إإإإإإيه سالفـتي مع المكسيـما >> الله يخليكم اللي عنده حل يساعدني

اعاني الساعه @user_35581 · 10-09-2006

السلام عليكم ..

كيفكم احبائي ..

والله يمكن الاقي عندكم حل ..

المهم

سالفتي بدءت عند رجعتي من جده الى الرياض قبل وصولي الى الرياض ب 200 كيلو كنت امشي 140 اذا اسرعت 160 شفت حرارة السيارة ترتفع الى فوق النصف ..

بعدها وقفت السياره خليتها تبرد شوي فتحت الرديتر المويه ولا نافوره جده الحراره نزلت عبيت الرديتر مويه ومشيت 100 الحراره معاي تمام بس اذا تعديت 120 ترتفع قلت امشي 100 الين مااوصل الرياض ..

الحمد لله وصلت الرياض وبدأت رحلة المعاناة

رحت لمحل رديترات قلت له المشكله اني اذا زدت فوق 120 ترتفع الحراره قال لي سيخ الرديتر قلت اوكي سيخت الرديتر وكلفني حوالي 100 ريال ..

قال لي ضمان يومين .. قلت اوكي ..

مشيت فيها اربع ايام تمام التمام وبعدها رجعت الحراره .. رجعت لصاحب الورشه وقلت له اللي صار طبعا الضمان راح قال مالك الا تغيير رديتر قلت اوكي رحت لوكالة نيسان قالوا لي الرديتر ب 750 قلت مو مشكله اخذت الرديتر ..

ركبته بصراحه مجانا تعاطف معاي صاحب الورشه ..

مشيت وكانت السيارة زي العسل سافرت الخرج ورجعت وفي طريق عودتي للرياض وصلت الى طريق الدائري ماانتبهت لمؤشر الحراره وحطيت عيني عليه لقيته الى ال H

وقفت على جنب وفتحت الرديتر المويه تخرج كانها نافوره جده ..

مشيت فيها الين الصناعية وحطيتها وركبت تاكسي ورجعت البيت ومن بكرة رحت للورشة صاحبي :D وقلت له المشكله

قال مشكلتك مكانيكيه دللني على مكانيكي شيك عليها قال عندك البلف قلت اوكي رحت شريت بلف ب 85 ريال وركبته ونفس المشكله ..

بصراحه ماوثقت في هذا الشخص رحت لورشة ثانية والحراره معاي H

وحكيت سالفتي لمكانيكي وقال عندك الطرمبه قلت كم تكلفتها قال تشتريها ب 180 وتركيبها ب 500 ريال انا استغربت من هالسعر رحت اسعر في الورش الاخرى ..

كلهم نفس السعر ..

الين لقيت واحد صاحبي عنده ورشه وقلت له وكلم العمال اللي عنده وقال لي المكنيكي خلها وبكره تعال جيت عنده ولا كانه سوا حاجه قال بصراحه ماعرفت وش سبب المشكله ..

نصحوني الشباب وقال ودها كمبيوتر وديتها كمبيوتر وطلع عندي راس المكينة ..

انا يوم سمعت بهالخراب وقفت شوي وقلت لا اله الا الله .. الله يصبرني

قلت كم يكلف قال شغل يد 1300 ويبي لك تودي الراس المخرطه ..

قلت راح اوديها صناعية اخرى ..

ووديتها الصناعيه القديمه ورحت عند محل متخصص في المكسيما وقال لي راح اخذ عليك 500 ريال شغل يد قلت توكل على الله ..

رحت البيت ومن بكرة دق علي وقال لي تعال جيت وقال لي شف الراس كذا وكذا يعني معاد ينفع رح اشتر لك راس مكينة من التشليح قلت ليه قال ماايصلح حاولنا بالمخرطه نوزنه مانفع قلت اوكي ..

رحت التشليح وشريت راسين مكينة بحوالي 1400 ريال ..

وحنا راجعين قال نبي وجه المكينه وجه الثلاجه شريتها بحوالي 300 ريال ..

انا بصراحه وثقت بهالشخص وقال لي على الشرط مايحتاج تعال بعد بكرة وتصير السيارة جاهزه ..

