سوزوكي ساموراي ( معلومات وتعديل واستفسارات وتبادل خبرات )

اخي الخل هل استطيع تركيب الاطارات الصخريه مقاس ٣٣ على دفرنس الساموراي من دون تغيير كرونه الفيتاره ؟؟ ولا راح ينعدم العزم ويتقل بدون تغيرها ؟
واذا كان الجواب بنعم فهل يجب تغيرها بكرونه جديده لفيتاره او اقدر اخد مستعمل من اي تشليح لانه اتوقع سعر الجديد بيكون غالي جدا ولو اخدت مستعمل ماراح اعرف كيف العمر للكرونه المؤخوذه يمكن تكون منتهيه الصلاحيه. ارجو التوضيح وشكرا

كذلك نسيت أذكر لك، الكبوت حقك واطي ممكن يدقر مع المكينة. لكن حلها سهل، ركب كبوت ساموراي موديل 90 وطالع، كبوته أكبر عشان المكينة أكبر.

لا قير الددسن هو نفس القير إللي عندي، وصحيح داير القير مشبوك في القير، لكن تقدر تفصله عادي، موب صحيح إنك ما تقدر. بس يبغاله شوية شغل ميكانيكا. وداخلية داير القير متطابقة ما بين السدرك والـ 200L. بخصوص الطول، أكيد بيطلع أطول من حق السوزوكي، لكن أهم شيء إنه يوصل قبل الدبل عشان يمديك تفصل عمود الواصل بين القير والدبل، مثل هذا:


ويطلع بعد التركيب هكذا، وتلاحظ المساحة ضيقة لكن فيه مجال:


المساحة وحدة، لكن مثل ما قلت لك رح تواجه مشكلة نفق القير، النفق عندك أضيق من عندي لأن قيرك أصغر. بخلاف هذا الشيء، رح يركب إن شاء الله. كذلك رح تواجه مشكلة الخلوص بين الكارتير والدفرنس الأمامي، هذه حلها واحدة من إثنين: يا تفصل كارتير يركب مع الدفرنس الأمامي، يا ترفع السيارة 5 إنش.

الدفرنس نفس إللي عندي. تقصد أن البطيخة جاية على اليمين وليست متوسطة، صح؟

هل هي نفس المساحه عندك بالابرد يالخل ؟


والدفرنس الخلفي عندك مايل زي كذا ؟

بالعكس كانت سهلة جداً ما أخذت منا ولا نصف ساعة.

بس كان واحد صاحبي خاش تحت السيارة ويسحب في مؤخرة القير على تحت بيده، والأمور مشت بكل سهولة.

ماشاءالله تقرير مختصر واكثر من رائع
اسمحلي لدي ملاحظه بسيطه .. واضح بالصوره الي فيها تسقيط المكينه مع القير على الساموراي انه واجهتك الصعوبه بالتركيب .. بس ليش مافكيت الواجهه بالكامل وابعدتها تماما لكي يسهل عليك الشغل بكل راحه ويسر ؟

1. التكلفة حسب ذاكرتي الضعيفة، أرجو أن لا تخونني:


- بعت المكينة القديمة مع جميع أغراضها والمحول بـ -3800 ريال
- بعت القير السابق بـ -300 ريال.
- مكينة السدرك: 3000 ريال مع جميع إكسسواراتها
- قير 200L: قيمته 800 ريال
- داير قير السدرك: 300 ريال
- ذراع الكلتش: 50 ريال
- صدر القير: 150 ريال
- رديتر ألمنيوم كبير من "تريل توف Trail Tough": 1300 ريال مع الشحن للسعودية
- كلتش جديد: 150 ريال
- سلندر كلتش ثانوي (السفلي): 200 ريال تقريباً
- سلندر كلتش أساسي (العلوي): 50 ريال من التشليح
- مروحة FlexiLite: قيمته 1000 ريال مع الشحن تقريباً
- أشياء أخرى إستهلاكية: قول في حدود 300 ريال مع قطع التشليح من هنا وهناك.
- شغل يد ما كلفني شيء، لأني سويتها كلها بيدي في كراج البيت.

2. الفرق مهول جداً، بدون شك القوة كانت أكثر من رائعة. لكن المحرك الذي إشتريته كان قديم جداً مسحوب من سيارة أجرة ومكروف أبو جده. لذلك يبدو أنه بحاجة لتوضيب. حرارته تضرب مع كثر المشي.


3. باستثناء السلبيات والإيجابيات الواضحة مثل القوة المكتسبة والصعوبة في التركيب، أذكر التالي:


- السدرك إللي سلفه يجي على المحرك (مثل حقي) محركاته قديمة جداً وغالباً إذا أحد شرى من هذا الموديل (90 ونازل) المحرك سيكون بحاجة إلى توضيب، بسبب قدمه.
- المحرك الجديد قد يكون بحالة ممتازة، لكن السلف يجي راكب على القير، وبالتالي يكون تركيب القير في نفق القير أصعب بكثير، حيث لازم توسع فتحة القير لتسع السلف.
- شغل وزن المكينة والقير وتضبيت تركيبها يبغالها طولة بال ما يقدرون عليها أصحاب الورش المستعجلين يبغوا يخلصوا السيارة بسرعة عشان يدخل السيارة إللي بعدها. لذلك ما لم يكن إللي يشتغلها رايق وما وراه سيارات كثيرة يلحق عليها، لا تسويها. وهذا الجزء هو أصعب جزء في المشروع.
- كلتش الساموراي سلك، وكلتش السدرك هيدروليك (يستخدم زيت فرامل)، وتحويل كلتش سلك إلى كلتش هيدروليك شغلة من أكثر الصعوبات إللي واجهتها، إلا أنها تكللت بالنجاح والحمد لله.
- هل كان يستحق العناء؟ نعم نعم وألف نعم.

