جزاك الله خير اخوي
الحقيقة انا مستني توصل سيارتي يوم السبت ..
دفعت المبلغ 79 الف ريال مع الشحن وعمولة للشخص اللي بيجيب لي السيارة الفئة العادية بس الصدامات بنفس لون السيارة
اخوي الله لا يهينك اذا ممكن تعطيني انطباعك عن السيارة بدون تعصب
لاني انا جربت السيارة قبل اشتريتها ولاحظت شيء واحد بس ماعجبني وهو صوت المحرك مرتفع .. مقارنة بالسوبر بان جيمس 2005 اللي الجين معاي
فما رأيك ؟
واذا ممكن تقول لي ايش مشاكل السيارة اللي واجهتك .. خاصة الاعطال
وهل ترى ان السيارة ممكن تعيش معي 7 او 8 سنوات ؟
اسف على الاطالة بس والله محتاج التوجيه والمشورة وخاصة اني شريت خلاص
الف مبروك عليك السيارة وتوصل بالسلامة,,,,,, السيارة شكلها مره رهيب ولكن من عيوبها لايوجد فيها لو قير للتطعيس مثلا ,,,,
اخي ساعطيك شرح مختصر عن المشاكل التى واجهت المستخدمين الجدد للسيارة وطبعا كما تعلم السيارة جديدة وبدا انتاجها في عام 2007
بالنسبة لموديلات 2007 فئة STX وSLT
اولا : السارة تطفي فجاءة خصوصا عند اليوتيرن واثنا عملية التوقف في موقف مثلا واحيانا في الطريق السريع بسرعة عاية ولاتلبث الا ترجع تشتغل من نفسها بعد 4 او 5 ثوان,,,,, المشكله ممكن تكون قاتلة خصوصا في التقاطعات ,,,, حل المشكلة بسيط وهو عبارة عن تحديث او ابقريد لنظام السيارة وانحلت المشكلة في كثير من الحالات ,,,,طبعا سار فيه ريكول على السيارات المباعة بهذا الخصوص...
ثانيا : مشكلة القير يعلق على سرعات 30 و40 ميل وبعض وايضا سار فيه ريكول لحل هذة المشكلة وبعض السيارات تم تغيير القير اكثر من ثلاث مرات...
ثالثا: نظام الفرامل الاليكتروني لم يشتكي منه المستخدمين لكن الشركة عمالت ريكول بهذا الخصوص لاعادة البرمجة
رابعا: كان فيه مشلة في نظام الاي بي اس وسار برضة فيه ريكول لاعادة البرمجة...
خامسا: وجد في العديد من السيارات تهريب مويه سواء من جلد الابواب الخلفية او من الشنطة
سادسا: الروف راك ( الشبك العلوي - او الخطوط التي وضع الشبك عليها) كثير من الملاك وجدودة يخرج من مكانة بعد فترة وجيزة وربما يكون خطير في حالة تحميل امتعة او مشابه ذللك على سطح السيارة ,,,في بعض السيارت وجد انه تم الصاقة بغراء او شطرطون مقوى ابو جهين ..
سابعا: عدد قليل من الملاك اشتكوا من نوع الجنوط وانه لايتحمل الاجواء القاسية في الثلوج وغيره مما يودي الى تقشرة وتغير لونه
ثامنا: عدد قليل جدا من الملاك الشباب يشتكون من عزم السيارة عند التجاوز في الطرق السريعة
تاسعا:بعض الملاك المراهقين اشتكو من السيارة لاتفحط (برن اوت) في المطر..
هذا ما يحضرني الان وصدقني انا من المعجبين جدا بالسيارة وارى ان هذة مشاكل بسيطة وسيتم حلها في موديلات 2008. بس اتمنى انك تتاكد من تاريخ صنع سيارتك واذا واجهتك اي مشكلة لاسمح الله تكون على الاقل لديك فكرة عن بعض منها ,,,وتاكد ان العديد العديد من الملاك سعدا جدا ولم يواجهوا اي مشاكل تذكر...
اعتقد انك اذا اهتميت بسيارتك ستعيش معك ربما اكثر من 6 او 7 سنوات وانا ايضا افكر بجدية في اقتناء واحدة منهم من فئة RT الاقل مشاكل من جميع الفئات.. وبخصوص صوت المكينة شفت بعضهم بس ديزل والصوت كان عادي لمكائن الديزل ولااستطيع الحكم على مكائن البنزين ..
اخيرا الله يديك خيرها ويكفيك شرها واخي شىء طبيعي في السيارات الجديدة ان يكون هناك بعض المشاكل البسيطة,,
تحياتي
\\\
