كامري 2007 شكلها (مقــــــلب)

بصراحه ودون مجامله بعد تجربة كامري 2000 وكامري 2006 وكامري 2007 افضل كامري انتج عالاطلاق كامري موديل 2000 شكله كلاسيك والتشطيب الداخلي ممتاز وراسي وتحسه يكرف اما الباقي بلاستيك واللي مو مصدق يشوف طبلون السيارات الثلاث ويشوف من اللي طبلونها اثقل ومصنوع من الجلد موب فيبر او بلاستيك عالعموم انا استخدمها بسفرياتي لاني مااسافر بسيارتي الخاصة ودايم أجر كامري بس الموديل الجديد والله مايسوى بلاستيك ببلاستيك من الداخل والبريك حالته حاله بالرجل فقط يعني بفرو بكل شي وانا كنت مستاجر اوتماتيك وصوت الهوا شي مقرف عالعموم السيارة ماتستاهل واعتقد الاكورد افضل منها بمراحل وبالنسبه للسوناتا عمرها الافتراضي 3 سنوات وبعد كذا ترميها
تحياتي وارجو لاحد يزعل من كلامي والاختلاف سمه سائده بين البشر

هنا تتفوق هونداي على تويوتا بقلة العيوب المصنعية |1|

هذا الكلام الصحيح

وفعلاً هذا حاصل

أما سبب إختيارهم الكامري لسبب لحبهم لها ولأنها سيارة الشعب

وللعلم لو حبوا (الشريطية) سيارات تشيري الصينية كان تلقى أنتشار لها موب طبيعي

* السبب تسويقي

الحين تلوم الناس إلي يتكلمون في الكامري ولا جربوها

أجل ليش تتكلم في السوناتا وأنت ما جربتها ههههههههههه


* يكفيك أن سيارات هونداي أقل بكثير من تويوتا (في الأعطال المصنعية) |1|

سلام شباب كيف الحال
حبيت اضيف شي

اللي ما جرب الكامري لا يتكلم (معليش ) يا اخوان كل واحد طايح هرج في الكامري والله حرام

والله ارجل من السوناتا في كل شي قومة خط تسحيب اللي تبغى لكن اللي عايب الكامري والشي الوحيد هو شركة

عبد اللطيف جميل المحدودة لكن اللي عنده سيارة من تويوتا وصيانته دايما في الشركة عاد هو اللي يعرف كم يخسر

عبد اللطيف جميل اسعر غالية اي نعم لكن اي خرابة عندك روح صلح على الضمان من المكينة الى لمبات السيارة

خوي عنده 2006 والله طلع تقريبا قيمة السيارة من عند الشركة كل شوي يوديلها لهم عاد هو من النوع اللي رجله مرة

خفيفة وراعي غرز وتفحيط مع دا كله طلع قيمة السيارة منهم

اخيرا ارد لكلامي واقول اللي ماجرب الكامري لا يهرج هرج

ففففففففففففففففففاااااااااااااااااااااااضضضضضضضضضضي ودمتم

الكامري الجديده اريح من القديمه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


والله فرق السما عن الارض والراحه للموديل القديم

تعليق الجديده اقسى بشكل واضح والراحه راحت ضريبة الرساوه

^^^^^

اعتقد لانها سيارة الشعب الاولى

(اعتقد)

اخي ابو محمد تفسيرك معقول وممكن ولكن هل من المعقول ان هالشي يصير بس مع الكامري؟ ليش مايصير مع السيارات الثانيه؟

عين العقل اخوي ابو ريناد هذا الكلام اللي يجمد على الشارب تحياتي لك

الله يسلمك هذي العيوب اللي عندك مصنعية او سوء استخدام انا ما واجهتني اي مشكلة بالسياره ابد صار لها معي من تاريخ 25/9/1427 هـ

وسافرت بها كم مره ويالله لك الحمد رساوه وراحه اريح من اللي قبل عن تجربة مو كلام اخوي معه كامري 2000 والثاني معه 2004 بالنسبة لي اشوف الـ2007 احسن منهن بكل شي شكل ورساوه وراحه

