اخوي AZERA9 واخوي h-a-s بالنسبه لكميه الزيت اللي تعبيها الوكاله ممكن تكون صحيحه لانه يتبقي مايقارب 300 ملم لاتخرج عند التغيير . انت اهم شيئ بعد تعبئة الزيت الجديد وتشغيل السياره لعدة ثواني ثم اطفائها تسحب المعيار وتشوف ان كان قريب او على الحد الاعلى ولا يتعداه ابدا فالكميه مناسبه . وان كان اقرب للحد الادنى فاطلب من الفني يزيد الزيت . يعني الافضل ان يكون الزيت على المعيار اقرب لنقطة الحد الاعلى من القرب لنقطة الحد الادنى خاصه اذا كنت بتمسك خط .
وبالنسبه لافضل زيوت متوفره في السعوديه صدقوني هي زيوت بترومين لانها تضيف افضل المواد وتصنع افضل الدرجات وحاصله على شهادة الجوده شهادة الأيزو 9002 – 1993 المعتمدة من المعهد البريطاني للقياسات والمعايير. وحصلة على شهادة الجوده شهادة الأيزو 9001- 200 من قبل شركة مودي الدولية ومنحها هذه الشهادة.
وثانيا كلنا نعرف ان زيت المحركات يجي من البترول والشركه الوحيده اللي تنتج البترول في السعوديه هي ارامكو واسست شركت بترومين بالشراكه مع اكسون موبيل . 71% لارامكو و29% لموبيل . لذلك اي زيت سيارات معباء في السعوديه مثل تايوتا . ونيسان . وهوندا . وموبيل . وقلف . وفوكس . واي سي دلكو . كلها مصدرها بترومين ولكن تختلف الاضافات والدرجه حسب طلب الشركات وحسب القيمه المدفوعه في الزيت . والزيوت التي لم تعباء في السعوديه اغلبها تعباء في الامارات العربيه المتحده ومنها زيت كاسترول GTX . واكبر الشركات المصنعه للزيوت في الامارات هي ادنوك واينوك وجميعهم لا يرتقون الي مستوى ارامكو . وغلاء زيت GTX ليس دليل على انه افضل من زيوت بترومين لاننسى عامل الشهره لزيت GTX بسبب انها شركه بريطانيه قديمه . وهذا هو السبب الوحيد . وبالنسبه لي زادت ثقتي في زيوت بترومين وخاصه ALTRA7 20W50 بتصنيف API / SL بعد تجربته في سيارتي السابقه سوناتا 2003 مكينه 6 سلندر 2700 سيسي لمسافة 10 آلاف كلم بدون تغيير.حيث كنت اغيره كل 10 آلاف مع الفلتر . ومره استخدمت زيت GTX 10W40 واضطريت اغيره بعد 7 آلاف كلم لانه انتهت لزوجته بعد هذه المسافه.
وبالنسبه لتغييرنوع الزيت الي نوع اخر لايحتاج ابدا تغيير الفلتر او غسيل المكينه وهذه من اختراعات العاملين في محلات تغيير الزيوت لهدف للكسب المادي فقط . ولعلمك انا اغير الزيت عند الوكاله مع الفلتر
من نوع كاسترول GTX ديزل والمره الثانيه عند محل تغيير زيت واغير نوع فوكس تيتان ديزل بدون تغيير الفلتر ولي سنتين على هذا الحال وسيارتي الان ماشيه 100 الف كلم بدون مشاكل .
وبالنسبه للدرجات الافضل لاجواء السعوديه هي الدرجه 20-50 ومعناته من درجة 20 الي درجت 50 وهي قياس لكثافة الزيت وثقله وتدفقه. ومن المعروف انه كلما كان الرقم أعلى، كانت كثافة الزيت أعلى وكان تفاعله أثناء التشغيل تحت درجات حرارة مرتفعة أعلى . وكلما كان الرقم اقل كان افضل في للعمل الاجواء البارده . وتصنيف API / SL وهو اعلى تصنيف لشركات السيارات . حتى ان بعض كتيبات السيارات لم تصل الى هذا التصنيف بعد وتطلب التصنيفات السابقه API / SJ او API / SH وهي تصنيفات اقدم . يعني خلاصة الكلام اذا حصلت الزيت 20-50 او 15-40 على الاقل وتصنيف API / SL
فهو الافضل لاجوائنا في الصيف او الشتاء هذا لمحركات البنزين
اما محركات الديزل فافضل زيت هو 15-40 API / CH4 . واسف على الاطاله
اخوي SONATA 2007 حياك الله وبدون تعصب السوناتا هي افضل خيار حاليا في الاسواق مقارنه سعرها بمواصفاتها تخيل تحصل سوناتا فل كامل جلد وفتحه وجنوط 17 ومثبت سرعه من المقود وحساسات خلفيه شد بلد وقير تبترونك وسي دي وشريط وام بي 3 وراديو بتحكم من المقود ومكيف الكتروني وتخشيب شد بلد ومقود جلد بسعر يقارب سعر الكورلا فل واقل من الهوندا والكامري الفل ب 20 الف ريال عند الوعلان الفل كامل جلد 2007 ب 65000 ريال . وسته سلندر نص فل 59000 ريال |3|
