يا اهل الازيرا تعالوا ابيكم بكلمة راس....؟

مروق البال · 2007-12-08T21:18:58+03:00

بسم الله وبالله مساء الفـــــــــل والياسمين الحقيقه>>>>الاخ يبي سلف:D مالكم بالطويله من كم يوم طق في راسي الا اروح اشوف الازيرا معي اني كنت افكر في السوناتا ورحت اليوم للمجدوعي في الخبر وشفت الازيرا

عاشق السوسو @user_44354 · 09-12-2007

هلا فيك اخوي .. بصراحة اختيارك رائع .. وإن شاء الله ما تندم عليه

انا ما بأقول شي لأني ما جربتها ..

بس راح اعطيك .. رابط لشركة تقييم سيارات .. اخترت لك الازيرا 2007 .. وانت قارنها مع سيارات من فئتها .. مثلاً تويوتا افالون .. انفينتي G .. واللي تبيه بعد ..

ولا تنسى ان الازيرا حديثة العهد بالنسبة للسيارات الاخرى , كالاسطورة الأفالون ..

بس مع ذلك استطاعت ان تثبت كفاءتها

>>> اضغط هنا <<<

|3|

M.W4EVER @user_65403 · 09-12-2007

ياحبايبي الظاهر صارت سيارتي حقل تجارب المهم انا معي ازيرا 2006 ماشيه 109000 ريال قصدي كم
السياره زي العسل
بس خرب فيها الستاره والباقس ولاشي مع اني كارفها كرف ع كيف كيفك
السياره عزمها مو سهل وقويه وراسيه وحرارتها تمام لأن حنا في 2008 مو 1990 عشان تقول حراره
واي استفسار حاضر

khalid911 @user_45874 · 09-12-2007

اخوي محارب

بالنسبه لاستجابه القير فهي بطيئه صحيح

لكن اذا استجاب او حولته عادي و رجعته الى اخر نمره مسموح يرجع لها عى حسب السرعه الله يعينك و خاصه اذا كانت 3.3 او 3.8

و انت ماشي 260 يعني جايب الطبلون حط القير عادي و رجعه اوتو و لا تخاف من شي

القير تقدر تحوله في اي قت متى ما بغيت حوله

و اذا في اي سؤال انا حاضر

محـاربـ @user_69820 · 09-12-2007

مشكورر يا أخوي أبوو خميــس

ومشكورر أخوي منآيـف < ترى ثقآفتي روسيــه ههههههههه على العموم الرابط راح أجيب واحد يترجم لي.
وأحـب أقولك لم أكن أثق بهوندآي أولا ولا بيني وبينها .. ولكـن تغير الحـال .. والعاقل هو من يدرك الامور وهوندآي فرضـت نفسهاا ... وزي مايقولون ((( الزيـن يفرض نفسـه))

بس فيـه نقطه قريتها وانا أشووف تجارب الاخوان عن الازيرا.. الي هي بطىء إستجابة الجيـر هل هو المقصود على وضعية الأوتوماتيــك أم التيترونـك أم في كـلا الحالـتين

وأحب أسال بعـد عن التيترونـك هل بالاستطاعه تحويلـه الى الاوتو أو العكـس والسيآره تمشي مثـلا 110 .
وأيضا ووضع التيترونـك والتعشيـق يتم وأنت داعس على البنزين ولا تشيـل رجلـك وتعشـق.

وأرجوو المزيـد من الردود

mnaief @user_35156 Banned · 09-12-2007

عشان تزيد ثقتك في السياره ..
http://autos.yahoo.com/hyundai_azera_se-reviews_user/
> ناظر اراء اللي جربوها وكتبوا تجاربهم في الياهو :)

أبو خميس @user_49190 · 09-12-2007

الأزيــــرا مايحتـــاج تحمــل وقوة بدي وعـــزم ورساوة وقويــة في الطلعـــات وقويــة في الفرامـــل

محـاربـ @user_69820 · 08-12-2007

بسم الله الرحمن الرحيم

بصرآحـه ياخوان هذي اول مشاركه لي .... وبما اني بغيت اكتـب موضووع عن نفـس ماتكرم به الاخ مروق البال فهونت وقلت ما ابي اكرر نفس الموووضووع.

الحقيقة الي ايقظـت جميـع انواع السيارات وهزت اركانهاا هي (( هونداي)) بدوون اي شـك وأحـب أقولكم انا لم أجرب هذي الشركه الا نادراا وكانت على الاكسنـت فقـط في موديلات قديمه.. وكانت تجربه بسيطه اخذت عنهاا انطباع سيء عن الشركة وعن منتجااتهااا ومضت الايام ومضت ومضت ..

اذا بناا نسمـع عن التطور الي تحققه هالشركه يوما بعـد يوم وفعـلا فهي تتقدم الى الامام مبهره الجميـع بعكـس بعـض الشركاات , ظهرررت السوناتاا بتألقهاا الناجح جداا وظهرررت الازيراا ونفـس الكلام يقال عنهااا وهذا بناا ننتظــر الإعصـاآآر القادم من هونداي ألا وهوو (جينيـسس) التي باعتقادي انها صفعـه قوويه للشركات المنافسه سووف تستيقظ من سباتهااا وتحاول جاهده
الا تتفوق عليهاا هذا إن لم تتفووق عليها واثبتت ذلـك. قد يقوول البعـض وما ادراك عن هذا كلـه وكانت تجربتك بسيطه على هذي الشركـه سيكون ردي مجمووعه من التقارير والحقائق والاثباتات الي قيلـت في حق هذه الشركه ليس من بعض عمـلائهاا او المتعصبين لهاا ؟ لا لا لا سيكون من الخبراء والشركات العالميه التي قيمت هذي الشركة ونالت الجائزه تلوو ألأخرررررى .

