من لديه معلومه عن محلات تلميع السيارات بالرياض

fares998 @user_56979 · 25-09-2007

بسم الله الرحمن الرحيم
السلام عليكم ورحمة الله وبركاته :
الاخوه الاعزاء مشرفين واعضاء منتدى السيارات انا صراحه عضو جديد معكم وعندي استفسار بسيط اذا ممكن تفيدوني عن محل لتلميع السيارات يكون بالرياض وشغله نظيف انا صراحة عندي شي بسيط بالسيارة وهو ان الفرشة الارضية فيها اوساخ بسيطه واحتاج الى تنظيفها وبعد ذلك اقوم بتلبيس بلاستيك بالارضية .
ولكم مني جزيل الشكر والتقدير ’’’’’

Nightman @user_52604 · 01-10-2007

احد جرب الميل الأحمر .. لاني سألت عن السعر لسيارة سيدان قالي 400 ريال .. لكن متردد لاني ماجربته .. اللي جربه ياليت يفيدنا .. مع الشكر !!

ابو لحاف @user_59007 · 01-10-2007

بصرااااااااااااااااااااااااااااااااحة في محل فلة وأسعارة حلوة انا صرت مجربة أكثر من مرة بتلميع سيارتي وسيارات اخواني وسيارات الشباب وانشالله انه يبيض الوجه..
المحل اسمه الدولي لتلميع السيارات..
مكانه بشارع المعارض بالنسيم..
اذا سويت يوتيرن من عند البنك الأهلي اللي عند اشارة المعارض وتوجهة لخريص يجيك بعد حول 200 متر عاليمين على زاويه لوحتة صفرا على ماأظن جنب شيخ المعارض هو..
وانشالله انكم تدعولي..

أبـــوبـــدران @user_19528 · 29-09-2007

هلا فيكـ اخوي .. عبدالله 2001 >>تراه ماااش بالأنقلش :D

تلبيس الأرضيه .. فيه كم محل بالرياض حلوه ..

1- وأنت جاي من ديراب على طريق الحجاز بالشفاء .. قبل شارع المعارض على اليمين محطه

السياري وفيها تلميع يتبع لمعارض البيان الجديد شغلهم ممتاز في التلميع والتلبيس واسعارهم

معتدله إلى منخفضه (( سيارتي السوناتا قالو لي تلميع داخلي بــ100 رياال فقط )) وزحمات عندهم

ماشاءالله

2- الميل الأحمر تلميعهم ممتاز بس مادري عن التلبيس(( وصفهم في ردي السابق ))

3- شارع الابراج بالبديعه او السويدي على كيفكم :D فيه عدد من المحلات ممتازه منها كريستال

ومحل ثاني قبل اشارة السويدي العام وانت جاي من الدائري الغربي يجيكـ ع ـاليمين ,,

واي استفسار انا حــاضر ,,

والسلام عليكم والرحمه

abdullah2001 @user_10375 · 28-09-2007

أبو بدران

ولا يهون الاخوان

سيارتي جديده وأبي ألبس الارضيات والشنطه بلاستيك إيش أفضل محل في الرياض يعملها لي من غير ما يخرب علي الديكور وبعد فتره تبان عيوب تركيبه

أو أي أحد من الاخوان يعرف محل ياليت يرسل لي رقم تلفونهم

شكرا لكم

أبـــوبـــدران @user_19528 · 28-09-2007

الاسعار ..

للسياره الصغيره والمتوسطه .. داخلي وخارجي ماتتعدا الــ500 ريال الى 600 بالكثييير

للسياره الكبيره والجيب .. كاامل مايتعدى الـ 700 ريال عند افضل المحلات

وتلبيس الأرضيه بلاستيكـ في حدود الـ150 الى 250 ريال للسيارات السيدان المتوسطه

ملاحـضهـ: اسعار تلميع السياره حسب نظافتها داخليآآ وخارجيآآ ..

ولله الموفق ..

والسلام عليكم

أبـــوبـــدران

البدر 888 @user_29435 · 28-09-2007

ليزر قبل معارض النسيم
العربه طريق التحليه

ابوميس @user_5312 · 27-09-2007

سبحان الله

كنت داخل ابكتب موضوع نفس موضوعك

لأن المشكله ان بعض المحلات اسعارهم جنونيه وتفوق الخيال

يعني تخيلو ان سيارتي اكورد 2002 وواحد دلني على محل في النسيم طلب مني 1000 ريال

انا قلتله اني ممكن ابيعها او اشب فيها ولا المعها بألف ريال

فياليت ياشباب اللي يعرف محلات شغلهم زين وسعرهم معقول لايبخل علينا

وفقنا الله واياكم لكل خير

أبـــوبـــدران @user_19528 · 25-09-2007

هلا فيكـ أخوي..فارس

محلات التلميع كثر التراب بالرياض

بالنسبه لي ابعطيكـ كم محل مفضل لدي وانشالله يعجبونكـ...

1- الميل الأحمر بطريق الملك عبدالعزيز حي المروج بمحطة لـتـر .

2- البيان الجديد بالشفاء .. طريق الحجاز داخل محطة السياري ((بعد شارع المعارض يسار))

3- في محلات بغرب الرياض كثير وممتازه .. خاصة شارع الأبراج بالسويدي ..

التلميع الساطع ماخذ سمعه اكثر من اللازم..

والأسماعيل للتنجيد والتلبيس ترا شغلهم مب ذاكـ الزود

انصحكـ اخوي بالتلميع في الميل الأحمر او السياري والتلبيس في محل بغرب الرياض شارع الابراج

او السياري

وبتدعيلي انشالله

والله الموفق

اي سؤال انا حاضر

والسلام عليكم

أبـــوبـــدران