ساعدوني بارآئكم..Lexus ES350 & BMW 523i

BMW
الألماني غير في كل شي

تعال الامارات و خذ 523 I من AGMC او Abudhabi motors

و شو الفرق في المواصفات اللي ذكرتها !!!

معقوله بي ام الفئه الخامسه و مافيه Active cruise control !!! و هذا متوفر في الفئه الثالثه !!

و بما ان ما فيها كروز كنترول يعني مافيها اكتيف ستيرنق اللي هو اساسا للفئه الخامسه !!

المهم
وقف اللكزس ES350 مع البي ام الفئه الخامسه و لاحظ الفرق
كامري واقف يم بي ام

ما علينا الناس اذواق

بالنسبه للكزس عمليه و جيده كأستخدام
بس مب ممتعه كقيادة (المصدر برنامج Cars ) و قيادتها ما فيها اي اثارة
يعني بس توصلك من أ الى ب

و اذا ذكرنا متعة القيادة فبدون تفكير نذكر بي ام دبليو لان هي القمه في متعة القياده
ياخي سواقة البي ام غير و اسأل مجرب ودك تضرب فيها خطوط كل يوم

بالنسبه للمحركات:
لا انكر ان محرك ال ES350 اقوى من 523 و السبب ان المقارنه غيرعادله
لان اللكزس بسعة 3500 سي سي و قوة 280 حصان بتسارع 0 - 100 خلال 7.1 ثانيه
اما البي ام سعته 2500 سي سي و قوة 190 حصان وتسارع يصل ل 8 ثواني
فهو ليس بند لمحرك اللكزس

لكن المحرك المنافس هو للفئه 530 i و بقوة 272 حصان و بسعة 3000 سي سي و بتسارع 6.5 ثواني وهو افضل بكثير من اداء محرك لكزس رغم انه اصغر و اقل احصنه من اللكزس >> هذي يسمونها تقنية المانيه

عموما عزل ES ليس كعزل ال LS عشان نعطيه اكثر من حجمه
عزل البي ام دبليو اجزم انه افضل من ال ES
و في الفئه الثالثه لما تمشي 220 تحس انك ماشي 120 و هذا بشهادة اللي وياي بالسيارة فما بالك بالفئه الخامسه اللي هي اريح و افخم و ارسى

و على الاعطال و اللمبات فهذا الكلام بعيد كل البعد عن الحقيقه لان الحمد لله من سنة 2003 ما بدلت لمبه في البي ام و السياره عال العال

عموما ماله داعي التصغير من حجم البي ام لانها شركة تاسست منذ اكثر من 100 عام و ليس 20 عام

ختاما
وبكل صراحه لوكنت بالسعوديه ووجدت البي ام بتلك الواصفات باخذ اللكزس لان مواصفاته افضل و محركه كذلك الا اذا كنت ناوي على 530 هذا كلام اخر

و القرار الاول و الاخير لك اخي صاحب الموضوع :)

اخوي نصيحه لكزس والله يبارك لك بمافيه الخير واستخر ربك

انصحك اخي الكريم بل BMW لانها سيارة فعلا من امان وتقتية وكل شي تتصف فيه سيارات هذا العصر ارجوا لك التوفيق وحسن الاختيار

hamelias

هلا بك اخوي ان شريت لكزس بلغنا ونقولك الف الف الف مبرووك والبيم كذلك الف الف الف مبروك

واعتقد ان اول ماينزول الكزس 2008 رح خذ من عبد اللطيف جميل فيها اكسسورات ومواصفات احسن

ونقولك لف مبروووووك قبل الكل والله يعطيك خيره ويكفيك شره

لاياحبيبي من قالك ان اليم اقوى من الكزس ياحبيبي والله الكزس صاروووووخ تعرف صاررووخ وربي قوي
من جد وياحبيبي من يقول ان البيم انعم من الكزس لاوالله ياعيال انتم لاتحكمون على الموتر قبل ماتركبونه

