شنو افضل سيارة بـ 47 الف ؟

فعلا اخوي SOSO2004 انا قاعد افكر بالسوناتا في الوضع الحالي ... وان شاء الله بكره بروح اوتو ستار اشوف بكم قيمتها ...

السلام عليكم
كل عام وانتم بخير
اخوي بنسبة لسعر المذكور 47000 ريال
ممكن تحصل سوناتا 2006 نص فل قير اتو ونظيفة ومامشت كثير يعني 5000 الى 10000 كيلو متر
بهاذا السعر والله الموفق


اخوك SOSO2004

الأمبريزا بهذي القيمة 47 ألف العادي و 50 ألف تماتيك وأذكر أقل بعد

مواصفاتها ممتازة جدا

وأساسية المواصفات الي بذكرها

أول شيء محركها بشكل H بسعة 1600 سي سي

دفع رباعي مستمر.

مكابح ABS وEBD.

وسادتان هوائية للسائق والراكب الأمامي.

جناح خلفي من شد المصنع.

جنوط ألمنيوم 15 من شد المصنع.

3 مفاتيح كلها ريموت كنترول.

نوافذ ومرايا كهربائية.

صدام أمامي رياضي.

الأسطب الأمامي فيه عدسة للواطي.

هيكل عالي الصلابة وفيها أمان عالي حتى البدي قوي.

صناعة يابانية 100% |1|

وتصلح حق تعديل وترهيم :D

وعندك خيار ثاني بس يمكن السعر أعلى بس ممتازة أذا قدرت توصل لقيمة السيفيك فهي جبارة في كل شيء |1|.

السيفيك أفضل الخيارات بالنسبة للمبلغ

السلام عليكم
من وجهة نظري اليارس ما تسوى وما اقارنها ب اوبترا الا من ناحيه السعر
لأنها ما فيها شئ يميزها ديكور داخلي مو على سعرها .. محرك صغير وضعيف 1300سيسي..خلفيه ما تقول سياره يابانيه يعني ما تكلفو ابد ...وجهها حلوحلو..
واذا كنت شاري شاري كوري واذا كنت تبغى تدفع مقابل مواصفات ألنترا 2007 الجديده احسن لك من اوبترا
ب 48 الف تحصل على النترا 2007 بالمواصفات التاليه
محرك جديد V VTI للمحرك 1600 .. جنزير حديد وقوه 122 حصان
التعليق افضل لأنه خماسي الوصلات شبيه بالموجود في الأكورد والسوناتا يعني اريح وارسى. .وساده هوائيه للسائق اساسس .. وسي دي أو شريط.. اجود مواد من الداخل يجي لونها الداخلي لونين ممزوجه اسود وبيج..
طبلون اجمل بلون ازرق مع لون الرادو وازرار المكيف ..
ا لقير اتماتك .. وجنوط 15 .. الأوسع في فئتها من السفيك الجديده والكورلا ..وكذلك اوسع شنطه منهم
اما من ناحيه الجوده فاسأل ا للومزينات وشركات التأجير عن الموديل السابق
ومادامك في الشرقيه روح للوعلان فرع طريق الدمام الخبر..او فرع الخبر طريق الملك عبد الله وشوفها ولاتستعجل . وهذا الرابط يفيدك
أنقر هنا http://www.hyundaiusa.com/vehicle/elantra/interior/interior.aspx
أإنقر هنا http://www.hyundaiusa.com/vehicle/elantra/gallery/photofullshot.aspx
وكل عام وانت بخير |3|

خذلك كورلا1,8 موديل 2006احسن لك

إيسوزاوي ، msh3l1 ، سوبرا، هايلكس 2005

شكرا لكم على المرور الطيب ..

اوه صح بالنسبه للاخ سوبرا :للاسف انا من الشرقيه ، على العموم اخذت وجهت نظرك بعين الاعتبار ...

وشكرا للمره الثانيه

انا اقولك خذلك كورلا 2006 وبس
اويارس هذي احسن سيارتين وبعدين اقتصاديه

أنا أفضلك كامري 2002 أو 2001 فل XLE V6 (استعمال أمريكي )
أفضل وأحسن وأقوى وأنظف سيارات كأنها جديدة ..
إن كانك في جدة كلمني عشان أدلك محل لقطة فيه عجب من السيارات ..

أنا مجربها وكل أهل مكة مجربينها ..
وإذا عندك استفسار راسلني عالخاص
لا تنسى تدعيلي ..