السؤال الاول :عندى المكيف وانا واقف تبريده ضعيف واذا مشيت تبريده ممتاز طبعا مافيه تهريب غاز , طبعا الكهربائي قال لي الكمبرسر ضعيف بس ماني واثق من كلامه
اخوي هل الهواء اللي يجيك بارد ولا برودته اخف من المشي
اذا كان دفع الهواء ضعيف ربما من المروحة لكن اذا دفع الهواء كما هو ولكن التبريد يخف معناها من الكمبروسر وشيك وانت واقف ادعس شوي بنزين هل يزيد الدفع ولا لا
اذا زاد الدفع هذا يأكد انه من الكمبروسر
السؤال الثاني : الدرج اللي بالوسط كل ما دست انفتح زي ما تقول السن مهوب راكب مكانه عدل هل عنكم حل غير التبديل
اخوي الدرج على حسب نوع الكسر او نوع الخلل بعضها يكون خالع من مكانه وتقدر ترجعه وبعضها يكون مكسور وما يتصلح إلا بالتبديل
او اذا انك مو محتاجه جيبلك سليكون وركبه عليها وفتك منه إلى الابد
السؤال الثالث : كيف اعرف ان كلتش المروحة شغال لانه كل ما ادوس على السياره احس انه شابك ومثقل على الموتر
اخوي لمن تدعس هل المروحة شغالة ولا لا
اكيد بتكون شغالة في معظم الاحيان لأنه الاجواء عندنا ما شاء الله
لكن تثقيل الموتر قد يكون من مشكلة فيه يعني ماا البواجي او البخاخات...الخ
خصوصا انك لمن تكن تشتكي من هالمشكلة سابقا
اذا المشكلة جديدة بأذن الله راح يكون مثل ما قتلك
السؤال الرابع : هل اذا شريت لموتري كفرات من عمان او قطر من الوكيل تكون مكفوله لو رحت لاي دوله من دول الخليج
هذي اعذرني ما اقدر افيدك فيها
السؤال الخامس : عندى الكراسي جلد وجوانبها مثل بهت لونها وصار فيها خطوط بيض بس ما تشققت هل فيه طريقة تعيدها زي الوكاله
اخوي ودها محلات التلميع عندهم ادوات ومواد خاصة بأذن الله ترجع وهم اخبر وبيقولوك اذا هالنوع من المشاكل تنحل ولا لا
وبعد ما يسووها فيه بخاخات ومنتجات خاصة بالعناية بالجلد يفضل انك تستخدمها دائما علشان تحافز على الجلد
الله يسلمك
تحياتي،،،
