السلام عليكم ورحمة الله وبركاته
ارجوا انكم تقبلون فيني عضو جديد بينكم
ويعلم الله اني قليل المشاركة في المنتديات فقط اطلع عليها ولكن اعجبني المنتدى عندكم والاعضاء المتواجدين فيه لخبرتهم في مجال السيارات.
سوالي هو عن سيارة الاكاديا.
لنه بصراحة لي شهرين وانا ادور سيارة ومن كثر ما اشاور صراحة مالقيت شخصين يتفقون على سيارة وحده .
وبالاخير اتفقت انا والاهل على سيارة وحده الا وهي الاكاديا ولعدة اسباب:
منها حجمها المناسب لي ولعائلتي (ماعندي بزارين واجد):) الله يجيبهم
وكذلك المواصفات الموجوده فيها وسعرها الذي اراه مناسب بحدود 122,000 موديل 2008 الدفع الرباعي................
سوالي الى الاخوان او المجربين عن الدفع الرباعي الموجود في الاكاديا وحسب ما فهمت ان السيارة دفع امامي اي ان الماكينة بالعرض وليس بالطول ويكون الدفع الرباعي فيها حتى سرعة 80 كيلو اوتوماتيك.
وبعد سوالي لوكيل الجميح افاد ان الدفع الرباعي فيها مخصص للانزلاقات فقط اي انه لا يفيدك في البر والمطامر.
وبعدها رحت للعيسى وقالوا لي عكس الكلام ومن اكثر من واحد يقول بالعكس السيارة ممتازة في البر
.........
انا الان محتار من كلامهم وحاولت ادخل المواقع الخاصة بالسيارة وما استفدت شي
انا صراحه منيب راعي بران اللي عليها الكلام ومطامر حدي الثمامه وروضة خريم
شاكر كم