انا كنت معجب في البيم الفئهالخانسه بس النوعيه القويه الي زي الشكل 5 بس المكينه القويه وانا انهبلت على سعره الظاهر انه فوق 500الف وقال ميدي واحد في المعارض فيه نفس التصميم بس مكينه واكسسورات وجنط وشكل تغير بسيط من الداخل قلت وينه ومني شفت شكله غسلت يدي والله مو حلو حتى الشكمان شكله بايخ هي البيم حلوه لاكن مو احسن من الكزس وانا من عشاق السيارات المانيه واسمي دليل على ذلك لاكن الحق ينقاال وانا ماكذب والله نعومه وراحه ووسع وقياده ممتعه وبلوتوث وانوار زونن وحنط مقاس18 و طبلون ذات تصميم مرتب وانيق والكنسل التحكم فيه مرتب وسهل الاستخدام والشاشه اكبر من البيم
والتدفئة مراتب البييم لا يوجد فيها تدفئه و الوسع الكزس اوسع والمكينه كبيره ومرتبه و ثبات في الخط وربي الكزس ثابته بقوووووه


لاكن نصيحه احسن شي في البيم انه من شركة بيم والكزس كذلك وش فيها ياناس انا ابي احد يجاوي عبى سؤالي ممكن


ليه الناس يقولون ميد راعي الكزس ياتويوتا ليه التويوتا ناقصه رجل ولا يد بالعكس انتم يارعين الكزس افتخرو ا وانا من راعين الكزس لاكن ابي جواب تويوتا شركة قويه ولالا

الكامري والكورلا والفكسار و الافلون قد مره شفتو احد يشتكي منها لا والله انها تمشي معك سيدا ماتقول اح

يعني نصيحه خذلك لكزس شف حبيبي لو صدمة لاقدر الله بتكلف عليكككككككككككك واجد اما الكزس قليل مايكلف


ونصيحه وربي نصيحه لك

غير لكزس لاتدور

ياحبي لكم تبردون القلب والله مشكورين وماقصرتوا
اخذت بنصيحة اودي وكلمت الوكاله استفسرت عن الكزس 2008 اي اس قالوا بتنزل بعد رمضان او في رمضان و احتمال بسقف بانوراما فاتخذت القرار بالتاجيل ولما يجي رمضان ان شالله باتخذ القرار اما 2008 او 2007 (اذا رخص سعرها ولا تغير السقف)
او ارجع للبي ام اشوف موديلات 2008
مشكلة البي ام 2007 الفئه 523 مابقى منه الوان في السعوديه كلها الا (عنابي ورصاصي وابيض ) كان خاطري في اسود

وعلى فكره انا اتكلم عن مقارنه بين السيارتين لمده خمس سنوات فقط السياره ماتطول عندي اكثر من اربع اصلا (اي سياره اكثر من خمس سنوات..شكل قديم وخرابات كثيره..تغيرها جديده احسن)
والبي ام خلال خمس سنوات صيانه شامله (مادفع هلله وحده لا لشغل يد ولا حتى قيمه زيت)
واللكزس ادفع قيمه اضافيه عشان ضمان لمده خمس سنوات فقط وعشان يشتغل الضمان لازم اشيك عليها في الوكاله طول الخمس سنوات يعني ادفع في السنه بين ال 200 وال 3000 ريال

ووكيل البي ام طول الله عمرك يعطيك سياره بي ام بديله مجانا مو ب 500 ريال
بس طبعا لازم تحجز وحسب المتوفر (واتوقع اللكزس نفس الشي ماراح يوفرون اعداد كبيره للايجار)

خلال خمس سنوات فقط المقارنه بينهم تنحصر في الرساوه والمواصفات الداخليه وعزل الصوت وخدمات الوكيل والشكل الخارجي
وبين هالاشياء انا بجد محتار للحين

اخوي الله يسامحك بس

مايبيلها تفكير اكيد

BMW523i
لالماني
وبالنسبة لقوة السيارة البي ام اكثر من اللكزس
و الان بجيب المعلومة الصحيحة عن 523

أخي الكريم أنصحك بالفئة الخامسة من BMW ويكفيك الهندسة والتكنولوجيا والفخامة الألمانية ودع عنك كلام الحاقدين والمتحيزين...