دق علي بعد يومين الصباح وقال لازم نغير الطرمبه قلت مافيه مشكلة راح واشترى طرمبه ب 150 ريال طبعا جاب لي الفاتوره :D
وقلت له متى تجهز قال بعد المغرب قلت راح اجيك صليت المغرب وطلعت ودق علي قال تعال السيارة جاهزه ..

جيت عنده على اذان العشاء قلت له متى السيارة شغاله قال لي من بعد المغرب اشوف الحراره طبيعيه فوق الربع بشوي ..

انا قلت يارب لك الحمد واخذ السيارة .. وامشي فيها واحمد ربي ..

وبعد تقريبا ساعة اشوف الحرارة ترتفع شوي شوي اليييين وصلت الى تحت ال H وقفت السيارة على جنب نزلت الحراره الى الربع ..

كلمت الرجال وقال جيبها ورجعتها له قال خلها عندي افحصها على رواق ..

الى الحين السيارة عنده واعاني من حالة نفسيه لاني والله العظيم احبها |5|

ياليت تشوفن لي حل للي يعرف الحل او قد مر بمشكلتي اعتقد ماقد احد مر فيها ..

معلومات عن السيارة

ماكسيما موديل 2001

ماشيه تقريبا 200 الف كيلو

need_for_speed @user_24217 · 03-10-2006

والله مشكله الحراره مزعجه ويمكن انها احدى عوارض تعب المحرك , اوخراب طارئ له تصليح
العطل له عده اسباب
1 ممكن تكون قصر في عمليه التبريد دوره مياه والمرواح و ثيرموستات الحراره سليمه
2 او انه عمليه التبريد سليمه لكن بدايه مشاكل داخل المحرك كازجيت راس المحرك في تلف وبحاجه لتبديل , انسداد مجاري التبريد , احد السلندارت بحتك بقوه مع بلوك الموتر بسبب الهريان وتقادم العمر

والسلام عليكم

jلjال @user_36703 · 03-10-2006

والله اخوي انا صار معي نفس الشي بس قبل لا اسرد لك الحكاية

ابي ارد على الاخ====( الزين)=== اللي يقول جرب طبلوون احد اخوياك او انك تغير الطبلون
ياشيخ الرجال يقولك نافوووورررررة جدة تقوله الطبلون |10| ما اقصد التجريح
لكن نحتاج الاجابة الدقيقة اللي تساعدنا في حل اي مشكلة توجهنا تحياتي لك اخوي
وبالله ما تزعل مني

نرجع لخوينا ولسالفته مع المكسيما

قبل ما ابدأ اقولك من جد استعجلت الله يهديك

لكن كل دقة بتعليمة و اذا ازمت معاك مررة ثانية لا يردك احد عن الوكالة
صح انهم غاليين شوي لكن احسن من رخيص يكلفك اضعاف الاضعاف
وهي سيارتهم وهم ابخص بكل مشاكلها وتصليحهم احسن شي فيه
انه مضمون سواء من قطع الغيار او التصليح على ضمانهم
و واضح من حكايتك انك ما تستخدم الموية الخاصة بجهاز التبريد
الخضراء او الحمراء
المعتمدة والمضمونة

شوف حكايتي مع المكسيما
سيارتي ماكسيما 2002
قير اتوماتيك
يا خوي انا صارت معي نفس المشكلة تقريبا وانا طالع من جدة الى المدينة
المهم مشيت 200 الى 180 لمدة نصف ساعة الا والحرارة بدات بالارتفاع قلت طبيعي وكملت طريقي
بس بسرعة 180 الا والحرارة مستمرة بالارتفاع الى ان وصلت الا ربع قبل الــH بشوي
المهم وقفت السيارة وهي شغالة رشيت موية على راس اللديتر الا والحرارة تنزل كاني دوبني مشغلها
كملت طريقي الى ان وصلت المدينة ولله الحمد والكلام هذا كله في الليل يعني من بعد صلاة العشاء الى
الساعة 1 مساء تقريبا

المهم جيت راجع جدة ولكن المرة هذه كانت في النهار بعد الظهر تقريبا كنت ماشي 180 الى 160 في اغلب الاحيان
المهم بعد ما قطعت مسافة 150 كيلو الا والحرارة مرتفعة وقفت ورشيت موية على راس اللديتر انخفضت الحرارة
فكيت اللديتر الموية كاملة مافيش اي مشكلة كملت طريقي لكن بسرعة 120 الى 140 كلم
المهم في خلال طريقي صارت معي ثلاث مرات وكلها نفس الحكاية رش موية على راس اللديتر
الى ان وصلت لجدة ولله الحمد
من ثاني على طول على الصناعية بالبوادي وتعال شوف كل واحد يصرف لك لانة الصرف عندهم بلوووشي
وبدون جمرك انا ما عجبني كلامهم |32| رجعت للبيت ونسيت الموضوع!!!!!

