السلام عليك كانك تبي الشور الشور عندي ،،
اللي يقولك الكامري الكامري كل خلق الله عندهم كامري امش في الشارع وعد الكوامري ما اختلفنا انها حمار كرف بس بتتعبك خاصة اذا كنت راعي خطوط الله الله بالرساوة ما عندها ما عند جدتي
ان جينا للمازدا انا سقتها كثير وركبت فيها شكل روعة ومواصفات حلوة بس خرابات لليل بس ما ودي اظلم الجديدة ما شفتها
وان جينا للامبريزا - وانا عندي امبريزا - بقولك شف يا طويل العمر سيارة يابانية 100 % من الى حتى بطانات الرفارف Made In Japan مسكت خط فيها ما شالله لا اله الا الله جنب التريلات اشوف الكوامري ترجف وهي لا اله الا الله ما تقول شي وقطع الغيار بين الهوندا والتويوتا مهب ذيك الغلا وبالنسبة للرساوة فانا اقولك صار علي حادث قبل شهرين وانا ماشي 215 سقط واحد قدامي ورحت يمين يسار ،، اول ما اخذت يمين راحت معي يمين ما شالله ما قالت شي ويوم اخت يسار حاست السيارة ولفت حول نفسها 4 مرات وكل ما اخذت لفة صقعت بالرصيف مرة يعني اربع صقعات بالرصيف وانا ماشي 215 والحمدلله السيارة احلفلك ان كفراتها ما انرفعت عن الارض سنتيمتر واحد رساوة غير طبيعية ما شالله
وان جينا لعزم الامبريزا اقولك انا اعطيك سيارتي لك ان قامت علي كامري ولا هوندا ولا مازدا ولا التيما اتكلم عن الاربع سلندر ككل وما اكذب عليك لا تفكر انها بتجيب لك سعر بعد الاستعمال بس تبي النصيحة لا تقول كامري والشيك بالجيب يا خوي لا انت خذ السيارة اللي تريجك واستكن عليها الكم سنة اللي بتعيش معك دامها مريحتك الف واحد قال لا تاخذ امبريزا ومع كذا اخذتها وشفني مرتاح معها تقل عدنان ولينا ولا تنسى ان الكامري استرالية وعبداللطيف ما قصر هجنها مع تايلاند والصين هع هع
عاد لا تنسى تستخير في الاخير واعذرني على الاطالة،،
المازده مميزه جداااااااااااااا شكل و موصفات و لي يقولك وكيلهم مش كويس ما عنده سالفه
الوكيل جداااا ممتاز ( اقصد الي بلرياض ) الحاج
و قطع غيارها عالية الجودة و غاليه و لكن ارخص من الهونداااا
الكامري سياره عمليه جداااااا و لكن من غير تميز العالم كلها كامري وهذا شي ما يعيبها ولكن اذا تحب التميز خذ مازده 2009
والكامري سيارة ممتازه اذا كنت من النوع الي يبع سيارته كل سنه خذ الكامري لانها شيك بجيب
