رابطة ملاك دودج تشارجر ، كرايزلر 300 سي

كيفكم شباب
عندي مشكلة بسيطه وهو ان حساس ضغط الإطارات انكسر البلف حقه واضطريت اني اركب بلف ربل عادي لأني حاليا بعيد عن الوكاله لكن استفساري هل لو وصيت احد وشراه لي وركبته هل يحتاج الا برمجه بالوكالة ولا يتبرمج من نفسه ..؟؟ الي عنده خلفية عن الموضوع يفيدنا
تحياتي

والله انا حسب علمي ياخوي انك توديها لاصيانه كل 5000 الاف افضل لها وافضل لك من ناحية الضمااان
لانه الضمان اتوقع يروووح منك كذا

السلام عليكم

كيف حالكم ...؟

عندي استفسارين ياشباب الاول:
بخصوص تغيير الزيت في التشارجر SE وش نوع الزيت المناسب له لاني ناوي اغير الزيت برى الوكالة وااذا كنتوا تعرفون محل ممتاز الله لا يهينكم

الاستفسار الثاني:
بخصوص الصيانة الحين اذا ماوديت السيارة كل 5000 ولكن اوديها كل 10000 فهل الضمان يروح ولا لا؟؟؟؟؟ لانه بصراااااحة اسعار الصيانة نااااااااااااااار

والله يعطيكم العافية

الله يحييك
وانشالله تصير من نصيبنا
شكرا اخوي MOHAMED على الموقع اللي عطيتني وياه

حيآآك الله معانا من جديد ..^_^ ..

مآشاء الله.. إن شاء الله الـSRT-8 من نصيبك ..

وسعرها اليوم في أمريكا 41120 دولار ..

يعني تقريباً 154 ألف ريال ( جديد )

لكن مدري كم راح تكلفك مع الشحن ..

تفضل شووف الرابط من موقع دودج :

http://www.dodge.com/hostc/bmo/models.do?modelYearCode=CUD200904&zipCode=





حيآآك اللهـ في الرابطهـ ..

إن شاء الله تفيد وتستفيد معانا

تعديلات راايقهـ ..

وبانتظااار الصوور ... ^_^ ..

.
.

M O H A M E D

اذا التكلفه بس هذا المبلغ تمام يعطيك العافيه desperado

وادعولي بالتوفيق فيها
:emot62:

مرحبا يا شباب

وألف شكر على الموضوع الاكثر من رائع والجميل في مجملة

تحمست وسجلت في الرابطة

وسجلت في هالمنتدى الرائع

البطاقة الشخصية ::::::::::::

الاسم : الدورلار
العمر : 26 سنه
المدينة : في جميع انحاء المملكة بحكم وظيفتي ( موظف بنك ) ميداني ولكن الاستقرار في الرياض
السيارة : دودج تشارجر 2007
تعديلات بسيطة : جنوط 22 اسود ، حواف نيكل ، تهبيط بسيط ، واجهة كاملة زينون ( عالي ، واطي ، كشافات ) ، خلفية جديدة من نوع ( LED ) .

وترقبوا الصور بإذن الله تعالى

تحياتي للجميع ،،،،

راح تكلفك مع الشحن حوالي 150000 ريال ويمكن تزيد شوي هذا بالنسبة للجديد

ادري شبااب لني متأخر واااااااااااااااجد عن التبريكااات وغيرها سامحوني صارت ضروووف وغيرها>>>يتمسكن الرجال
على العموووم مبروووووووووك القرووب عليكم وانا تراني من المصوتين حق ذا القروووب واتمنى اني اكون واحد منكم لاني من عشاااااق التشارجر منذ ظهورها عام 2005
وانا عندي rt 2007 بس بعتها وناوي اشتري charger srt8 من امريكا
بس ابغى اعرف سعرها اذا تكرمتو ياخواني
ارجو الرد اذا مافي تعب عليكم
مشكووور اخوي Lt ram مره ثانيه

السلام عليكم ..
حصلت شارجر 6 موديل 2006 ماشي 64000 الف
الرجال حاده ب 57 الف ايش رايكم بالسعر و الموديل ؟؟؟

انا تفصل عندي تحت ال 180 يعني 185 او شي زي كذا بس ما توصل 190

اليوم كنت في الوكاله وطلبت من مسؤول الصيانه يفك الفصله ورفض وكلمت نائب مدير قسم الصيانه