<======كسول للغاية|308|

المهم بعد فترة وانا طالع الطائف عن طريق الهدى وقبل الهدى وتصير مع المشكلة بس المره هذه
كان العداد زي مؤشر الاسهم طالع ونازل بالنسبة العليا والدنيا المهم وقفت ورحت اسوي الحركةالسرية
وهي رش مويه على راس اللديتر
ثبتت الحرارة وكملت طريق ومع اول منعطف|80| في طلعة الهدى الا وذاك الدخان
اللي طالع من كبوت السيارة المهم وقفت فكيت الكبوت الا وراس اللديتر مشروخ|153|
من الجانب الى الغطاء
المهم مع اول صفحة|91| ( السيارة اللي تشيل السيارات الخربانة ) معدية طلعت السيارة ونزول على مكة
غيرت اللديتر من الى وانتهت المشكلة كليا

من جد اااااسف على الاطاله ولكن وضعت حكايتي لكي يتم القياس عليها لعل وعسى ان تفيد!!!

من طرائف الورش اللي رحتها
واحد يقول لي غير البلووف مع العلم اني كنت مغيرها في الوكاله قبل شهرين من المشكلة
واحد يقول لازم توظيب للجيربوكس.

تحياتي لكم

max036 @user_7466 · 23-09-2006

يااااااعزيزي لو انك رحت للوكالة من البداية كان ماصرفت ولا نصف هالمبالغ الي صرفتها....
والله يعينك ويعوض عليك

الزين @user_31425 · 22-09-2006

ع

عاشق الصمت1

اول شي السلام عليكم ثاني شي حبيبي انا عندي ماكسيما وصار معاي نفس الشي اللي معاااااك
ورحت عند اكثر من ورشه وكل ورشه يقولي كلام غير عن الورشه الثانيه يعني كل واحد يقترح عليك خراب معين
وهو بالاساس تخمين يخمن وين الراب ويقولك هذا هو وهو مو خراب هو يتوقع الخراب يعني مو خبره
واول شي قالولي قالولي بالراديتر بس انا ساعات اشغل السياره تكون بارده وبعد خمس دقايق من تشغيل السياره
ترتفع الحراره للاتش يعني مو طبيعيه مره ولمن افتح الغطا الاقي السياره بارده ومو بين عليها إنها
إنها حااااااره ............ بالاخير رحت لسكراب وشريتلي عداد ماكسيما واتضحلي إن سيارتي
مافيها إلا العافيه والخراب كان من عداد الحراره
واللي حيرني وخلاني اشك بالعداد هو إنه يرتفع على كيفه وبسرعه ينزل يعني مره مرتفع ومره عادي
واللي قهرني إن كل ما اوديها للورشه كل واحد يقولي خراب على كيفه وكل واحد يكذب الثاني
بس اكبر غلط سويته إنك بدلت قبل ما تتاكد من العدادات ونصيحتي لك جرب العداد شف واحد من اخوياك
عندها ماكسيما وركب عداداه بسيارتك وشف العيب من العداد ولا شنو
لان احتمال كبير يكون الخراب من العداد لان مشكلتك هذي كانت مثل مشكلتي وطلع بالاخير الخراب من العداد
وشف كلامي وان شاءالله تنحل مشكلتلك
اسف على الاطاله بس حبيت اشرحلكم واشرحلك شرح وافي
اخوكم عبدالعزيز عاشق الصمت1

عز الله إن كانت هذي مشكلة كاتب الموضوع
راح يتنوم في المستشفى :D
=================
والله ياخوي أتوقع إنك انت اللي جينت على السيارة
يوم ماعبيتها مويه باردة وهي حارة

