت ) ؟, إذا كان الجواب نعم فادخل واشرح كيف صدمت

انا مره كنت ماخذ سيارة ولد عمي (هايلوكس2001)
المههم كنت واقف عند اشاره مستنيها تفتح لمن فتحت حطيت رجلي والي قدامي معاه لكزس ضغط فرامل وانا مع الربشه جلت معايا الفرامل ودبييج الخلفيه وقف على جمب وانا وقفت على جمب نزل الرجال احط امها اول واقرب حاره

ومره كنت بسيارتي (كراون) شايف بنقالي قاطع الشارع قلت خلني اخش عليه خشيت عليه راح الجهه الثانيه وانا رحت الجهه الثانيه لفيت يسار لف يسار لفيت يمين لف يمين قلت مالك الا فرامل كحطططططططط ماخذها مع لفه ويطلع البنقالي فوق الكبوت واقرب لفه ونفس دعستك

انا والله من قبل فتره طويله قصبره والواالد ماقصر قال بعلمك السواقع <-----<<ايام ماكان يتعلم


جاي ياطويلين الاعمار واول مره ابي البق السياره

الى شغال مع الراديو ونسيت السواقه

وتوني جاي ابي اوقف السياره ضغط على البانزين بدل الفرامل طبعا السياره كانت فورد ولا تدعس واخرتها حكه في باب السياره (حق جيراني) <لحد يعلم عليه>


والحادث الثاني كنت انا حاظره

لكن انا يمين السايق

طالعين الفجر مواصلين ومعنا زوم 6 والمهم فتحنا الموضوع افحط لا ما افحط لين تحدينا على نطلتين في طريق شارعين صغار بس

المهم ماقصر الي معي جاي اتعدى 120 قلت الحين بيهدي مع النوم شكله نسي

انا من الخوف بغيت اخلع الباب في ايدي

المهم ياولد اسحب

الى الزووم تحك بالرصيف الاول مع الربشه كملنا النطله وجينا ننطل الثانيه الى فوق الرصيف واستفهام وادخل بالتراب

طبعا الاظرار
1_الطيس تكسرت(واحد قعدنا ساعه ندوره)
2_دفعنا (محل ذيب لتاجير السيارات)600 ريال (تعويظ)
3_دخول الجنط بالكفر
4_طار النوم وخربت علينا الاجازه


وهذا واسف على الاطاله

تحياتي|3|

مشكووووووريين على ردودكم

سلام عليكم

تسلم يا car007 على ذا الموضوع الحلووووووو


انا مرتين صقعت بس حمدالله صقعات خفيفة :)

مره كانت معي دودج فان 93 كنت واقف عند البقالة وكان زحمة شوي ويجي بوهنوود الغشيييييييييييييم كان في موقف قدامي يبي يسفط به ويجي ويحك صدام السيارة وانا كنت في السيارة هو كان معه بيوك قديم
نزلت وسيارتي ما جاها شي ابد ( الا حكة خفيفة من الصدتم ) اما هو انحكت سيارته من جنب قلت له خلاص انا متنازل ( لان ما كان معي تصريح توني ما طلعت !! )

والمرة الثانية يوم عيد الضحية كان معي كامري 98 وكنت رايح من الخبر لدمام ويجي كامري من جنبي يسوي فيها طاااره وهو نت جنبها ويصقع المرايه على اليسار بس ما طاحت لفت على قدام

معليه طولنا عليكم
السموحة

والله يوم من الايام انا وولد عمي كنا في جيب ديهاتسوا92(انا راكب)
المهم وحنا ماشين مع طريق ظلام ولد عمي لف الطاره على خفيف
زحف الجيب جهة السايق ولد عمي رد الطاره جهة الراكب رد الجيب وانقلب
على جنبي (الراكب) بعدين على التنده بعدين جنب السايق ورجع واقف اطالع الى والغبار يدخل عليناوالمساحه صارت عند وجهي المهم نزلنا الى الجيب فيه اصابات
خفيفه وحنا طلعنا سالمين (شغلنا غصب اشغل عشق ورحنا رميناه ورا الفيلا ولا كأنا سوينا شي) كان اول حادث اجربه

اخوكم camry_grande

انا كنت ماخذ سيارة ابوي فورد 2002 كنت بحي النسيم ( حي الزبايل ) كان فيه زبالتين بينهم ممكن 5 امتار كانو بزران يلعبون كوره وحاطينها ابواب هههههههه المهم كنت ابي اخذ عصير كان في المرتبه ورا وكنت مطفي الانوار المهم يوم طالعت قدام إلا واشوف البزران يصارخوون ويقلون الزباااااااااااااااااااااااااااااااااااااااااااااااااااااااااااااااله واجيك اسحب بريك ( يلعن ام الدلاخه ) واعرض اللسياره واقشع بالصدام الامامي والخلفي هههههههه ( طبعا من الخوف ولا اصلا كان ابقشع بزباله وحده مو بثنتين )

