ياجماعه,اختفت اللومينا والكابريس؟؟!!

اخر سؤال ووالله اني اذيتك..
لكني جدا محطم,لاني اموت في شي اسمه كابريس,وكنت ناوي على وحده لاني ابغى اريح الـ93 لكني بطلت والله,هل باقي هناك صناعه امريكي؟لانه مستحيل ان الامريكان ماعد يشترون الكابريس,اشوفها لاني كنت عام 2005 تقريبا في امريكا واشوفها بشكل عادي زيها زي غيرها من السيارات,ومستحيل انهم ينتظرون الصناعه الاستراليه لابد وانها لازالت تصنع في امريكا,انا اظن ان السالفه زي البي ام,صارت تصنع في الصين ايضا,اعذرني عالاطاله ولكن اتمنى جوابك لانه اذا كان لا يزال فيه كابريس امريكيه شريتها لو اروح هناك واشتري,وان لا بطلنا البيعه,والف شكر.

مرحبتين ياغالي

مافيه سيارة في ايامنا هذي مشابهة للكابريس القديم
يعني على قولة المثل ( لكن زمان دولة ورجال ))

يعني لو جبت الكابريس القديم ايامنا هذي ماحد بيشتريه لأنظمة الامان السيئه وعن تجربة شخصية الكابريس القديم فااااضي مافيه شي ولكن إذا قعدت خلف الطارة وسقت السيارة تحس براحة اكثر من السيارات الجديدة وخصوصا ًالشكل الي يسمونه الصابونة

أما عن الكابريس الاسترالي الجديد فهو مختلف كليا ً عن الكابريس الامريكي
والمقارنة نتيجتها صفر
يعني الكابريس الاسترالي تطور بشكل ملحوظ في الامان وفي القوة
وعن تجربتي الشخصية للكابريس 2005
الحمد لله السيارة وفرت لي كل شي ومرتاح آخر راحة وماذكر اني دخلت ورشة الا حق تغيير القطع الاستهلاكية والحين ماشيه 120 ألف وماعنيت منها يمكن هذا الشي يرجع للمحافظة على السيارة

في الدعس مادلعت السيارة لكن في المطبات وفي تغيير القطع الاستهلاكية وتغيير الزيت والفلاتر بانتظام ماقصرت عنها ابد

ياغالي يكفيك الانتشار الكاسح للكابريس موديلات 2004 - 2006
ولو كان سعر 2007-2008 أقل بشوي كان شفت انتشار اقوى من الموديل السابق

ولكن يطول الكلام بهذا الموضوع

اخليك مع موقع الشركة وشوف المواصفات بنفسك http://www.holden.com.au/www-holden/

اول ماتدخل روح على luxury وراح تلقى الكابريس ويندرج تحتها جميع مواصفات الكابريس بالتفصييل الممل .....


تحياتي ...

طيب سؤال لاهنت,يعني الكابرس القديمة اللي تعني الفخامه والمتانه والقوة والكرف باي باي؟؟
ولا الاستراليه زي القديمه؟
أنا معي وحده موديل 93,أحس اني اقوى من في الخط اذا سقتها,الجديده كذا ولا لا,
وممكن الموقع حق الشركه اللي اقدر اعاين منه السياره ومواصفاتها والوانها وكذا,,
وشكرا
والحقيقه اني جدا مصدووووووم لان حلاة الكابريس الصناعه الامريكيه.مع ان الـلي في صورتي الرمزيه احس انها اسد زي 93 لكن البقيه.احس انها ماش,ماهي زي المعهود احس انها اقرب للياباني,,
وهل لازال هناك كابريس يصنع بامريكا؟يعني هل يعقل ان الامريكان ينتظرون الكابريس تجي من استراليا؟مو معقول!

مرحبتين ياغالي ....

اولا ً الكابريس واللومينا مو شفروليه وانما شعار شفرولية هو شعار التسويق لهم في الخليج

اللومينا والكابريس هوووولدن الاسترالية المملوكة لشركة جي ام
يعني جي ام هي المالك والمطور للسيارتين

الشي الوحيد الامرريكي في السيارتين المكينة والباقي تصنيع شركة هولدن وأبدعت في بعض الموديلات وخاصة الجيل الجديد وتفادت الاخطاء الي صارت في كابريس ولومينا 2000 و 2001

واعتقاد شخصي لو جابو الامبالا الامريكية في السعودية راحت تفشل فشل ذريع كما فشلت لومينا الامريكية(( الجيل القديم )) ،،،

الكابريس واللومينا انتهت من امريكا وبدات لومينا وكابريس الاسترالية منذ 2000
واتوقع ان الشركة ماتوقعت الارباح وخاصة لموديلات 2004-2006 لأنها بيعت بشكل ملفت للنظر ،،

تحياتي ،،،

الأمبالا كانت موجوده مع الكابريس في عام 2007 في نفس الموقع!