عاشق الصمت1 @user_21443 · 22-09-2006

اول شي السلام عليكم ثاني شي حبيبي انا عندي ماكسيما وصار معاي نفس الشي اللي معاااااك
ورحت عند اكثر من ورشه وكل ورشه يقولي كلام غير عن الورشه الثانيه يعني كل واحد يقترح عليك خراب معين
وهو بالاساس تخمين يخمن وين الراب ويقولك هذا هو وهو مو خراب هو يتوقع الخراب يعني مو خبره
واول شي قالولي قالولي بالراديتر بس انا ساعات اشغل السياره تكون بارده وبعد خمس دقايق من تشغيل السياره
ترتفع الحراره للاتش يعني مو طبيعيه مره ولمن افتح الغطا الاقي السياره بارده ومو بين عليها إنها
إنها حااااااره ............ بالاخير رحت لسكراب وشريتلي عداد ماكسيما واتضحلي إن سيارتي
مافيها إلا العافيه والخراب كان من عداد الحراره
واللي حيرني وخلاني اشك بالعداد هو إنه يرتفع على كيفه وبسرعه ينزل يعني مره مرتفع ومره عادي
واللي قهرني إن كل ما اوديها للورشه كل واحد يقولي خراب على كيفه وكل واحد يكذب الثاني
بس اكبر غلط سويته إنك بدلت قبل ما تتاكد من العدادات ونصيحتي لك جرب العداد شف واحد من اخوياك
عندها ماكسيما وركب عداداه بسيارتك وشف العيب من العداد ولا شنو
لان احتمال كبير يكون الخراب من العداد لان مشكلتك هذي كانت مثل مشكلتي وطلع بالاخير الخراب من العداد
وشف كلامي وان شاءالله تنحل مشكلتلك
اسف على الاطاله بس حبيت اشرحلكم واشرحلك شرح وافي
اخوكم عبدالعزيز عاشق الصمت1

Maxima_2001 @user_18502 · 12-09-2006

صارت معاي مرة مشكلة الحرارة وطلعت من غطاء الراديتر
بس غريبة انت تقول بدلت الراديتر
اعتقد ان كلام الاخوان سليم
بخصوص وضع الماء البارد على الحار
الله يعينك

نيسان للأبد @user_17211 · 12-09-2006

اخوي كان موترك سليم وانت الي جنيت ع نفسك يعني الماكس طبيعي النص ...

اقرء الكتلوج مكتوب فيه الى قبل الثلاث ارباع طبيعي ..

الله يهديك بس وان شاء الله تنحل مشكلتك عن قريب ..

.

نديم الطيف @user_29894 · 11-09-2006

كلام الاخوان على متمه..بس حبيت اقولكم انه لو فورت السيارة وطفيتها مباشرة بدون ماتفتح الرديتر وتعبيه ماء...سلم على السيارة

فني سيارات @user_8460 · 11-09-2006

السلام عليكم و رحمة الله اعتقد ان مشكلتك من البداية كانت في كهربة السيارة وانا اقول لك صعب الواحد يعرف السبب الحقيقي لرتفاع الحارة لان هناك عدة مشاكل منها حت الفرامل اذا كانت ضاغطه بشكل غير طبيعي

ومنها وهذا الاحتمال الي صار عندك وهو توزيعة الكهرباء عندك يعني يبيلها ميزانية كهرباء وفحص كمبيوتر
يعادل لك الديلكو شوي
وارتفاع الحرارة ووقوفك بتفريغ الماء على ماقلت كأنه نافورة جده هذا بحد ذاته غلط
لازم تنتظر لين ماتبرد السيارة بدون ماتفتح الراديتر بدرجه ممكن تلمس الراديتر شوي او تصب ماء عل الراديتر من برع بدون فتح
وبعدها تشغل السيارة تمليها و هي شغاله حت مايدخل الماء فجأة عل الماكينة و هي حارة و الماء بارد
وينكسر او ينحني الراس
الحين انت كل هذي الخساير و الحرارة على ماهي عليه واعتقد ان الكهرباء فيها شي
وفحص كذلك الفرامل بطريقة الاتية تخليها بممشى 20 او 40 وبعدها في الفاضي اذا حسيت ان توقفها غير طبيعي يعني بسرعة فهناك ضغط فرامل زايد يزيد من جهد الماكينة يرفع حرارة السيارة
و الحل بفك الفرامل وخرط الدرام ويل الهوبات
الله يعنيك وشكرا لك