بس الحمد لله لم تحدث اصابات لي وللي البزران

لكن لو تدرون وش سويت فيهم :D

باييي

بسم الله الرحمن الرحيم
يسلموووووو اخوي car007 على الموضوع
انا قد صارلي حادث في طريق الثمامه كان معي سياره فان كيا وكان معي اهلي المهم كنت ماشي في طريق مشترك يعني ماشي تقريبا 70على 80 على طريقنا كان فيه حادث جمس قديم صادم كامري 2003 بعد ماتعديت الحادث بشوي كان فيه كراون فيكتوريا موديل 90 كان يدور اخوياه فجأه لقاهم وديور على طول يوم ديور ليته اسرع شوي كان ماشي تقريبا 40 وانا على طول سحبت الفرامل وكان بيني وبينه 3 امتار وسيارتي الفرامل حقت السياره معدومه وعاد انا ارقعه من ورا والحمدلله ان كان فيه حادث قبلي ولا كان رحت في امها والسياره الحين في الورشه وطلعنا سليمين منها وتكلفت تصليح السياره 2000 الف ريال والحين معي سياره بيجو 2004 وبأذن الله راح اجيب صورة سيارتي الي في الورشه والي معي الحين

تحياتي :

عــ الربع ــاشق

السلام عليكم ورحمة الله وبركاته

مشكووور اخوي على الموضوع الرائع

انا فيوم منا الأيام صار لي حادث على شارع مستشفى الملك فهد ( التعليمي )
كنت جاي من بعيد متجه الى طريق المستشفى
رايح بقط خويي الي كان جالس يميني هههههه

كان معي كابرس 90 ..<<< وينك يابعد عمري... عشت مع موتري ذا احلى ذكريات واحلى مغامرات ......... مادري وش اخبارك الحين......<< صديق العمر

مادري هو توفى ...... او هو مازال عايش على وجه الأرض ؟؟!!الله العالم


المهم |4|

1-سالفتي ياطويلين الـ اشناب:D اني جاي مسررررررع مره مكيم
كانت بدايتها ابلحق على الأشاره وهي صفرا المهم عديت الأشاره
بسلام وخشيت بشارع رايح جاي وانا مشغل اغاني وخاش جو معها
المهم صار قدامي صابونه احمر وعلى يساري الي هو الطريق الجاي
فورد عائليه وكنت مسرع مايمديني ادق فرامل تقريبا الـ 120 في حواري امشيها ليه كنت انا مسرع ذاك اليوم مادري .. ايام مراهقه ههههههه
وانا مسويلي فيها طاره واطلع من بين السيارتين والفرق بين اليمين واليسار شعره واحمد ربي اني طلعت منها سالم الى شوي توني ابخفف من هالسرعه الجنونيه الا شوي تقاطع التعليمي يطلعلي واحد راعي سوبارو بكس معه عايله والي يسوقه شباب وكان مسرع مثل القطوه الي تخطف الشارع بسرعه

وخفت وتعرفون التسعاوي مايلعب وخفت اني اقبع فيه واتسبب في موتت واحد منهم لأنه معه زحمه والله امسك فرامل بقووووه والف الطاره يسار
واقبع باكسنت واقفه على الزاويه بالطريق صاحبها مسكين فلبيني خخخ
موديلها 2002 واشقحها الرصيف وبالرصيف فيه حديد احمر حق المويه
ومن الشارع الى الرصيف الى عمود المويه الأحمر
صارت السياره مثل علبة البيبسي المدعوسه ههههههههههههه

جلسة لمدة دقيقه جوا السياره اقول وش الي صار

وادور صاحبي الا هو لازق بالقزازه الأماميه هههههههههههههههههههه
لدرجة اني خايف بس يوم شفت صاحبي ضحكت ضحك مو صاحي على وجهه
شلخ علي لقزازه هو مع خشته طابوق مو خشه ...
والله ماسمعني كان صارت علوم ههههههههه بس تراه يموووووون ههههههه

نزلت وشفت وش الاضرار الي صارت
موتري انعفس علي الكبوت + لمبه انكسرت فقط لاغير هههههههههههه
والأكسنت عليها السلام اسعفوها بس للأسف توفت وارسلوها الى مقبرة السيارات هههههههههههههههههههه والفلبيني مسكين شوي ويصيح ههههه




2- الحادث الثاني والله حراااااااام اهء |5||5|
في يوم العيد الي فات
كنت بموتر الشايب راز فيه سفاري باترول 2004
والسياره ماصار لها اسبوع من طلعت من الوكاله
كنت مغسلها ومايحتاج ومتجه اصلي صلات العيد وانا رايح اوقف
رجعت بالموتر على وره ... مسويلي فيها اعرض الموتر بالريوس
وبوقفه تحت شينكو .. اضلال الا شوي اسمع طررررررره واجيب العامود الي مثبت فيه الشينكو من الجمب الى الباب الخلفي ..<<< شوي ويصيح
ما عيدنا زين ذاك اليوم .... المشكله ان العامود هو الغلطان:D
الى الآن مستغرب كيف قبعت بالعامود وانا شايفه بعيد عن السياره
بس يالله نحمد الله على انهي جت على كذا بس


الله يكفينا ويكفيكم شر الحوادث ,,, يارب

______________________________________

وآسف على الأطاله والسموحه
ولكم الشكر والأحترام
تحياتي|3|

هلا اخوي car007 ومشكور على الموضوع :
1-أنا صارت لي قشعه بساب في الصدام الخلفي كنت أريوس وأنا أريوس سمعت طخخخخخ حطيته علىD ومشيت فكرت ركبت على الرصيف (أقول في نفسي كيف ضربت الرصيف) المهم بعد ما نزلت أشوف هندي يطالع في السيارة مستغرب وأذا أطالع ألا أشوف الصدام الخلقي منشق (الصدام فيابر)....

