<< كيف تطور نظام الاشعال في السياره ؟؟؟ هنا الجواب (( الجزئ الاول )) >>

$المهندس$ · 2006-11-17T16:22:08+03:00

بسم الله الرحمن الرحيم السلام عليكم كيف الحال يا شباب عساكم بخير .. :cool: اليوم حبيت احط موضوع عن نظام الاشعار لتطوير النظام كي تعدل علي قوه السياره و نظام الاشعال ... ف اتمني انه هذا الموضوع ما يتطبق في سباق الشوارع :D و راح اتكلم عن نظام الاشتعال في موضوعين ف راح اتكلم عن ال

$المهندس$ @user_18058 صاحب الموضوع · 18-11-2006

حياك الله يا سامي

RoYaLe_KMM حاظرين لاي استفسار و احنا بخدمه و شاكر لك ..

المشاري المهم انك استفدت :)

المشاري @user_18363 · 17-11-2006

برافووو عليك أخوي المهندس ....

موضوع رائع من شخص أروع ..........

استفدنا كثير ... وننتظرك دائماً .....

يعطيك العافية يارب ........

RoYaLe_KMM @user_33926 · 17-11-2006

بصراحة

روعة روعة يالمهندس

ومن دحين بقعد استنى المواضيع الثانية

ولي رجعة انشاء الله اذا كان فيه استفسارات

لانه المواضيع هاذي مهمة لي

ويعطيك الف عافية مهندسنا

ومعاك لاخر الطريق

@%SAMI%@ @user_30658 · 17-11-2006

مشكووووووووووووووووووووووووووووووور

$المهندس$ @user_18058 صاحب الموضوع · 17-11-2006

الكويل Coil :

و هذا الاهم و يوجد في كل السيارات تقريباً :rolleyes:

و وظيفته الجهاز انه يرفع الكهرباء ..

بأصح انه يقوي الشرار علي تحرق البانزين حراق

المعروف انه قوة الكهرباء في السيارات 12 V ( فولت ) ف يحول القوة من 12 الي 40 الف فولت يعني يصرعك

و فيه 60 الف و فيه اكثر بعد حق محركات الكبيره ...

ف لمن تبي تفحص الاسلاك لا تستخدم ايدك علي قوله المهندس يقول شكلك يصير بايخ و انت فني و تصير فيك هل حركه :D

ف يوجد انواع في الكويلات :

1- كويل لكل الاسلندرات هذا في المحرك ذات الديلكو .

2- اما كل سلندر عليه كويل ف هذا توزيع الشرار عن طريق الكمبيوتر ( لا يوجد فيه ديلكو )

(( 1 )) ف طريقه الكويل في محرك الديلكو

انه تصل الكهرباء الي الكويل و بعد الكويل الي الديلكو ف يوزع الشرار الي السلندر ( البواجي ) ..

(( 2 )) اما هذا ف طريقته سهل حيل حيل حيل

يخرج من الكمبيوتر اسلاك و الاسلاك الي الكويل و الكويل علي البواجي بدون اي اسلاك

و يوجد بعض المحركات مع اسلاك مثل محرك الشفر LS1 ...

هذول النوعين اشياء الله وصلت المعلومه ....

ف اخر الموضوع بوضح شغله

احنا نقوي الكهرباء عشان نحرق البانزين

و هذي تقويه الاشعال تحطه حق المحركات المزوده مثل السوبر او التيربو او انك تسوع الروس وووو

يعني كل ما زادت الهواء و البانزين لازم نقوي الاشعال في السياره لانه مهم جداً جداً

ف توقيت الشراره و قوتها الفولتيه مهمه جداً ...

و انتظر الجزئ الثاني من تطور نظام الاشعال في السياره

و بعد الجزئ الثاني راح اشرح انظمه ثانيه انشاء الله

و اخر الموضوع انشاء الله تستفيدون منه و اذا فيه اي خطئ في الموضوع عدلوه و محد كامل

((( الي يبي ينقل الموضوع اتمني انه يذكر اسم الكاتب او الموقع علي الاقل )))

و الله يوفقكم

$المهندس$ @user_18058 صاحب الموضوع · 17-11-2006

الديلكو Distributors :

هذا الجهاز مهم للسيارات و خاصتاً القديمه

و هو الي يوزع الشرار للبواجي

شوف هل فلاش يشرع عمله الديلكو

[flash=http://www.7us7u.com/upswf/uploads/13838a0840.swf]WIDTH=400 HEIGHT=350[/flash]

و هذا ايضاً

[flash=http://www.7us7u.com/upswf/uploads/3aacf9f320.swf]WIDTH=400 HEIGHT=350[/flash]

اما السيارات الجديده لا تستخدم هذا النوع من التوزيع

بل عن طريق الكمبيوتر السياره يوزع بطريقه دقيقه جداً ..

ف خلونه في الديلكو هو جهاز يعمل بطريقه مكانيكيه بحته

و يستمد قدرته عن طريق عامود الكرنك (( عامود المرفق )) وله شكلين

هذا واحد و هو الي يكثر في السيارات :

و هذا النوع الثاني :

و طريقته سهل كما قلنه كل ما يفتر عامود الكرنك يفتر معاه الديلكو و يوزع الشرارات علي السلندرات

و تقدر منه انك تعير الديلكو و لازم يكون واحد خبير و مسدس ضوئي ..

و يكون الديلكو علي 8 الي 12 درجه و هذا افضل شي و كل ما قلت الدرجات صار افضل

و الدرجات اهي الي تحدد زمن توصيل الشرار و يكون افضل عند ال 8 درجات يعني بعد شوط الضغط بي 8 درجات

اذا قل يصير اجهاد كبير علي الراس و البواجي اما اذا زاد يعني فوق ال 12 يصير باك فاير علي طول

ف سيارات الدفع الرباعي يحتاجون درجات اقل يعني 9 او 8 في الطعوس

لانه عندما السيارع تحتاج قوه اضافيه فيها ف يوجد انبوبه تتوصل من الراس الي الديلكو

ف يسحب الهواء الي داخل الديلكو و عندما يقل الهواء و الضغط يصير سرعه الكهرباء عاليه

ف يكون توصيل الشراره اسرع و تنزل عدد الدرجات في الديلكو و يعطي عزم اكبر ...

يتبع ...