فيصل بن محمد @user_24620 · 11-09-2006

اخي الكريم / اعاني الساعة

اسمع هذه القصه لعل وعسى تستفيد منها

كان عندي انتر بيد دودج قبل 6 سنوات تقريبا وكانت معي ممتازة وامشي عليها مافيه اي مشكلة وفجاءه اشوف

مؤشر الحراره يرتفع حتى الخط الاحمر و اوقف على جنب واطفي والسيارة تغلي وتفور المهم

انتظر تقريبا نصف ساعة حتى تبرد وبعدين اعبي موية وتمشي زي الحلاوه ومن بكره اشغل واروح

مشوار ونفس الطريقة الاولى

وديتها لكثير من المكانيكية والكهربائيين وكل واحد يقول لي سالفة اللي يقول راس مكينه واللي يقول بلف

يقفل واللي يقول البلوف وكل واحد يدلو بدلوه

رحت للبيت ودخلت السيارة وجلست اتفحص المرواح واشوف اسلاكها حتى وصلت الى فيش المرواح وحصلتها

مايع ( ذايب ) واكتشفت انه اذا المرواح اشتغلت وطولت الفيش مايتحمل الحرارة فايسوي التماس وتفصل المرواح

وترتفع الحرارة فجاءه المهم رحت للصناعية القديمة وشريت من عند باجحزر وكيل دوج الفيش هذا

والحمدلله ومن بعدها والحرارة زي الفل

اتمنى ان تكون مشكلتك نفس المشكلة هذي ولاتستبعد اي شي فااحتمال يكون السبب تافه جدا

عموما اتمنى ان تزول مشكلتك وتستفيد من قصتي هذي وكان الله في عونك

أبو نايف 2007 @user_32612 · 10-09-2006

انا مع اخوي المهندس

واذا لا قدر الله ولا نفعت نصائحه

حرج على السياره

مو قصدي انك تبيعها .. لا

لان يمكن يكون اللي فيها عين والعين حق
اوانا شخصيا صارت معي مشكله تقريبا زي مشكلتك وطلعت السالفه واحد نظول حسبي الله عليه
ودها اقرب حراج وخلهم يحرجون عليها لان السياره ان كان واحد
معطيها عين تروح باذن الله بعد ان تعرضها للبيع

اتمنى ان اكون قد افدتك

$المهندس$ @user_18058 · 10-09-2006

السلام عليكم

اخي الكريم صدقني لو جمعت الارقام الي فوق تقدر تشتري فيها مكينه جديده للسياره

و انا اول مره اسمع انه الرأس اذا اخترب يتبدل ؟؟؟؟ انا اعرف يتبدل اذا انكسر شئ عجيب من هل مكانيكي ؟

و مشكلتك يا خوك اشوي صعبه ربما سيارتك تتطلب مراوح اضافيه لو تشاهد المكسيمات من مديل 2005 راح تشوف مراوح اضافيه ... لماذا المراوح الاضافيه ؟؟ بس المشاكل التي واجهها الناس من هذه السياره

المكسيما تواجه حراره كبيره و خاصتاً عند السرعات العاليه ترتفع الحراره ... و السبب سرعه الماء بطيئه !!!

و البطئ يأتي من انسداد الراديتر او البولف انتهي مفعوله او انه الماء ناقس و يوجد هواء داخل الراديتر ...

الحين انت مشيت عليها واجد يعني الرأس تأثر و الخراطه هي الحل الامثل و انت الحين شريت رأس جديد مو مشكله

الحين اعتقد فيه مشكله بسيطه في مجري الماء و يعيق الحركه .. المفروض انك تروح حق واحد متخصص ..

لو انك ما دفعت كل هل مبلغ و رحت الوكاله كان افضل لك من هل بهذله بدون اي فائده .

الله يعينك .

CamSHAFT @user_6565 · 10-09-2006

شوف اخوي
اكبر غلطة سويتها يوم تعبي السيارة مويه وهي حارة, لازم تتركها تبرد
ومعروف ان هذا اللي يخرب راس المكينة لأن حرارتها عالية جدا وانت صبيت عليها موية باردة
ربما كان تلف الرؤس من هذا السبب
بالنسبة للحرارة فالشباب راح يفيدونك ان شاء الله