وقال هذي موجوده في موديلات 2008 وهذي من المواصفات والمقايس السعوديه

بس لقيت لي واحد في قطع الغيار وقال انه يعرف واحد يشيل الفصله ويقدر يزود العزم برضوا عن طريق البرمجة انا اعطيته رقم تلفوني وقال بيرد علي

على العموم اذا اتصل علي وبلغني راح اعطيك خبر ولما نروح له اثنين اكيد بيسوي لنا خصم

ابشر بعزك

تحياتي :emot62:

انا اخوي سياراتي SXT
تفصل على 190 وتجيبها بصعوبه
وفصله خفيفة مره
بس لما السيارة تجيب 180 وابغها تكمل لين الـ190 الضغط ينزل بقوة ويرجع تحسي فاجرها

كيف افك الفصله ياشباب !!؟؟


----------------------------
شباب التركشن (مانع الانزلاق) الزر لما اضغطه السيارة اخف بس تمسك برضوا
وش فيه طريقة ينفك مره التركشن ..؟

السلام عليكم

اخواني انتا سيارتي 2008 v6

السياره تفصل على 180 تقريباً وانا شفت مقطع في youtube نفس النوع وذكر انها 6 ووصل فيها الى حدود الـ 200

هل سيارتكم نفس الشي ولا موديلات 2008 فيها المحدد الالكتروني للسرعه

وهل اقدر الغيه

تحياتي لكم

بالنسبة للصيانة الدورية ..

كلفتني 715 ريال عند 10000آلاف كلم ..

دخلت السيارة قبل الظهر وطلعتها بعد العصر قبل يوم العيد ..

مع العلم بأن سيارتي تشارجر R\T ..

اما الـV6 فهو أرخص وبحدود الـ 500 ريال ..

صيانة الأ5000 مجانية وماحسيت فيها بأي فرق ..

والسيارة ماطلعت إلا اليوم الثاني ..!!

يعني أهم شي الحجز للصيانة ..

والسيارة ماشية 13000 والحمد لله من أحسن مايكووون ..

.
.

السلام عليكم ..

كيفكم شبآآب ..!!

المعذرة على الإنقطاع عن الرابطة لضروف الدراسة ..

لكن متابع معاكم من بعيد :wink2: ..





خوفت الناس بأسعار سيارتك ^_^ ..

لكن ماشاء الله .. الشهادة لله إنهـ مووتر الله يعطيك خيرهـ ..

لكن الأسعار خاصة بنوع الـ SRT-8 الوحش ..



الـR\T 2008 وصل سعرهـ لحدود الـ134 ألف ..

أما 2009 بآآقي مافيه خبر عن الأسعار ..



مــشاء الله تبارك اللهـ..ألف مبرووك ..

أول صيانة عند الـ 5000 مجانية وبشكل عام ..

اسطبات الليد تشيل عليك ضمان الكهرباء وسعرها في حدود 1100 ريال تلقاها في جدهـ ..

والكاميرا مادري تقدر تشبكها على الشاشة ولا لأ ..



أنا سألت عن صبغ التشارجر في محلات مثل PIT-STOP والعربة في الرياض ..

وكانت الأسعار خياالية .. في حدود الـ15 إلى 20 ألف للون العادي ..!!

لكن استغربت لما شفت عرض عند أوتوستار في حدود الـ7 آلاف ..

لكن المتحدة مآآعندي خبر عنهم.. والله يعينك ..

.
.

ارسل لي الرقم انا مستعد ادفع واريح راسي

والله علمي علمك صرت اطلب فيه لي شهرين بس ماحد معبرني
بس اذا تبي مره جبت رقم واحد وقال انه يسويه بس غالي يقول بــ 1350 بس ماني متاكد انا كلمته مره وحده وقال السعر وبعدها مادقيت

مبرووووووووووووووووك اخوي بس عاد لو انتضرت شوي لان بيقلون في نزول ماعليه الف مبروك اهم شي الواحد يريح نفسه وماعليه من الفلوس المهم الصيانه الجايه اكيد على 5000 واتوقع انها حدود 650 او حولها بس المفروض انها مجاني تبع الشركه اما اصطيات الليد مادري والله والكميرا اكيد يركبو فيها بس يارجال ماتحتاجها دام السياره فيها حسسات مالها اي داعي