تركيب شاشة للكرايزلر دون الغاء تحكم السكان

مافيه حل صدقني

شوف ابحث عن القطعه بالنت اسمها Steering Wheel Control تلقا اكثر من شركه اختر الي يناسبك

الحين انا بعد ما اخترت الشاشة jvc مع ريموت .. رحت المحل قالي تحتاج شغلتين:
1- الديكور الي يستوعب شاشة النفكيشن ..
2- الاكسيس انترفيس chto -1 ..
وانا حصلتهم بالنت وهالايام بطلبها .. واذا حد قدر يساعدني اكثر بخصوصهم فمشكور ..

بس اذا متأكدين انه هناك طريقة تحل لي مشكلة تحكم السكان فجزاكم الله خير خبروني ..

وشكرا

اما بخصوص الوكالة يا معود السعر قالي 850 دينار .. ولك شوف الفرق من 220 جي في سي وكل شي فيه .. و850 دينار .. ليش ؟ لوول

يعني اشتري الحين اي شاشة يشترط فيها ريموت كنترول؟؟
حصلت شاشة jvc كل شي فيها بسعر حلو .. ومعاها ريموت .. شنو الخطوة الثانية؟

لا هي مستحيل لكن القطعه طريقتها حلوه وهي الوحيده الي تشبك فيها تحكم بالدركسون

الا واهي القطعه لها سلكين اسلاك تروح للازرار الدركسون والسلك الثاني عليه اشعه ليزريه انفرايد تنقل اوامر الجهاز من ازرار الدركسون للمسجل وبوسط الجهاز برضو اشعه تخزن فيها اوامر الصوت والمنيو حقت المسجل عن طريق الريموت المرفق مع المسجل المراد تركيبه

لكن بالاخير صدقني مافيه طريقه غير هذا ولا الله يعينك ركب مسجل وكاله الذي يدعم تحكم بدركسون الوكاله

يعني الريموت يتوصل بالازرار الي بالسكان؟

لا ياخوي تقدر تركب قطعه تتحكم فيها زي الوكاله واي مسجل تبغاه بشرط المسجل الي تركبه يكون معاه ريموت كنترول

وهذي القطعه تلقاها عند مركز احد للصوتيات الرياض الغرابي

اي نصحوني هالنصيحة .. بس اتوقع السعر جدا مرتفع بيكون .. انا اليوم رايح على الوكالة وبشوف بجم..

مشكور