اخي الخل مشكور عالصور بس بما انو الموضوع السابق الي كتبته قد ضاع فياليت لو تكتب باختصار

1_ التكلفه والقطع الي احتجتها واذا كان هناك اي توليف قمت بعمله.

2_ الفرق الي لاحظته لمكينه السدرك.

3_ السلبيات والايجابيات اللتي واجهتك .

هذه صورة مكينة السدرك في السوزوكي حقي:



صورة أول ما تم تركيب المحرك، قبل تركيب الرديتر والليات:


صورة القير من الداخل، قير 200L مع دبل السوزوكي الأصلي، في نفس مكانه بدون تغيير مكانه::


قير 200L قبل التركيب:


مكينة السدرك مع قير 200L وتم تركيبهم باستخدام داير قير السدرك:


أثناء التركيب:


الصورة التالية توضح كيف أنه باستخدام قير 200L فإن المكينة مع القير يركبون بشكل ممتاز جداً دون الحاجة لإلغاء الدبل أو تغيير مكانه:


هذا باختصار شديد، وخسارة الموضوع المتكامل إللي كنت حاطه في تركيب محرك السدرك.

لا تستهون في مكينة السدرك؛ مكينة الـ VG يوصلوها في أمريكا إلى 500 حصان.

^^^

هذي المشكله بمكاين الراس واحد

القوي يكون راس واحد
مثل الـ توجي وال ون جي والار بي

طيب السدرك وش افضل بخاخ ولا كلبليتر + وش القير المناسب بدون الاستغناء عن الدبل
اشوف اغلب اللي يركبون سدرك يركبون قير 200 ال
بس مدري الدبل شغال ولا لا
والدفرنس عندي مايل للجهه اليمين هل هو نفس الموديلات الجديده

يا رجال خل آخر همك الدفرنس لا تشيل هم الدفرنس.

الدفرنس ما يتحمل إذا صرت تقاوم، أما السواقة في الرمل والخطوط ما بيتأثر إن شاء الله. إذا قدرت تركب المكينة خل آخر همك الدفرنس.

على كل ست سلندر راس واحد مستحيل يركب في السوزوكي من غير تعديل في البودي. فكر في مكينة السدرك أو مكينة السوزوكي 1.3.

اي نعم هوا نفسه انا بعته لصديق لي قبل التعديل وهو الي الي عدلها والان عارضها علي للبيع

ما شاء الله هذا إللي كان عندك وبعته؟ ما شاء الله والله وحش، خسارة والله بيعته.

شكرا اخي الخل على طريقت تنزيل الصور والان سارفق صور لفكرت مشروعي بالظبط ولكن الفرق اللذي سيحدث في سيارتي ساختار لون آخر وبعد رؤيتي لهذا الساموراي على الطبيعه قررت بان امتلك مثلها تماما

قبل التعديل












بعد التعديل

هذا كت دفرنس التيوتا للساموراي
http://www.lowrangeoffroad.com/index.php/suzuki/samurai/toyota-axle-swap/front-toyota-axle-conversion-kit.html

اسف على الاطاله ولكن الموضوع مشوق جدا بالنسبه لي علما باني كنت من عشاق الرانجلر وامتلكت اكثر من 8 رانجلرات وتقريبا جربت كل الانواع ولم اكن اعلم نهائيا عن الساموراي في الوجود وكنت دائما اشوفها كسياره صغيره جدا ولكن بعد اطلاعي صدفتا على موضوعك وقرائته عدت مرات احببت هذه السياره وقمت بالقراءه عنها ايضا في المواقع الاجنبيه حيث هناك وجدت بحر من المعلومات وماشاء الله رايتك ايضا مشارك هناك في اكثر من موقع حيث ان احد المواقع المختصه ببيع قطع الساموراي قامو بوضع صوره لسيارتك في نفس موقعهم مع ذكر بعض المعلومات عن الكت وبمجرد رؤيتي لها ادركت انها الأبرد هههه. ومن ذالك الوقت قررت ان اجرب الساموراي وامتلك واحده وقبل سنه تقريبا من بدايتي لقرائت موضوعك باسبوع دخلت على موقع حراج للبحث عن ساموراي كشف وكنت حينها في امريكا هههه و وجدت ساموراي كشف بالصدفه وكانت السياره متواجده بالقصيم والله وارسلت اخوي خصيصا لشرائها والحمدلله توفقت ولكن بعد فتره بعتها بسبب انشغالي للدراسه بعد وقوفها فتره طويله جدا تحت منزلي في جده وفي ذاك الوقت كان عندي اخر رانجلر امتلكته موديل 2006 . فلذالك اهملت الساموراي .والان قررت العوده من جديد والسبب بعد حضوري لعرض لسيارات الدفع الرباعي بامريكا ومشاهدت الابداع اللذي حصل من الساموراي ادركت بانه يجب ان اجربها بنفسي وسامحني على الاطاله مره اخرى

أسهل طريقة لإرفاق الصور ترفعها على موقع photobucket.com وبعدين تحط الرابط الخاص بالمنتديات IMG.

طبعاً البديلات كثير، بس ما فيه شيء فك وركب، لازم ترهم كل شيء. ترهم قواعد السست (أو اليايات) وترهم عمود الكردان، إلخ.