الثلاثاء 9 يونيو 2026
عاجل

اشتريت سيارة جديدة ماذا افعل ؟

الإلكترونيات والإكسسوارات و العناية بالسيارات مغلق
8 رد 8,025 مشاهدة 9 مشارك الأقدم أولاً
غ
غريب الليل @user_61655 · 16-10-2007
أحبتي اسأل الله ان يبارك لكم في ايامكم و سيارتكم :)

هذا الموضوع لي و لجميع الاخوان غيري فارجو تفاعلكم و لكم الأجر
ابشركم اخوكم اشترى سيارة اكستيرا - نيسان - فل كامل - اسود
هذي صورتها



و راح استلمها بعد العيد ان شاء الله ابي مشورتكم في بعض الاشياء

1- ماهي اول الاشياء اللي اقوم بها بعد استلام السيارة ؟
2- التضليل افضل محل " لا اريد الشركات التي تطلب الالف - اريد محلات العناية بالسيارات "
3- لون السيارة كيف احافظ عليه ؟ كذلك المقاعد لانها قماش
4- محلات العناية بالسيارة و افضلها
5- الاضافات الاخرى و اهميتها " القارمن - dvd - تجليد المراتب "
6- اي نصائح اخرى تقدمها لاخوك

الافضل ذكر الماركة و المحل ووصفه و السعر حتى لا اتوه و يتوه العليميه مثلي

غفر الله لكم و جزاكم خيرا
د
دكتور / مجنون @user_18878 · 18-11-2007
انا من الناس اللي ماحب تلبس او تعدل بالسياره! خلها ماهي عليه واستمتعت فيها الى اخر قطره خخخخ
L
LED @user_59135 · 17-11-2007
مبروك عالسياره
ودها لشارع " الغرابي " بتلقى كل الي تبيه هناك
:)
s
ss21 @user_58395 · 17-11-2007
مثل ماقالوا الشباب لاتغير فيها شي
اللهم التضليل العازل من الشمس لان شمسنا حارة ماشاء الله
والنايلون الي بالارضية بس
ويعطيك خيرها ويكفيك شرها..
m
medoo07 @user_66950 · 15-11-2007
الف الف مبروك والله يعطيك خيرها ويكفيك شرها ولكن ........... مافي زي الشد البلد عشان لاتتعذب وتنزل موضوع ثاني تشتكي من خراباتها:)
k
ksa2004 @user_39166 · 11-11-2007
السلام عليكم ورحمة الله وبركاته
الله يعطيك خيرها ويكفيك شرهااا
وانا اشووف ان اول شي تسويه دامك توك شاري السياره أنك تبيعها :D
امزح امزح
يعجبني اللي قال سيدي قران وتتصدق صراحه تشكر على هالنصيحه
ونصيحه لاترهم على السياره خلها على ماهي عليه من الوكاله الا اشياء بسيطه مثل تلبيس الارضيه والمراتب وغير كذا ترى اليوم شريتها بكره بتتذكر انها صارت خرده قرنبع يعني :D وهذي حال الدنيا <<بدا يحطم الرجال :cool:
R
RR1000 @user_16244 · 11-11-2007
تظليل عازل من سولر قارد او في كول شفاف..
تركيب بلاستيك لحماية ارضية السيارة
غير كذا لا تسوي شيء في البويه سوى انت توقفها في الضل بس لا تسوي لها بولش تلميع وسو لها كل فترة حماية واكس تشميع لانك كل مرة تلمع (بولش) راح تشيل من طبقة الكر اللي يحمي البويه... ويعطيك خيرها ويكفيك شهره وبالتوفيق إنشاء الله
ا
الامع @user_55414 · 16-10-2007
مبروووووووووووك على السياره التظليل شفت محل يعرفه عيا خالك ولى عيال عمك يمكن يكون رهيب إسألهم
s
some82 @user_50048 · 16-10-2007
مبرووووووووووك .. والله يعطيك خيرها ويكفيك شرها

اول شي تسوه وانا اخوك تحط سيدي قرآن في السيارة .. ثم تتصدق اول ما تطلع السيارة

التضليل صراحه ماعرف عنه شي

لون السيارة .. حط لمعة .. تحافظ على لون السيارة 3 شهور واعتقد تروح اللمعة ثم تحطها مرة ثانيه
لكن افضلها صراحه ماعرف .. الاخوان بيفيدونك

القارمن .. طبعا اكيد الي هو نفقيشن .. خرائط المدن واعتقد اهميتها .. هي معرفة الطرق وحفظ الطرق الي رحت لها ويسهل الرجوع لها من خلال القارمن ..

الديفدي .. اكيد يعني مالها اهمية غير انك تتفرج على الشاشه ..

تجليد المراتب .. هذه ما فهمتها


واسف على القصور هذا الي اعرفه

وان شاء الله الاخوان يفيدونك ..

ومبروك على السيارة مرة ثانية