تابع لموضوع الماركيز حق صاحبي يبي منكم استشارة يا وجيه الخير

دون فيصل @user_43692 · 04-04-2007

مسا الخير يا شباب وعساكم عالقوة ..

السالفه ان خويي طلع الموتر ( الماركيز ) بس للاسف الكفر تعبان وخويي حالف يغيره بأي طريقة

لان الدعوه يا اخوان مو سهله الكفر من اساسيات السيارة ..

المهم رحت انا وهو امس للغرابي وسألنا عن طقم كفرات ولقينا فايرستون ب 1500

ولقينا طقم بيريللي ب 1800 و.... الخ

بصراحة الواحد محتار وش يختار من كل هالانواع .. ابي نصيحتكم للرجال وماتقصرون ان شاء الله

وايضا فيه شي الحين اذا الموتر طلع من الصاله تغيرون فيه شي او تخلونه على ماهو عليه ؟؟

انا والله مالي خبرة بالامريكي ابدا علشان كذا نخيتكم وابي فزعتكم معنا والله يوفقكم ..

وايضا وش الزيوت اللي يغيرها .. وماهو افضل نوع للماركيز الله لايهينكم ..واسف جدا جدا على طول الكلام بس عاد سامحونا

دون فيصل @user_43692 صاحب الموضوع · 05-04-2007

مشكور اخوي جذاب والبيريللي معروف وهو الاختيار ..

أنـــــس @user_34305 · 05-04-2007

الفايرستون ماسمعت عنه أي شي ولا جربته..

بس روح عند وكالة ميشلان أعتقد عند الجفالي أو وكالة البريللي..

وتحصل طلبك

والسموووحه

دون فيصل @user_43692 صاحب الموضوع · 05-04-2007

مشكورين حبايبي والله يخليكم بس الميشلان طلع من تايلند مو من اوربا كماهو معروف ..

ذي المعلومة اخذتها اليوم من موظف في Red Cap ونصحنا ب الفايرستون مسوين عليها عرض وضمان بعد

والطقم ب 1300 .. وش رايك نتوكل عالله ونشتريه علما ان طقم الميشلان ب 1600 والبريللي يقول ان مافيه بيرللي ايطالي شد بلد كله تلفيق والبيرللي يطلب طلبيه يعني ماراح تلقاه بالمحلات هاذا كلام الموظف مو كلامي ..

هاه وش رايكم شباب .. ترى رأي الاغلبيه بناخذه بعين الاعتبار ..

أنـــــس @user_34305 · 04-04-2007

أفضل الكفرات بريللي ثم ميشلان وهي المعتمدة لدى الولايات المتحدة والسعودية لسيارات فورد

رفيق الفورد @user_40709 · 04-04-2007

اخي دون فيصل ياهلا ومرحبا بك
بالنسبه للكفرات اناشخصيا اغير تويو لاني احس ان السيارة تصير فيها راحه اكثر مع هالنوع لكن للاسف تقل رساوة السيارة خاصه في المنعطفات وجربت قبل كذا برجستون لكن مشكلتها قاسيه كثير يعني تقلل من راحت السيارة وعلى فكره الي يجي وكاله مع السياة هي كفرات بريلي
بالنسبه لزيت المحرك انا استخدم كاسترول 10w30 وماشي معي تمام
اما وش يغير بعد مايطلع السيارة انا انصحه يشيك على زيت القير اذا كان يحتاج تغييير يغيره مع الفلتر وايضا يشيك على موية الرديتر اذا تحتاج تغيير وعلى فكره زيت الدفرنس نصيحه لايغيره لان النوع الي يجي فيه من المصنع عمره الافتراضي كبير جدا ولو غير مابيكون احسن من الي فيه في اغلب الاحيان
واسئل الله له ولك التوفيق واي شي احنا في الخدمه