ويكفيك أيضاً الشكل الخارجي المميز للفئة الخامسة والذي قلده الكثير من الصانعين...

ويكفيك أيضاً متعة القيادة التي هي في قمتها عند BMW ...

معلومة أخي الكريم: ال ES لا تقارن أصلاً بالفئة الخامسة فهي فئة أقل منها و برأيي لا أرى أن المواصفات التي ذكرتها سبباً مقنعاً لشراء اللكزس...

وتقبل تحياتي والقرار أولاً وأخيراً لك...|6|

اخوي البي ام الفئة هذي ما تصلح

اذا تبي بي ام الفئة الخامسة خذ لك 535XI

صحيح بتغلى عليك شوي لكن صدقني فيها مواصفات وربي ما تجيبها الجي اس
يكفيك الرؤية الليلية والدفع الرباعي المستمر والداخلية الروووووووعة

اللكزس كلها حلوة بشكل عام الا الإي إس ارى برايي انها مو ذااك الزود قارنها باللي هنا وتعرف وش معنى الصناعة الألمانية
http://www.bmwusa.com/vehicles/5/535xisedan/default
اضغط الزر اللي يجيك على اليسار تحت شوي اسمه launch the experience site

صدقني السيارة بتنال اعجابك ولكن زي ما تفضل اخوي السيارة البي ام اعطاله اكثر من اللكزس لكن لا يعني انه اعطاله كثيرة انت تقارن بين سيارتين كلها اعتمادية والبي ام يبيلها نعومة مو تفحط فيها وتقول خربت ..والبي ام نالت جوائز كثيرة بالاعتمادية



بالنسبة للأخ اللي يقول البي ام 190 حصان او اقل:mad::confused: سلامات ياخوي الله يصلحك
الفئة اللي ذكرها الأخ قوة محركها 230 حصان النوع اللي ذكرته انا 300 حصان
وفيه نوع360 حصان

وتسارعها من 0 - 100 خلال 5.7 ثواني
يعني الصراحة اشوف انها ممتازة ولو انها غالية نوعا ما لكن قيمتها فيها

تقبل تحياتي لك اخوي واعتذر على الاطالة

حتى اخوي بعطيك ملاحظه مهمه جد111؟

اذا صدمة لاقدر الله والله غااااليه تصليحه كانك تصلح بيم745
والكزس ررررخيصه

وبكره المكينه ولا شي تخبط عليك والكزس تلعن ولدينها ماتقول اح ولا شي

اما البيم بتخبط عليك على طول

والبيم بكره يطفي عليك نور امامي ولا اسطب خلفي اما الكزس ماشاء الله حلوه باالحيل وانواره ماتخرب بسررعه

و في حاجه كهكه جد111
وهي اتسااع السياره في الراكب الخلفي الكزس اوسع بكثير

ولازودك من الشعر

بيت اعطيك الحين 1000ريااال اذا كان البيم اهد1 صوت من الكزس اذاشغلتها وشغلت الكيف واذا حتى كنت ماشي

ولا ازودك بيت ثاني

اذا وديت لكزس الوكاله تستاجر لكزس 430 ب500ريااال وش تبي اكثر من كذ111 ولا ترا اسجار الكزس في المحلات ب1500ريااال يعني فرق كبير

ولااا بعد شف الشاه الكزس اكبر وسهله اما البيم مو سهله الكزس لمس البيم فاااره في الكنسل

اخوي koky_k ولاعمري سمعت من احد ان الكزس مش مريحه طيب كان غيرت لكفرات وشف النعومه

وترا في فرق بين جيب وسيدان اكيد السيدان اريح

والله ان شريتها انت تدعيلي بالخير

اخوي واحد من الجماعه لاكن ماأمون عليه باأشوف احد يعرفه ولالا اذا احد يعرفه بخليه ياخذ الكزسes350 وتجربه وتبي اقولك شي اقسم بالله وبرب الكعبه والله ثم والله ياصوت الهوا انك ماتسمعه وعمي عنده بعد لكزس es350 لاكن ماله داعي واروح اخذ منه الكزس انا بحاوول وقولك سالفه طبعا هي طبلونها 240 كنا بطريق الشرقيه انا مادري انه يمشي 200 احسبنه يمشي والله 120 ويشطفنا gs430 ويغمز وحاله وعمي يناظر فيني ويدز المهم الكزس راحت ماعد نشوفها ماشاء الله نمشي 260 والله نزلت تحت 240 يعني تقريبا 255 260 والكزس راحت الجي اس واخوي عنده لكزس 430 وتراه يفصل على270 اذا مو مصدق روح الوكاله واسئل

