عدادات ليزر ( ابيض ) لــ اللومينا والكابريس

عبدالمحسن @user_29411 · 26-07-2006

السلام عليكم أخوتي الكرام " أعتذر أولاً إن كان الموضوع في غير محله "

عندي تساؤل عن هل بالإمكان إستبدال طبلون العدادات الخاص بــ اللومينا والكابريس الحالي 2006 LS" ولونها كما هو معروف الأخضر بطبلون عداد " أبيض " مشابه لعداد الأكود ؟؟

وش المحلات اللي يُنصح بها " في الرياض " اللي مضمون شغلها بحيث ما يأثر سلباً على كهرب السيارة ..؟

شكراً. ..

Fza3222 @user_31055 · 31-07-2006

افادوك الاعضاء
شكرا

عبدالمحسن @user_29411 صاحب الموضوع · 29-07-2006

صاحب المعالي ، اسعد قلي

شكراً على التجاوب
بمر محل إيت مايل متى ماجت الفرصه ...:) ...

صاحب المعالي @user_19740 · 28-07-2006

هلا اخوي

بالنسبه للعداد الابيض

قد جا على دفعه من الكابريس LTZ الظاهر موديل 2005 او 2006

وكان طبلونها 260

والدفعه الي بعدها رجعوه اخضر

بالنسبه للإمكانيه تغيير لون الطبلون من الاخضر الى الليز الابيض

فيه محل ممتاز جدا ومشهور في الرياض في شارع الغرابي

واسمه الميل الثامن او >> 8mile

متخصص فقط بأنوار الليد

على ما اذكر انه يسويها بحدود 1500 ريال تقريباً

بس مو متأكد من السعر

والشغل مضمون ويسويها بإحترافيه

وموجود عنده البوم للصور .. وموجود صور للومينا والكابريس

وبالتوفيق

أبـــوبـــدران @user_19528 · 28-07-2006

تجي المؤشر ابيض والارقام خضراء

بس حلوه

اذا كنت من الرياض يوجد محل بالغرابي اسمه 8MILE

تخصصه بأنوار الطبلون

وصراحة شغله ممتاز وسعره غالي شوي

وعنده كتالوجات وتصوير بالفيديو لأعماله

وهذا رقمه:ممنوع ارقام الجولات

واي خدمه انا جااهز

اخوك اسعد عمر قلي

عبدالمحسن @user_29411 صاحب الموضوع · 28-07-2006

شكراً لك أخي منصور :)

السؤال هل تغيير العداد من الوكالة مُكلف ؟
وهل صحيح كما سمعت أن عداد LTZ الكابريس و اللومينا ابيض " شد بلد "... ؟؟

منصور 2006 @user_32651 · 27-07-2006

اخوي عبدالمحسن

انصحك تشوف الوكاله اذا ممكن يسوون لك اياها

لان غيرها محل او كهربائي راح يلخبط لك شغل الكهرب

خصوصاً ان اكثر هذي المحلات ما هم متخصصين في الكهرب يعني شغلهم غالباً اي كلام وتلفيق

وبعد فتره ممكن تسبب لك مشاكل والكهرب اخطر شيء في السياره

وسلامتك