ماهي أقوى سيارة في البر.....أدخل وصوت

ياشباب الموضوع فيه أغلاط كثيرة من بعض الاعضاء
انا أبرد في الموضوع حسب خبرتي المتواضعه .

السواق اذا يبي يعتمد على القوة ( عدد الاحصنه ) في طلوع النفود ما لها الا الباترول والكبسوله ( الربع التويوتا )

اذا السواق بيعتمد على العزم :- هذه لها لاندكروزر بجدارة واستحقاق يعني رباضات ( هيار ) .

أتوقع والله أعلم الأفضل من جميع النواحي للصيد والرمال ( التطعيس ) والرادميات هو لاندكروزر .

وان كان الباترول في طلوع الطعوس متفوق بحكم خفة الوزن .

طبعاً الموضوع متشعب ولكن لاتنسون أن العبره ليست في عدد الاحصنه ولكن العبره في العزم ولا غيره .
طبعاً نرتب النسب وتكون كالاتي من وجهة نظري المتواضعه .

1:- السائق :- تقريباً عليه 60% .
2:- السيارة :- تقريباً 20%.
3:- العوامل المحيطه 20 % .

فاصل موقف طريف .

معنا واحد في العمل طبعاً السيارة باترول وأتصل علينا وأفادنا أنه مغرز فذهبت أنا وواحد من الزملاء والسيارة مغرزة غراز مو سهل الصراحه ولكن أستغربنا أنه منسم الكفرات ومعشق الدبل وما قدر يطلع تدرون ليش ماقدر يطلع . هههههههه




طلع ساحب الجلنط ومو منتبه له طبعاً معذور بحكم أنه كان الوقت نهار ولا شاف لمبة الجلنط .


الى اللقاء
ابو محمد

اللاند..........|2|

الباترول وبس لانه الاخف والافضل تعليق ومشكور اخوي علي الاستبيان....

لا جيب الا جيب

اخي :) لا اقول لك اني قد سقت سيارات الجيوب كلها بالعالم عشان احكم عليها لا انا اقولك اللي انا مقتنع فيه وواثق منه وسياره اعجبني فيها قوتها بالبر وخفتها بصعود الطعوس و تحملها وسيارة انا جربتها ولم تستنفد الخراب والتصليح الكثير لا لا اقولها وكلي ثقه ملك الصحراء وزعيم الجيبات

ونت الصادق ..
لولا سيارة التاهو ... ماكان الناس تاهو

خذ الشاص بحري بري وش بعد تبغى اكثر من كذا الشاص راعي فزعات وانا صوت على لاند كروزر لن الشاص لاندكروزر........اخوك qaswed

أظن أن fj راح يعجب اللي يجربه

أكيد الباترول أقوى شيء في البر

باترول ملك الصحراء
ولا فيه غيره

أعتقد إن الباجيرو سيارة مثقفة |2| .. تركز بالخروج من أي مأزق بأقل تكاليف واستهلاك موارد أقل وليس مهما لديها عامل الزمن :D التفكير أولا وتوزيع للقوى وتراكشن وحركات ونفس طويل وهذا مايتطلبه رالي داكار .

أما الباترول هايج اقتحام الظروف بكل مايملك وبأي شكل والتضحية بكل شئ حتى يمكن يضحي بالسائق :D .. تلقاه دايما بتحديات طلوع الطعوس بأقل وقت وبأي ثمن ... واستخدام القوة لاتنفع دائما في كل الظروف .. :D

والله البيجيروا يتعب ياصل للباترول

موتر الأخ كين ربع يعني شاصي قصير وقاعدة عجلات قصيرة و وزن اخف بكثير من الباجيرو العادي ومع فائق احترامي هو طلع من الجهه السهله (اللي نوعا ما على يمين القص وانت تناظر له من تحت) والمسافه اللي اخذها كل السيارات اللي انا ذكرتها لك تكون من نفس المسافه اللي اخذها اخونا العزيز كين (شيئ طبيعي لأنها سيارات ثقيله يعني بابين) لكن السيارات الربع اللي مثل حجم سيارة الاخ كين (الكبسوله) يطلع من نفس المكان ومن نفس المسافه بدون دبل!! ويطلع من الجهه الصعبه اللي من اليسار اللي في النهايه يطمر فيها الموتر من اول القص وهو مشغل الدبل وما شفت الصراحة سيارة سوت سواته وهي وكاله إلا ربع نيسان (رغم قلته في هافمون) إلا اني شفته وكان تقريبا موديل 2007 فضي .الشيروكي يعمل مثل الكبسوله تقريبا لكن لازم دبل. بالنسبه لصوت الماكينه المرتفع في الباترول ما يدل على ضعف الموتر او قوته . ياخي خل الباجيرو يوصل صوته للخبر ويطلع ونقول طلع ما راح نقول طلع علشان صوته قوي!. على كذا اجل نقوي صوت اللاندكروزر ويصير اقوى من الباترول. آسف جدا إذا انا ازعجتك والله مو المقصد بس احس اني قاعد اعاندك ههههههههههه
انا دائما اطلع القص. طلوع اقص يعتمد على قوة الموتر بنسبة 65% على وزن الموتر وتعليق25% على السائق10%
والدليل ان ناس كثير تعرف تسوق صح لكن تعطيه لاندكروزر والله ما يطلعه للقص إلا إذا اعتمد على السرعه (يعني ياخذ سرعه فقط ويجي ماشي اكثر من 100 في الثالث ويالله الخراج) وهذه هي الطريقه اللي يطلعون فيها اصحاب الدداسن والهايلوكسات

والله يالبنشري الباترول ما هو مستني احد علشان يثبت تفوقه ولا لازم يتحدى علشان يعرف انه اقوى و إلا لا .الباجيرو اقوى من اللاند؟ ما ادري يمكن لكن اقوى من الباترول؟ معصييييييي(وجهة نظر) وتراي شفت في الهافمون واحد عنده باجيرو جديد 3.8 و والله تطعيسه مو زي الباترول ابد. وحاول يطلع القص مرتين ولا قدر وطلع من جنبه يوكن 2007 فضي و إكسبديشن موديل 2002 كحلي وفيه واحد عنده فيتك موديل 2003 ذهبي طلع ثلاث مرات واللاند مالك امل . واحد عنده لكزس جيب طلع بعد ما جاء من بعيد و بعد عدة محاولات ومن الجهه السهله اللي على يمين القص .بالمناسبة الباجيرو كان يحاول من الجهه السهله بعد و باقي اتلسيارات طلعت من المنتصف بالضبط ولم تاخذ مسافه كبيرة بل قصيره خصوصا اليوكن و الباترول.هذا الكلام الخميس مو اللي راح اللي قبله