كابريـــ(هولدن)ـــس

موضوع حلو اخوي التيما وسؤال ممتاز ........!!!

لكن ماتلاحظ ان نظرتك ماتستند على دليل ؟؟؟؟

اولا الكابريس 2000-2003 كانت جيل جديد من شركة هولدن تحت اشراف الشركة العالمية جنرال موترز يعني مو معقولة جنرال موترز تملك الشركة وتخليها تصنع سيارات خردة !!!!

انا معاكم ان جودة الكابرس مش بالمستوى المطلوب لكنها جيده جدا مقارنة بكثير من السيارات

اما عن موضوع ليش مانشوف الكابرس في الشوارع
أمس بس طلعت 3 ساعات عديت اكثر من 20 سيارة كابريس 2000 -- 2003

وليش تشوفها بالتشاليح لان الموديل صار له 7 سنوات نازل والناس عندنا بالخليج رجولهم حارة والشوارع الله بالخير

يعني احمد ربك اذا عاشت السيارة 5 سنوات من الجو والشوارع !!!!!!!

**قطع الغيار متوسطة السعر
اغلى من الفورد وأرخص من الهوندا

وطبعا شركة هولدن قاعدة تتطور بشكل ملحوظ والمبيعات تعكس الواقع هذا وخصوصا السيارات الي انباعت سنة 2004 إلى 2006

وموديل 2007 شي خيااااااااااال

مواصفات كثيرة يرفع من مستوى السيارة الشي الكثير
محرك جبار ،، انظمة امان متعددة ((نظام موزع الكتروني للفرامل وهذا النظام قديم ,ايرباقات امامية وجانبية ,, مانع انزلاق ،، نظام الثبات على الطرقات ،،abs ،، والكثير من الانظمة الي مايعرفها الا الي جرب السيارة ))
بلوتوث واجهزي دي في دي ونافيقيشن .......

سيارة كاملة ومتكاملة ويمكن ينقصها كميرا خلفية بس

وراح تشوفون هولدن بالسنوات القادمة تنافس الشركات الكبرى ،،،،


تحياتي ،،،

السلام عليكم
كابريس موديل 2000 موجود بكثره والكابريس بجميع انواعه حلو وجميل وخلك على التيما والسيارات اليابانيه ولا تتكلم في شئ ما جريته الامريكي والاسترالي كله قوي وحلو

انت تقصد موديلات 2000 الى 2003 للكابريس

طبعا في تلك الفتره كانت تتوالد مشاكل الكابرس

لاكن من بعد موديل 2004 وتحسين العيوب الكثيره والابتعاد عنها

قلت المشاكل بشكل كبير ... لوو تلاحظ الاغلبيه وتسألهم وتقول كيف معاك السياره

جيده جدا ولله الحمد طبعا انا اتكلم عن موديلات 2004 وفوق

ولي خال معاه كابرس ال تي زد ثمان سلندرموديل 2006

كمل السنتين تقريبا وممشاه وصل 66 الف تقريبا

ولما أسأله يقول مالاحظ عليه شيء اللهم القطع الاستهلاكيه فقط

وعاد راعي الموتر رجله حاره بالخطوط

ولما نروح لموديلات 2007 نجدها اكثر جوده واكثر تحسينات

من ناحية تعليق من ناحية رساوه وتماسك بالخط

والسيفتي اكثر تطورا .وجودة المواد أفضل واكثر تنوع وتحسينات كثيره

ولي أبن خال أيضا معاه كابرس ال تي زد 2007 سته سلندر الدفعه الاولى

لها تقريبا 6 شهور او اكثر

يقول السياره ممتازه بصراحه وافضل من قبل بكثيير

يعني هولدن بدت تتطور وتتحسن من الاحسن الى الافضل

وخاصة اللومينا فهي اقوى تحمل وصبر وفخر الصناعه الاستراليه

السلام عليكم




شفت وانا اخوك أنت قلت شئ يمكن انت ما لاحظته في كلامك

أنك مستغرب أن عندكم 2004 ومازالت في حاله جيده

وانا متأكد أيضاً أن والدك الله يطول بعمره محافظ عليها وبقوه


الكلام هنا ليش مو مثل تتحمل الكرررف والجلد وتتصلح بـ 200 ريال بس

وصدقني أن فيه مشاكل يعاني منها والدك لو سألته

أو على الاقل لا سمح الله بعد فتره بسيطه ( لا إن شاء الله ) لكن هذا لسان حال السياره


تحيتي

السلام عليكم




بصراحه فرق كبير بين سيارات جنرال موترز والهولدن

والفرق ان جنرال موترز سياراتها أعتماديه وتعمر وقليله أستهلاك القطع نسبياً

والعكس للأسف لصالح الهولدن

السلام عليكم




ما أخفيك علم انا معاك أن الدعوده فيها من الموضه

لكن 20 إلى 30 % فقط

أما السياره ليست اعتماديه البته ولو مشيت في خط تلقاها نادره

واكثر تلقاها متعطله (شوف عيني )

السلام عليكم



بيني وبينكم وهذا اللي صاير

تحيتي

السلام عليكم



فعلاً هذا اللي أتكلم عنه

2000 + 2001 + 2002

تقريباً بدأت تندثر من شوارعنا

رغم أن غيرها مازال

السلام عليكم ..

انت تحدد كابرس مديل 2000 بتحديد ما ادري ليش ؟؟


هل مديل نزل بعد توقف دام 4 سنوات ثم انتو بطراز و شكل جديد و محرك قوي ..


مديل 2000 فيه مشاكل ك اي شركه تصنع سيارات في العالم اول دفعه مشاكل و بعدها يتم تعديل السياره ..