ياجماعة لاتعذربون في اي سيارة السيارة من سائقها مو من شكل السيارة او مديلها
واحد يقلول السارة من الداخل مصنوعه مصنوعه من مواد بلاستيكيه رديئه

وش صنعتم يالذي تعذربون في السيارات

السلام عليكم ورحمه الله
انا بصراحه من ناحيه الشكل الخارجي ما شوف فيه شي
والداخلي ركبته في الوكاله تمام من ناحيه المواصفات بس احس مثل ما قالو بعض الشباب ان المواد المصنعه احس انها مهب ذات جوده عاليه
وهذي وجهت نظري
ومشكور اخوي علي موضوعك...

بسم الله الرحمن الرحيم

السلام عليكم ورحمة الله وبركاته

ياشباب امسكو سياراتكم لا يلعبون عليكم مثل راعين 2003

الشريطيه ترا حركاتهم انكشفت . انا كان معي كامري 2003 اكس ال شاريها 58000 ريال شاريها من البازعي ومعي زميلي بالدوام شاريها من عبداللطيف جميل بــ 62000ريال وكره السياره من كلام المنتديات وباعها بــ 55000 ريال وانا جلست معي حوالى الثلاث سنوات وبعتها 44500 ريال سيارته ماشية يوم يبيعها 6000 كم فقط انا سيارتي ماشيه يوم ابيعها حوالي 137000 كم . زبده الحكي الشريطية لو تلاحظونهم دائماً بسيارات تويوتا الجديده بالارض والموديل اللي قبله غالي .
الامثله . الكامري 2002 أغلى من 2003 و 2004 .
الهايلوكس 2005 أغلى من 2006 و 2007 .
الفكسار 97 أغلى من 98 و 99 .
طبعاً هذه السيارات هي الي تشترى من أغلبية الناس والشريطية دائماً يعيبون بالموديل الجديد عشان يشترونه من الناس بتراب الفلوس ويخزنون وبعدين اذا باعوا الموجود عندهم من الموديل القديم يبداون بتغيير نظرة الناس عن الجديد وانه أفضل من القديم وهكذا وهكذا والا وش الفايده من قعدتهم تحت الشمس .

مع التحيات اخوكم في المنتدى
ابو محمد

مرحبا اخوي بس ودي اسالك شو نوع السياره اللي في صوره التوقيع اللي عندك

و تسلملي

السالفه مو سالفت مدح لسياره هاذي الحقيقه الكامري الحين افضل من قبل بكثيرررررررر وشركة تايوتا عدلت كثير من المشاكل الي كانت في المديلات السابقه في 2007

جربت كامري 99 و ما شاء الله تحفة بس ما عندك مواصفات !!

و جربت كامري 2004 ... مرة تحفة و لكن ما عندك مواصفات !!

و ما احترمت الكامري إلا بعد ما شفت 2007 ... مواصفات + شكل ... بس باقي نشوف الجودة , نحكم بعد سنتين عالأقل .

( ترا ما احب الكامري ) :D لكن الحق يقال

يا جماعة لا تكرف ولا شي



او ماشريتا


بالالف الاول اصوات بالغير



الساعة الامامية خربانة



كل يوم الصباح لازم اضبطها

الصدام تحت الابواب في سبق في صناعة السيارات بلاستيك


دعست شي قي الارض تكسر علطول

الله يعين

السلام عليكم

اخوي الكامري 2007 لا مقلب ولاشي بلعكس سياره حلوه وافضل من الموديلات الي بدت من 2003 حتى 2006 من ناحية الشكل والاستخدام والراحه والديكور
المشكله ان في ناس هنا الي مايمدح الكامري وهم حتى لاجربوها ولاركبوها يعني يسمعون كلام ويجون يكتبونه هنا

انا الي معاي 2007 لاوبعد تكسي
مشاءلله عليها حتى يوم يركبون معاي ناس ويسافرون معاي الي اول مره يركبون الكامري 2007 يمدحون السياره من ناحية المكيف والرساوه والهدواء

وارجع اقول الي ماجرب السياره واستخدمها لايقعد يحكم عليها علشان كلام يسمعه