الاوبيرس جننتني من يوم الاستلام وانا اعاني

نوع الزيت هو موبيل سوبر GT 10W30
ويغير كل 5000 كم
وأما الشاشة فما أدري بصراحه بس في محل بالرياض متخصص بهذي الامور اتوقع يمكن يضبطها لك
مركز أحد بالغرابي
وأما بخصوص الثلاجه اللي ورى فهي خطه حلوه بصراحه
تحياتي لك

بس للحين مافي احد افادني في موضوع وش نوع الزيت

ولافي احد اعطانا طريقه وشلون نركب الشاشه او وين المحل المختص

ابو عبد العزيز اذا تعرف احد ركب عطني خبر وياليت صور يالغالي

وبعدين لو تلاحظوا انا لقيت مكان بين المراتب الي ورا غطا تفتحه للشنطه مكان هذا الغطا

لقيت ثلاجه ممكن تركب في نفس المكان يعنى افتحه الغطا على الثلاجه وش رايكم

تشوف انت هههههههههههههههه

مسوس هههههههههههههه

تعرف الواحد متوظف ويدفع اقساط والله يخاف من جد خمس سنوات يدفع اقساط اكيد بيخاف

الله يوفقك
ويبعد عنك الوسوسه وعين الحسود
أخوكم أبو عبدالعزيز

السلام عليكم ورحمة الله وبركاته:::

خلصت من الجلد وجيت للمكيف مابقيت شي الله يسلمك خخخخخخخخخخخ:D :D
والله المكيف أوكي% |1| وبرودة خطيرة ماشاء الله ...

أخوي خل عنك الوسوسة الزايدة وان شاء الله ترتاح..

لا والله مو بدين طال عمرك بس لك علي شوي ترا وزني 80 مقبول <===داخل يخطب

المهم طال عمرك الشاشه انا ليت جي في سي قيمتها 3600 و850 كاميرا خلفيه و2500 النيفقيشن

بس طال عمرك المشكله من يبي يعرف يركبها رحت في الدمام عند السلام قال مااعرف ورحت عند رد كاب قال بحاول واخر شي قال مااعرف

وياشباب ماتحسوا انه المكيف دفعه ماشاء الله عليه اوكي بس بروده اقل

وبالنسبه للسياره وش نوع الزيت

وشي ثاني ابي اشكر ابو عبد العزيز ترا انا مااشريت السياره الا وانا من زمان اشوفك تمدح فيها

قلت ابي اعيش التجربه

وبالنسبه للقياده مااسرع ابد ومحترم بس في الخطوط على 140 150 بس مااازيد عنها

ارجع للمشاركة رقم 67 وفيها يتكلم عن شاشة لمس للأوربيروس
إن شاء الله يكون أفادك الأخ أبو عبدالعزيز
http://www.assayyarat.com/forums/showthread.php?t=124440&page=9

والله ياخوي مشكلتك غريييبة مافيه أحد اشتكى من الجلد :confused: :confused: :confused:
لاتتضايق أخوي وان شاء الله راح تنحل مشاكلك كلها وراح ترتاح وخذ الكلام مني |1| |1|

والله الظاهر لان حتى لما استلمت السياره كانت ماشيه 41كم

وفوق هذا كله الجلد بسرعه ينعدم مع انه زميل لي لها سنه معه ولا في اي مشكله بس انا

حظي كذا وش اسوي

حياك الله أخوي
بخصوص الحزوز هذي فا بجد غريبه.....!!!
أنا اشوف أما أنك ما تجلس بطريقه صحيحه ، أو أنك يا أخوي بصحه شوي (بدين) فايسبب حزوز كثيره بالمقعد عندك
والحل علشان تحافظ على جلد سيارتك هو أنك كل سنه تعمل لها تلميع وحمايه للسيارة بالكامل
وبكذا إن شاء الله ما تتشقق عندك أبدا وتحفاظ عليه سنوات عديده
ملاحظة : فيما لو عملت ووضعت المواد اللي تحمي الجلد يجب عليك عملها بعد ذلك سنويا أو كل 6 شهور
وإذا تركتها راح تسبب نتيجه عكسية وتسبب جفاف للجلد وبالتالي تشقق بالجلد ، على العموم لا تخاف ولا شيء بس لا تكثر من المواد الكيماويه على جلد

بخصوص الشاشة :
فلازم تروح مكان يزيل من عندك المسجل السابق ويركب مكانه ديكور خاص وبعدها يركب لك الشاشه
وإذا عزمت على شاشة فأنا أنصحك وبقوة بشاشة KENWOOD مع GARMIN وكاميرا خلفية وبلوتوث
بصراحه هذي الشاشه إبداااااااااع بس غالية شوي وراح تكلفك 10000ريال.....

وبخصوص المحافظة :
فأنا أنصحك بالقيادة الهادئة أولا وأخيرا
والله الله بالفحوص بالوكالة والزيوت غيرها أولا بأول كل 5000كم
ولا تنسى أدعية حفظ الاموال من العين
والله يبارك لك فيها

اخويي اكيد غشوك

مع ان انا اشوف الكيا ماشيه ومافيها مشاكل

ياشباب الى الان مافي حد افادني بخصوص تركيب شاشه لمس في الاوبيروس 2008

كيف الطريقه
؟

والله انا مرتاح فيها بس الي خرب علي اني اول مااستلمتها واجهت مشاكل قير وكمبيوتر

نفس المواصفات الي انت ذكرتها هي الموجوده

وبعدين مافي وجه شبه ابدا بينها وبين السوناتا اكيد الين منها بمراحل

أخوي هــل تنصحنــي بالسيــاره إلــي معــك لأني من زمان وأنا أفكر فيها ؟؟؟

لايكون قاسي زي السوناتا
بس اخوي تقلي موجود الحين النص فل
لي هي جلد وستاير وحساسات
موجوده الاان يبالي اعدي على الوكاله
الف الف شكر اخوي

هلا والله اخوي

اخوي انا معي اوبيروس 2005 مفل كامل بس بدون شاشه
والسياره معي ماشاءء الله تبارك مثل العسل وانا امسك فيها خطوط والحمدلله ما شفت منها الا كل خير
وامشي فيها على سرعات عاليه ومنخفضه بس الحمدلله ما شفتها اشتك من شي

وانا معك في الجلنط تحس انه مرتخي ولا يمسك زيين بس هذا اللي حسيت منها

والله ياغالي لو بي الصراحه الموتر يمشي مافيه ازعاج ونعمومه حلوه وعزل صوتي ممتاز

بس قاسي شوي على المطبات والحفريات

وانا كنت في الوكاله والحين موجود الفل كامل عندهم وفتحه سقف

انا يوم اخذته ماقالوا لي انه بيجي فل قالوا خلاص مايجي بس الي عندي زينه مافيها شي

بس بسوي لها فتحه واركب اصطبات الفل