الجميح والتامين ارجو الافادة

algetharah @user_31786 · 13-07-2006

الاعضاء الاعزاء
ارجو افادتي عما يمكن عمله مع هذة الشركة
فانا قمت بشراء سيارة لومينا من شركة الجميح بنظام التاجير المنتهي بالتمليك وقدر الله وقوع حادث اتلف السيارة تماما
وقمت بتسليمها للشركة لانها مؤمن عليها وبعد مراجعات مع الشركة اخبروني لاستلام التعويض وقدرة الف وسبعمائة ريال فقط لاغير علما باني سددت 90% من قيمة السيارة .
ارجو منكم ان تدلوني على الطريقة التي استرجع بها حقوقي

massari 6.1 @user_22302 · 16-07-2006

1700 ريال من جدك اخووي

وتلوموني اذا قلت لكم شفر ماهوب شي

اخووي انشاء الله راح يرجع حقك

ماضاع حق وراه مطالب

تحياتي

مخربها @user_24088 ..:: TAHOE//YUKON GRP. MEMBER ::.. · 16-07-2006

اول شي الحمد لله على السلامه .. والله يعوض عليك والحديد لو راح بداله حديد بس البني ادم ماله بديل ...

نبدأ في الرد على الموضوع ..

العبو عليك انت بعد ..؟؟ يا حبيبي ما وقفت عليك .. واحد من الشباب معاه كابرس 2002 من الجميح وتأجير منتهي بالتمليك وصال له حادث وجرجروه اكثر من ثلاث شهور على اساس ان السياره في التصليح ... وطلعت والله في التصليخ لانه بعد ما جاهم المره الاخيره قالوا له وينك يا ابو الشباب ورا ما جيت تاخذ فلوسك السياره بعناها تشليح من اول اسبوع جبتها لانها تالفه ومستحيل تتصلح ... المشكله ما عطوه خبر وكل مره يراجعهم يقولون له ما خلصت والسياره في التصليح وانشاء الله راح تستلمها مثل ما كانت واحسن ... في الاخير عطوه 35 الف ريال وقالوا له يالله ورنا عرض كتافك المشكله انه بعد هالكلام باسبوع او اثنين شاف سيارته في معارض الشفا وللبيع ومسيومه بـ45 الف ... يعني صلحوها وباعوها وهو مسيكين صلخوه واكرشوه ...

انا ما ادري عن نظام التأجير المنتهي بالتمليك بس ما تقدر تقولهم خذوا الـ1700 حقتكم وعطوني الموتر ؟؟ على الاقل لو بتبيع القير الحاله تشليح راح يجيب لك اكثر ...

وفيه احتمال تكون سيارتك مباعه على التشليح مثلا بقيمة 20 الف ريال وخذوا اللي باقي من قيمة السياره وعطوك الباقي اللي 1700 واسحبوا على التأمين ... اخوي راجع وطارد وشوف لك محامي وخذ حقك بالطيب بالقوه المهم تاخذ حقك ... اجل الحريق اللي صار في الجميح في الشرقيه ليش ؟؟ هذا طالت اعماركم عقاب وانذار لكن المشكله ما عندك احد يفهم ويحذر ويعدل من اسلوب السرقه اللي هو ماشي عليها ..... حسبنا الله ونعم الوكيل .. حسبنا الله ونعم الوكيل .. هذ اللي تقوله ...

الله يعوض عليك ...

_غـ ــ ـيـ ــر_ @user_16547 · 15-07-2006

خذ نسخه من العقد
وشاورلك اقرب مكتب محامي
والالف وسسبع خلها مقدم اتعابه

الله يعوضك خير

حمودي يركب اودي @user_32453 · 14-07-2006

السلام عليكم اقول حمدا على السلامة اولا قبل كل شي والله يعوضك بسيارة خيرا منها

salehhd @user_17805 · 13-07-2006

السلام عليكم

هذه هي مشكلة التقسيط المنتهي بالتمليك

فالمشتري تكون حقوقة ضائعة لذلك حرم بعض الشيوخ هذه الطريقة

في نظري لابد من مراجعة بنود العقد وهل تشمل استبدال السيارة في حالة وقوع تلف كامل ام لا
كذلك هل هناك دفعة اخيرة للسيارة للتملك ام لا

عليك بأخذ نسخة من العقد وعرضها على محامي ليفيدك والله يعوض عليك

اخوك
صالح

وسيع صدر @user_22904 · 13-07-2006

^^^^^^^^^^^^^

%100

B R A B U S @user_18993 · 13-07-2006

90 % من قيمة السيارة ورجعت بس 1700 ريال ...؟؟؟!!!

والله غريبة جداً اي انه السالفة كلها سرقة في سرقة ,,

ما تقدر تسوي شي الا لما تشوف شنو الشروط الي

مكتوبه في العقد اخوي العزيز واتمنى انك تسترد حقوقك ,,,