لا اريد الاطاله عليكم ولكـن انا تجربتي بالسيارات هي أمريكيه بحتـــه منذوو نعوومة اظافررري وكنت أفكر الا استغني عنهااا ولكن آن الاوان للتغيــر وبحثناا عن البديـل ونظرنا في هذا وذاااك وبصراحه لم افكـر بهونداي,,,,, الا في الااونه الاخيررره؟لمآآذأ >> مواصفاات وقوووه وفخاااااااامه رائعـه جدا جدا جدا واسعار منااسبه .

وبعـد هذاا كلـه انا افكر جدياا أن أمتلـك الازيراا 2008 ونفـس الكـلام الذي قيـل لاخونا مروق البال أبتعععععد عن الكووري لقيته وبصراحه لم يهزني كثيرا فمعظم من قال هذا الكلام لا يعرف الازيرا اصلا وعنده سؤال لي اي شركه فكانت الصدمه لما سمـع هوندااي..... الحديث يطوول ..

إلى جميـع من يعرف عن الازيراا التالي إخبارنا به مشكورااا :

1- قوة تحملها للحوداث لاقدر الله

2- محركهاا الجديد لا أعرف الكثير عنه.

3- القير التيترونـك العجيـب الذي شدني وبقوووه.

4- نظام الثبات الالكتروني للسياره, والفرامل المانعه للإنغــلأأآآق.

5- عزم السياره << واشدد على ذلك بقووه لاني بمنطقه لا يوجد بها شوارع مزدوجه كثيرا وحياتنا كلها تجاوزاات× بتجاوزات .

6- هل تتحمل المرتفعات والمنحدرات والمنعطفات الشديده.

7- الحرآره .. وبما إني مستخدم للامريكي أسالوني عن الحراره هههههههههه.

طبعـا كل ماذكر أريد الايجابيااات والسلبيآآت فكـل سيآره لها إيجابيتهااا وسلبيآآتهاااااا

وآســف جداا على الإطـاله ........... وسجلوا إعجآبي الشديد بالمنتدى بدوون أي مجآمله .

تحيآآتي

فـوفـو @user_60693 · 08-12-2007

أنا عند أخويييه وحدهـ موديــل 2006

وبكــل صــراحه .... السيارهـ من أبــدع مايكون بس......

ألي ماتوقعته قوة مكينه الـ3,3 ...ابــصراحه مررهـ حلوهـ ^_^

. . . . . . . . . .

حبيبي وألي يقولكـ كوري ..قــوله خذ هذا المفتااح وجرب السيارهـ بعدين تعال قولي كوري ^_*
والــكوري وبذاات هوندااي تطورت بشكل ملحوووظ وواضح

وألي عجبني بالسيارهـ تماسكها مع المنعطفااات بشكل حلووو . . . . . . . .

....

وأنا أقولكـ بكل صرااحه ورااح اسأل اماام ربي على كلااامي

السيارهـ جداً ممتازهـ ومافيها شئ يعيبها نهائياً

وهــذا ألي يقولكـ كووري شكله قلقكـ خذلكـ كااااااامري ـههههههه هما كذا ياحبهم لتويوتا

^_^

khalid911 @user_45874 · 08-12-2007

اخوي انا معي ازيرا 2007

الان لها سنه عندي و انواع الكرف

ما شاء الله عليها قوة تحمل روعه

المطبات تسلم علي اول ما اجيها من كثر ما اكلها <<<<< خخخخخخخخ

السياره ماشيه 70000

و ان شاء الله قريب اكتب تقريري

بلا حدود @user_24628 · 08-12-2007

^
^

ويرجعها مصدومه عشان تكمل التجربه :D

vector @user_39432 · 08-12-2007

أخوي أنا معي أزيرا 2006 وصارلها سنه وكم شهر

وسويت عليها حادث وصلحتها

وماشاء الله جديده مثل ما هي

واذا بتتأكد استأجر وحده والعن خيرها مثل ماسوا بلا حدود:D

وبالتوفيق

بلا حدود @user_24628 · 08-12-2007

هلا فيك اخوي

السياره عندي من 5 شهور وماشيه 10 الاف حالياً

الى الآن السياره عال العال

لكن واجهتني مشكله وحيده عند الاربعة الاف كيلو وهي رجة بالفرامل وتصلحت على الضمان

وفيه غيري ماشيه عندهم 40 الف و100 الف راح يفيدونك اكثر

بالنسبه للسعر وش زينه على سياره مثل الازيرا وفئتها

السعر رخيص ومناسب جداً

لكن تأكد من شغله وهي حجم المكينه هل هو 3.3 او 2.7 اذا يهمك العزم

3.3 237 حصان

2.7 185 حصان

الـ 3.3 اقوى من الـ 2.7

وكذلك الـ 3.3 سير التايمنق فيها حديد

اما الـ 2.7 سير التايمنق ربل ويتغير من فتره لفتره ( من 60 الف الى 100 الف ) على حسب استخدامك

سير التايمنق الربل تغييره بالوكاله بما يقارب 1600 ريال

سير التايمنق الربل اذا انقطع في اغلب الحالات يبيلك نص توضيب

اما سير التايمنق الحديد لك وللزمن

لازم تاخذ كل هالنقاط في الحسبان

تأكد من المكينه

وماخاب من استشار

بالتوفيق