2-ومره أنقشت عند البقالة اللحية طاحت وصدام أنقشع بالقوة(أعرف سيارة إلي قشعني بس من ذاك اليوم ماشفته)....

3-السيارة كلها شماميخ من ولادالحارام بس السقف سالم من الشماميخ

على العموم أذا كملت 80,000 كلم باصلحها على حساب التأمين وتصليح وكالة....


واسفين على الاطاله ويعطيكم العافيه .....

هلا اخوي car007 ومشكور على الموضوع :
في الحقيقه انا صارلي حادثين الله يحفظنا واياكم واليكم التفاصيل :
1- الحادث الاول على ايام التوجيهي كان معي دايو ليغانزا 2000 توها بقراطيسها .....
تعرفون ايام المراهقه كنا دوران عند المدارس ظهريه الاربعاء ( يوم الفله العالمي على قولت واحد من الشباب :) )

المهم وانا خلاص ماخذ لي اخر دورة وبروح البيت الا اسمع صوت فرامل كحححححححح من وراي وانا مدري اطالع في اي مرايه يوم طالعت في المرايه الخلفيه الا اشوف ذاك الي علي بيبانه متجه جهه السيارة ومن زود الفلاحه ربطت فرامل الا في الشنطه حقت الموتر وتحوص سيارتي جهه سيارة كانت جنبي ومع الرفرف المهم ياطوال الاعامر راعي الكامري تخفشت ابوابه ودعس ماوقف وانا نزلت من السيارة وجلست على الرصيف اناظر في الموتر اناظر في الشطنه الي راحت والرفرف الي تخفش لمن جت الدوريه وكتب في التقرير هارب وصلحتها على حسابي كلفت حول 1500 ريال ... :(


2- كنت طالع يا طوال الاعامر والسلامه قبل يوم العيد بروح اخذ ثيابي من الخياط ومعي موتر الوالد كروان فكتوريا 99 ومسرع في الحقيقه ماعرف ليش كنت مسرع :confused: وكان الشارع طويل وفي نصه تقاطع المهم كان الوضع اوكي فجاة واحد من الي كانوا واقفين تحرك ويوم شافني وقف في نص التقاطع مدري ليش :rolleyes: اربط ماتربط ياهو فرامل والله معاد فيها خلاص ودررررررردب في الكورولا المهم اخذت لها الكورولا عقدتين وفي الصبات وانا الرفرف مع الابواب الي من جهه السواق مع الكفر الكفر طار ( رحنا ندور عليه اليوم الثاني ) وفي الحقيقه ماسمحته لانه كان كذاب كان يقول ان السكر انخفض عنده يوم حلالوله السكر طلع اصح مني قلت والله انك قعدتبها :D وكلفت السيارة 4800 ريال ....
وفي الحديد ولافيني :D


واسفين على الاطاله ويعطيكم العافيه .....

أنا ما سبق لي أن قشعت أحد ..
لكن واحد هندي الله يجازيه مرة قشعني ..

كان وقتها معي مثل الغالي Accord V6 .. كابريس صابونة موديل 92 ،
كنت خارج من محطة ومسكت الطريق الفرعي ... وكان بعد مخرج المحطة على طول مخرج على الشارع الرئيسي ،
بين سيارتي وبين الرصيف .. جاء هندي معه مازدا بكس قديمة وسلم على الرفرف الأيسر وعلى الكبوت وبابي وباب اللي وراي ..

الحمد لله ما كنت هناك أضرار ،، ومن طيبتي الزايدة تنازلت عن الضعيف |4|



الله يكفينا شر الحوادث والمصائب ..
مشكور أخوي على الموضوع .

مشكووريين جميعا
....................................
bmw2002 ياليت تشرح لنا كيف كان الحادث مع صديقك


تحياتي

[CELL="filter: glow(color=black,strength=4);"][SIZE=4]"

كاتب الرسالة الأصلية GrandMarquis
والله انا صارلي حادث سخيف

توي راجع للبيت وابغا اوقف السياره زين وادق ريوس وادعس الا اطير لك الزباله الله يكرمكم

وانكسر علي الاصطب حق الماركيز

:D

--------------
انا ولله الحمد ما صار لي ولا حادث

صار لي مع واحد حادث وبس :rolleyes:

تحياتي :)

"[/SIZE][/CELL]

والله انا صارلي حادث سخيف

توي راجع للبيت وابغا اوقف السياره زين وادق ريوس وادعس الا اطير لك الزباله الله يكرمكم

وانكسر علي الاصطب حق الماركيز