على فكرة كفرات الفالكون أخوي للوهلة الأولى الواحد لما يشوفها ويسمع اسمها يغتر لأنها ماركة يابانية بس ما يعرف خبايها تعرف ان ماركة تويو الكورية احسن منها على العموم
واحد من الربع الله يذكره بالخير والجاه بخير انشاءالله معه هوندا سيفك SIR طبعاً هذي من الأنواع السيارات الرياضية اللى نزلتها هوندا وتصل سرعتها الى 240 كم صحبي ما جصر فيها على الزوايد اللى فيها طلع من عمان وراح لشارجة الى جارج معروف هناك اسمه الكويتي حط حج سيارته زوايد الله لا يرويكم هزوايد شلون كانها طيارة موسيارة مشاءالله عليه وزود المكينة بتوصيلات كهرباية رياضية وشمعات احتراق ثلاث روس من الألمونيوم وسوبرشارج ( ضاغط حجمي ) ماكفه الصاحب غير الجنوط والكفرات من 205 الى 225 والله يصاحبي مارح اتصدج انه وصلنا فيها الى 265 كم مع BMW وطبعاً انغش صاحبنا بالكفرات نوع فالكون كان ارخص شئ بسيارته وكان كل شئ في سيارته من النوع الغالي كفراته كانت رخيصة بعد اسبوع من شراءه حج الكفرات وتفاخر جدام الشباب بالكفرات الجديدة وتلميع الكفرات بجميع انواع الملمعات انفجر عليه طاير على سرعة 160 بس ربك ستر وبعدها بيومين اتجطع الثاني على طول ومن دون تفاهم اتصل فيني الصاحب ورحت معه للمحل اللى اشترى منه الكفرات وكان فيهم ظمان وبدلهم الأربعة بكفرات جديدة من ماركة بيرللي مع فرق 150 ريال عماني اي حوالي 1550 ريال سعودي وسلامتكم
الله يسلمك اخوي حسن على فكرة بعد الحادث اللى ذكرته صارلي فوج 8 حوادث استاهل السلامة عليهم لأنهم حوادث موت
