والله ياخي مادري ايش الفروق التقنية بينهم لكن اللي اعرف ان محرك اللومينا ضخم اضخم من اليوكن و تقنيته اقدم لأن محرك LS1 على ما اعتقد انتج اول مرّه عام 96 على الكورفيت وهو يعطي قدرة حصانية عالية و عزم اقوى من محرك الفورتيك اللي في اليوكن وهناك الكثير من الشباب هواة التزويد في الجيوب يحطون مكائن الLS1 على الجيوب وتصير طيارات أرض, بحر,طعص اللي تبغى فما اعتقد انها تفرق مع الماكينة انهم يحطونها على SUV او سيدان .قد يختلف الأداء نعم
بالمناسبة مكائن LS1 هي مكائن امريكية قديمة وقوية وذات تحمل عالي وقابلة للتزويد للوصول حتى 1000 حصان !! وليست مكائن استرالية او صناعة استرالية او حتى مطوره في استراليا
انا يالخل على نفس الخط وعلى نفس السرعه بالجمس 1500 موديل 2002 كانت لي تجربة وكانت كمية البنزين المستهلكه حوالي 25 لتر يعني الصرفية كانت
14.98 لتر/100كلم
لكن ما بغيت اذكر هالتجربة لأن اليوكن الجديد اكثر انسيابية و اخف وزن ويوجد به نظام لترشيد الوقود فأكيد بيكون افضل!
أخوي، السبب أن محركات فورتك تركب على اليوكون وليس الألويتك LS1 هو ليس العزم الكلي للسيارة، بل العزم عند الدوران المنخفض. الفورتك يعطي عزم عالي عند سرعة دوران منخفضة مقارنة بالألوي تك.
والألويتك LS1 إللي في اللومينا يتم صبها في أستراليا، بنفس مواصفات الأمريكي. يعني نفس المكينة لكن التصنيع في أستراليا.
15 لتر/100 كلم لا بأس بها، ممتازة. لكن العبرة داخل المدينة.
