والله يا sambos ما انصحك بهذا الطريق طريق التلغيم على فكرة لأنه ادمان أول شئ يفلسك ثانياً الله يستر يكافي الموت
كان مصروفي بالكامل ضايع بتلغيم وتزويد سيارتي واصرت بعد انتهائى من الثانوية بعدم اكمال دراستي الجامعية واصريت ان اعمل من اجل شوه من اجل السيارات جنون مو كذيه راتبي ثلاث ارباعه ومرات كله واتسلف كمان فوجه عشان التزويد مرت على سنة كل أسبوع اطلع من عمان اتوجه الى دبي والشارجة او العين ليه ما أن انخرب بيتي طبعاً كل اللى احلم فيه حققته سيارتي ما كان لها منافس من نوعها وكان عندي نيسان باترول 97 الله يسميها بالخير ( سيارتي ) بعد عمري كان اللى يدخل معاي ريس يفشل حتى الكامري جراندي والمكسيما والموستنج كنت اريسهم وكنت اوصل معهم ليه تجفيلت العداد وتلزيج البنفر بالبنفر اش تبي اكثر من كذيه نيسان باترول يرايس مكسيما فوج 260 بس شوه الله وكيلك الموتر كان بلاعة بنزين اهوه بروحة بلاعة ومع التزويد كان بلاعة يعني كنت المعه وتفرج عليه ما احركه ليش فلسني بالبنزين ومن غير الخراب اللى كان يحصصله كل يوم في الموتر والكفرات اللى تجطع في الشارع لأنها مو مجهزة حج هذي السرعة ولا الشرطة كل يوم مخالفة على الصوت صوت الشكمان بازوكة الله لا يسمعك صوته دبابة وعلى التنزيل مرة في الأرض ولا الأستيكرات اللى مالى فيها السيارة الله رحمني مليون موته اكيده كان ممكن تحصلي بس سترك ربك ودعاء الوالدين وسلامتك نصيحة ابتعد مع اني عارفك ما راح تسمع النصيحة الا ما تجرب احنا شباب الخليج دمار وما نصدج اللى ينجال لنا الا بعد ما نجرب المهم ما يكون بعد ما يطيح الفاس في الرأس
