السلام عليكم ورحمة الله وبركاته
ابي اسأل عن تاهو 2001 المعروض بالصالات مستعمل
لقيت واحد فل كامل دبل فتحة
62000ريال
هل السيارة عملية وهل تصلح لنفود والرمل
جزااااااااااااكم الله خيرا
بصراحة انا كنت باخذ يوكن قبل ما اشتري البرادو .. بس السعر اللي ان كاتبه غالي شوي كانت اسعارهم تقريبا من 55 الف الى 58 الف خصوصا موديل 2001 و 2002 هذا بالنسبة لليوكن اما التاهو فيقل عن اليوكن بما يقارب 5 الاف ريال يعني بتحصل ب خمسين الف .. وانت وبراحتك
السلام عليكم أخوي حايلي السيارة مريحة وقوية وبالنفود حلوه لكن اذا اردتها لطلعات البر المستمرة مكاشيت وصيد ترى اليوكن والتاهو مايتحمل يطلب تربيط دبله اكتروني بعكس الجيوب لكن كثير ممن أعرف باع الجيب وشرى يوكن يقولون نبي الراحة بالخطوط وهذا صحيح بس اهم شي اذا كتب الله وشريت غير طرمبة البنزين بطرمبة لاند كروزر عشان مايخونك وانت ماسك خط تمنياتي لك بالتوفيق|3|
نصيحتي لك توكل على الله وخذه
في البر ماشالله قوي جدا
وتطعيسه اقوى من الكروزر و الباترول بس يبغيله واحد يفهم فيه
مثلا لا تدوس كامل اول ما تبدا لانه قوي جدا فراح يغرزعليك
والتحمل معروف الجمس تكرفه كراف وما تسمع له شكوى
والشكل مرة مهيوب
والسعر مناسب
توكل على الله وخذه وانشالله ما بتندم
