للخبراء فقط !! خاصة الاخ فني سيارات !!!!

تايلور @user_60888 · 29-02-2008

السلام عليكم ورحمة الله وبركاته
نصيحتكم ياخبراء
انا بشتري مرسيدس بنز فياجرا 2002 s 500
شرايكم
انا بوديها ان شاء الله لمركز الماكي او الراجحي فحص الكمبيوتر
السؤال اللي يسدح نفسه
وش يسوون بالسيارة بالضبط فحص كمبيوتر لكن الية الفحص وش هي بالضبط
انا سمعت انه فيه جهاز جوى السيارة يعمل مثل الهارد دسك مخزن كل الاشياء التي عملت للسيارة
من تغيير للقطع والتشييك وخلافه
ياليت والله تنوروني وتزيدوا من معلوماتي
الله يوفقكم

<نمر> @user_17936 · 01-03-2008

النظام الداخلي مثل ما ذكرت يخزن المشاكل بتوقيتها و المشاكل الحالية و قراءت المحرك و القير الحالية التي تبين سلامته

لكن انه يخزن القطع التى تم تغييرها و الصيانات التي تمت على السيارة فما اعتقد

ثم ان المشاكل المخزنة في النظم تمسح بعد كل عملية صيانة

راح تستفيد معرفة حالة السيارة الراهنة و سلامة الانظمة المختلفة فيها الي منها الايرباق

اما تاريخ السيارة ففمكن من الوكالة

و الله اعلم

تايلور @user_60888 صاحب الموضوع · 29-02-2008

الله يخليك اخوي سوبارو ليجاسي صراحة ماقصرت
وباقي الاخوان لاتبخلون علينا
وين فني سيارات ؟؟

V I P @user_9790 · 29-02-2008

أولاً حياك الله اخوووي تايلو ضيف جديد في المنتدى وان شاء الله تستفيد من الاخوان ويستفيد منك المنتدى :)

ثانياُ بالنسبه للفحص اللي اعرفه عن اعطال السياره اللي تكون مرتبطه او مبرمجه في الكمبيوتر وبما ان السياره من نوع فياجرا يعني اعتقد انه كل صغيره وكبيره بالسياره راح تكون موجوده في الكمبيوتر وبالتالي راح يفحصها لك الجهاز

هذا ما لدي واتمنى ان الاخوان يفيدونك في هالموضوع وانا كان ردي على الموضوع ترجيب لك اكثر من كونه خبره في هالمجال :)

تحياااااااتي لك اخووي