اذا تبي سيارة ل 6 سنين بدون اعطال ولا مشاكل، اول شي تفكر فيه تبعد عن المستعمل، لان مهما كان الاستخدام نظيف، لكن تبقى السيارة مستهلكة وبتوصل لمرحله انك تحتاج اتبدل فيها قطع انتهت صلاحيتها.......
ثاني شي، فكر تشتري سيارة من صانع معروف عنه باعتماديته العالية، وانت طبعاً على علم من الي يصنع سيارات وتخترب من اول شهر ومن الي يصنع سيارات واتدوم معاك....
حدد نوع السيارة الي تحتاجها، طبعا على حسب مشاويرك، وحجم اسرتك، وطبيعة المناطق الي اتروحها. يعني اذا كانت مشاويرك طويلة، فكر تاخذ سيارة صرفيتها قليلة، لانها بفرق معاك كثير على مدى 6 سنين، يمكن توفر 20 او 30 الف على البترول فقط. ومن ناحية الاسرة، اذا كان عندك اسرة كبيرة تختار السيارة الي اتشيلهن وماتكون ضيقة عليهم وتكون في نفس الوقت امنة. وبخصوص طبيعة المناطق اذا كنت راعي بر خذ لك سيارة فيها دبل، اما اذا مالك في البر فوفر على نفسك وخذ لك سيارة بدون دبل، اول شي بتكون ارخص، وثاني شي بتكون اخف وبالتالي بتصرف بترول اقل.
وفي الاخير احصر خياراتك على حسب الميزانية المتوفرة عندك. والله يوفقك
يعطيك الف عافية أخوي على التوضيح لـ أبو لميس
وفعلا كلامك منطقي وجميل جدا
لكن البعض يقول لا تثق بالكوري وبعدين سعره على طول يطيح ؟!!
هلا بأخي أبو لميس
انا لن اقول لاتنزل سعرها كثير ولا قليلا
بل انت صاحب القرار
زر اكثر من معرض مستعمل واستفسر عن الاسعار وقارنها بسعرها جديدة
واحسب كم الفارق وقارنها بمثيلاتها من الشركات الاخرى بنفس الطريقة
اما بنسبة لي وحسب ميزانيتك ( 70.000 ريال )
اشور عليك بــ سوناتا 2009 بالمواصفات التالية : قير اوتو , جنوط 16 ( المنيوم ) , الخ ..
وتجدها بسعر : 64000 ريال أو أقل بقليل
أو لك حرية اختيار فل كامل بحدود ميزانيتك أو أكثر قليلا
والخيار الثاني كامري 2008 قير اوتو
وتجدها بحدود مزانيتك
والله يوفقك