واذا عن البانورما خذ الحين لكزس 2007 es350 وغيمه اسود من فوق لان عمي مسوي كذ1 كانه بانوراما

وعازل صوتي وربي انه اقولك كانك تمشي 200 كانك تمشي120 ياااااااااااااااااااااشيخ والله موتر عاااازل رووعه وراااحه اف اف اف رووووووووووووعه انت رح الوكاله وقل ميدهم اول شي اسئل عن السياره وميزتها وكذ1 وقل انا بجربها واذا اعجبتني ابشتريها وهذ1 الشيك وانت جرب معليك واذا خلصت قل ماأعجبتني ومعليك امسك خط خريص وامس فيها 160 قل بشوف صوت الهواء قوي ولالا

وبس


اي اسئله خدمه انا جاهز

اخي اودي ممكن سؤال للإفاده ...

انا كان عندي RX وبصراحه ما كان ناعم بالمره ولاكن كان شديد الهدوء لدرجة اذا احد اتصل بي على

الجوال لا يعرف اذا كنت في البيت ولا السياره ...

فهل الـ ES ناعم لأني بفكر باليومين دي ان شاء الله اطلع واحد ؟؟؟

أرجو الأفاده لأن شكلكك عندك خلفيه جيده عن الكزس ...
:)
|3|

خوفي يطول اكثر من شهر 10 اقدر انتظر الى شهر 9 ونص عشره بس بعد كذا ماقدر
محتاج سياره ضروري

هلا بك اخوي اكيد 2008بتجي بسقف بانورما المفروض من 2007 فيهسقف بانورما بس ليه ماحطه عشان يكون 2008 فيه تغيرات بسيطه بس السقف وانت انتظر وراح تنزل في شهر 9 او 10

وانا اقولك انحش من البيم اقسم بالله انك لو تشتري هالبيم والله بعد شهرين ان تطفش منها على طول وتكرها وتقول ياليت ماشريتها

اما الكزس وربي ماتجلس في البيت ههههههههه والله سياقتها ممتعه وحلوه ورهيبه ماودك تنزل منها

شكرا على مروركم وردودكم
وشكر خاص ل (اودي A8L) على الصور الحلوه بس تتوقع 2008 بتجي سقف بانوراما؟

اخوي saymyname
القلب يقول بي ام دبليو والفخامه من داخل وبرا في البي ام (خشب اللكزس الداخلي شكله قبيح وشكله الخارجي مو ذاك الزود)

بس العقل يقولي اللكزس مو ناقصها شي بس تفاجاءت مافيها اللكزس active cruise control

يعني الفروقات بين البي ام واللكزس في النافيجيشن (مهمه) والاسيات الكهربائيه ونظام تدفئه وتبريد الاسييات (مهمه) و6 سيديات في اللكزس وسيدي واحد في البي ام

بس البي ام افخم من داخل وبرا وصيانه مجانيه لخمس سنوات (توفير تقريبا 15 ألف ريال تكلفه صيانه لكزس خلال خمس سنوات) بس مسترجع هالقيمه في سعر بيع اللكزس بعد خمس سنوات (بتكون اعلى ب 15-20 الف عن البي ام)

الله يكتب اللي فيه الخير شكلي باشتري اللكزس مع ان قلبي مو مطاوعني
اه ياقلبي على البي ام والله متحسف اني باشتري اللكزس من الحين
ياخوان اقدر اركب نفيجيشن و 6 سي دي برا الوكاله على الفئه الخامسه؟

شكرا على مروركم وردودكم
وشكر خاص ل (اودي A8L)