الى متى تستمر بعض الانظمة الفاشلة؟؟؟

سندباد @user_88548 · 23-07-2008

بسم الله الرحمن الرحيم

السلام عليكم ورحمة الله وبركاته

ياشباب ابي رايكم في هذا الموضوع اللي حصلي
رخصتي انتهت هو تصريح مب رخصة
رحت اجدد في نفس اليوم اللي انتهى فيه يوم 21/7
سويت فحص النظر ودفعت الفلوس وسويت كل شي
رحت اعطيهم الملف
قالي العسكري : تبرعت بالدم؟ قلت : لا ليش؟
قالي : رح تبرع بعدين تعال
حاولت فيهم مارضوا
ولازم اتبرع في مستشفى الجامعي او الشميسي

س يعني الواحد يتبرع لوجه الله ولا لهم
وش ذا النظام الفاشل ؟والله اني طلعت معصب
واللي قهرني اكثر ان الوالد كلم واحد في مرور الرياض
وقال خل ولدك يجيني يوم السبت والرخصة بتكون عنده بدون تبرع
طيب ليش يعني لازم واسطة

اسف على الاطالة

سندباد @user_88548 صاحب الموضوع · 25-07-2008

اشكر الجميــــــع على التفاعل

اخواني اتمنى الموضوع مايفسر خطأ
انا لا اقصد التجريح في الدوائر الحكومية ... انا قلت بعض الانظمة
وبالعكس هناك الكثير من الانظمة الحكيمة
من انا حتى اقيم الانظمة والقرارات ؟ لكن هذه وجهة نظري في الموضوع اللي حصلي
وشكرا

M O A Y A D @user_15565 · 25-07-2008

.
.
.
صرآحه ,,, إجبار تعسفي !!!

لكل واحد ظروف صحية واحيان نفسية في عدم التبرع !!

لما الاجبار !!

لما لا تتحول الا نقطة دعم وتشجيع بدل من الاكراه والاجبار ؟!!

بـ معنى يتم تخفيض الرسوم للـ متبرعين مثلا ؟؟؟ او غير ذلك من اساليت التشجيع !!

Y A S S E R @user_31184 · 23-07-2008

المشكلة انهم لايقبلون من المستشفيات الاهلية يعني لازم تطق مشوار
انا الحمدالله خلصتها من مستشفى ابوي خلصلي اموري بدون تبرع بدون شي

أبوهذال @user_79203 · 23-07-2008

لو نظرنا من ناحيتين

الاولى انها ستكون فائده من حيث توفير الدم في المستشفيات و ايضا اجر لك وانت ما تدري
الثانيه انها حريه شخصيه لك

لذلك امتنع عن التعليق كل يشوف الموضوع على راحته

فني سيارات @user_8460 · 23-07-2008

ممكن الانسان لايستطيع التبرع بالدم لسبب صحي مثلا عنده فقر دم عنده مشكله ايش يسوي
حملات التبرع بدم في المدارس او في مكان اخر يكون انسب من ان يكون في تخليص معاملات الناس ومشاغلهم

الله يكون في العون

KYRON @user_5890 · 23-07-2008

يا اخوان بالإمكان النقد الهادف لبعض الدوائر الحكومية بدون استخدام الكلمات العنيفة والنقد اللاذع.
شكراً لكم

أبـــوبـــدران @user_19528 · 23-07-2008

يارجاااااال .. هي وقفت على هذي ..

لو اقولك اللي ببالي ان تنهبل :smilie6: ..

الله يعيننا على هالانظمه الفاشله .. واللي تستحي انها في بلدتك .. وخااااصة بعد سالفتك انت واخوي

جينيوس .. يوم قلتوو الواسطه بدون تتبرع بالدم :smilie6: .. ياناس قسم بالله عايشين في وسط مصخره

يالله .. الحمدلله على كل حااال ..

ومشكور على المواضيع الجيده مثل هذي

.

:)

Genius_m @user_33175 · 23-07-2008

^^^
أنا قبل يومين مطلع التصريح <<<فرحان هو ووجهه :D

فعلاً قالوا لي لازم تبرع بالدم ,,

انا ما عندي مشكلة , يعني أجر ,,

لكن بالصدفه لقيت واحد اعرفه (من المدرسه) يشتغل هناك , ومشاني بدون تبرع :D <<<واسطه خخخخ

أنا ما أشوف ان النظام هذا مشكلة <<<لأنه ماجرب :p

لكن صحيح تحس فيه شويه تعدي على الحريه الشخصيه ,,

وع العموم الغالب على الموضوع انه عادي (بالنسبه لي) :)

تحياتي,,,