انا جربت سياره الوالد شرينها من عام 2004 و هي مديل 2003 و الحين احنه في 2007

يعني السياره ثلاث سنين معانه و الموتر ماشاء الله تبارك الله ..

ما فيها مشاكل الي بسيطه مثل الفرامل من هوبات التعبانه لو تتبدل تصير خطيره ..

و الباقي قطع استهلاكيه ..

ماشاء الله قوه جباره محرك اسطوري 320 حصان ماهو هين ابد ..

اما تتكلم عن الكابرس القديم تحت ال 89 ف هذا يعتبر اكلاسك كار

السياره كل ما قدمت في الصنع كل ما زاد سعرها .. و السبب الثاني امريكي 100%

بس المحرك غبي :)


و يعطيك العافيه .

السلام عليكم

يا أخوان السبة فشركة هولدن نفسها (لاأتكلم عن جنرال موتورز)

فهي لاتريد التحسين من جودتها

والدليل إنها تصنع سيارات منذ عقود

ولاتغيرت جودتها

الهولدن كانت قمامة أعزكم الله قبل إمتلاكها جنرال موتورز

واللي شهرها إسم شفروليه وبونتياك ولا قبل كذا ماكنت تسمع لها حس ولاخبر

عموما أنا غاسل يدي من الهولدن بكل أنواعه

لانه أيضا جنرال موتورز أوقفت إنتاج البونتياك GTO بسبب أخطاء تصنيعية وشكوى الناس لها

الكابريس 2000 كان بداية صناعة جيل جديد من الكابرس
فلابد أن تظهر فيه العديد من العيوب
مما أساء لسمعة الكابريس
والتي كان الناس ينتظرون نزولها بفارغ الصبر
ولاننسى أن الكابريس موديل 90 واللي
أكثر الكابريس القديم رغبة لم يصل لهذا المستوى
إلا بعد 11 سنة من ظهور هذا الجيل عام 1980
لونظرنا للكابريس 1991 نجد الناس لاترغبه
لأنه بداية جيل جديد للكابريس
وهكذا في جميع السيارات

بحسب رأيي المتواضع
ان الموضوع موضة وسمعة
اذكر في ايام كان فرخ الشبح يوصع لاسعار تتعدى الثلاثين بسبب اقبال الناس وكانت تجي من المانيا والامارات
بعد فترة اصبح الفورد رقم واحد في الاستيراد من امريكا
الحين الكل طايح في 560 sel امريكي ويوصل سعرة لاكثر من سعر الشبح
فالشغلة موضة
اصبر شوية وتشوف الناس طايحة في بي ام دبليو او دودج او اي شي اخر
وايضا ممكن يكون زي ماقال الاخ السبب الصناعة
مع اني اشهد اللصناعة الاسترالية بالنجاح

من اهم الامور للناس هى اعتمادية السيارة. الكابرس بسنة 2000 فقدت اعتماديتها وصارت سيارة تكلف صاحبها الكثير لزوم تصليح الاعطال. يعنى الى ماخذ السيارة اقساط صار يدفع قسطين واحد لقيمة السيارة والثانى لتصليحها :)

المعروف ان المشاكل الفنية والميكانيكية كانت في موديلين 2000 و 2001
أما بعد ذلك قلت المشاكل .. وان كان البعض لايزال يشتكي منها ؟!!!

أنا أتوقع أن المشكله هاذي خاصة بالشكل الجديد
وغالبا السيارات أول مايتغير الشكل يكون فيه خرابات

فيه فرق بين الصناعه الاسترالية وبين التجميع الاسترالي

الكامري صناعه يابانية ولكنها تجميع استرالي

اما الكابرس قهي سيارة استرالية لاتمت للكابرس القديم باي صله سوى انها تحمل اسمها

الكابرس القديم من 1990 ونازل صناعه امريكية 100%100 ويكفيك انها كانت تخرج من خط انتاج لوحدها "يعني صناعتها متقنه " ولا تطلب قطع وتكرف كرف الحمير وهذا الشئ لا يناسب الشركة فالشركات تريد سيارة تطلب قطع بكثره حتى يكون هناك ربحية اكثر للشركة من ناحية قطع الغيار فاتوقع ان ايقاف الكابرس لهذة الاسباب

ومن ثم بدات لعبه هولدن التي استغلت اسم كابرس ذو السمعه الجيدة وسوقت منتجاتها الفاشلة باقنعة شفرولية في اسواق الشرق الاوسط
والتي انخدع فيها الكثير الكثير

ولكن من يريد سيارة امريكية 100%100 وتحمل نكهه السيارات الامريكية التقليدة وبجودة عالية فعليه بالكراون فكتوريا

السلام عليكم



اتوقع انه فقط إستغلال الاسم


وليس دونه اي شئ متشابه

تحيتي لك ومودتي

معك حق اخوي ألتيما

قبل كم يوم زرت وكالة الجميح بالخبر

قلت خلني اشوف اللومينا والكابرس ,, المهم دخلت وفيه SS لومينا وكابرس

ركبتها من جوا ,, بصراحة فيها حركات وإضافات حلوة

بس لما فحصت المواد الداخلية ما هي مثل أول ,, وين الكوابرس القديمة ,, تكد إلى اليوم

<== مسوي خبره |4|

من جد تحس الشيفرولية ما هو مثل أول ,, وللأسف فعلاً

يعني فيه ناس تقول استرالي .. طيب هذي الكامري استرالي بس تخدم ما شاء الله (مع وجود بعض العيوب) بس يعني تنبلع مع الكد اللي يجيها

لكن وش تسوي حال الدنيا

يوم فوق ويوم تحت

:)

مودتي