سوزوكي ساموراي ( معلومات وتعديل واستفسارات وتبادل خبرات )

والله سعرها طيب. لقيت عند واحد جنوط فيتارا يبغى فيها 2000 وهي مستخدمة. شكلي باوصي خويي يرسل لي مثل اللي مركبها على موترك. الله يجزاك خير ويعينك تتحمل اسئلتنا

سعرها 400 ريال للجنط، وإللي عندي ألمنيوم. لو أخذت حديد بتصير أرخص. المقاس 15×8

مكانه في حي المرسلات بالقرب من مقر شركة الاتصالات السعودية، طريق الملك عبد العزيز.

بس الشغله كذا بتكون مكلفه اذا أخذنا في الاعتبار الوزن. أحسن لي الآن أجرب جنوط اللاندكروزر وإذا تعقدت السالفه، باوصي واحد يشوف لي جنوط من الرياض مثل ما سويت. لكن كم سعرها تقريبا اللي شريت؟ والسليماني حق الرياض، وين مكانه؟

فيه تبريزات تباع في الإنترنت تغير تباعد البلوط وممكن تغير لك من أربع إلى خمس بلوط أو من خمس إلى ست، لكن ما أظن يسويها أحد عندنا.

إذا كانت التبريزة ممتازة ما تسبب رجة إن شاء الله.

هذه إحدى المواقع إللي تسوي تبريزات مع تحويل:
http://www.motorsport-tech.com/wheel_adapters.html

هل معناه اذا فصلت تبريزة أقدر أغير في تباعد البلوط وأركب عليها جنوط أخرى؟ وتفصيل التبريزات ما ممكن يأدي الى رجه في السيارة بعدين؟

فيه تبريزات تباع في محلات الكفرات والجنوط تركب على أي سيارة، لكنها ما تبرز كثير، وإذا كثرت التبريزات فوق بعض رح يؤدي إلى زيادة كبيرة في الجهد على البلوط وقد تتلفها. فإذا تبغى تبريز كبير مثل بوصة أو زيادة، الأفضل إنك تفصل تبريزة مع بلوطها، وتصير تركب كأنها جنط والجنط يركب عليها، هذه أفضل وأأمن طريقة. أنا مركب تبريزات 1 بوصة على السوزوكي و1.25 بوصة على الفورتشنر لي سنين بدون مشاكل.

هذه التبريزة إللي مركبها:


لكن جرب يمكن تقدر تركبها بدون تبريزة.

جزاك الله خير. لكن التبريزات أحصلها عند محلات الكفرات؟ ولا لها محل خاص؟ ولو ركبتها، ما لها تأثير على السيارة؟

أنا ما جربت لكن مؤكد أن البلوط نفس التباعد. يمكن تحتاج تركب تبريزة أو شيء.

بالنسبة للراحة، فيه حل، ركب سست أطول وطول المساعدات. وقد تكون سستك قديمة ومنتهية.

تركب جنوط اللاند كروزر بدون تعديل؟ الله يسمع منك. ولو أني اتخيل انها بتدقر من ورا. بامر المحلات وأجرب

بالنسبه لراحة الموتر، يا رجل له معاي اسبوع وأحس انه صار عندي احتكاك في فقرات الظهر من المطبات! كنت أعرف انه ما بيكون مريح، لكن ما هو للدرجه هذي. فيه حل؟

يرتفع ضغطي ...


لما يجيني واحد يقول لي بعشر آلاف ... وأنا دافع فيه مبلغ يصل إلى أربع أضعاف هذا الرقم. لهذا صرفت النظر عن بيعه وقررت أن أضبطه حتى أشعر بالرضى عنه وأخليه معي.

بخصوص الجنوط، إذا تبغى مقاس 16 ترى جنوط اللاند كروزر أبو خمس بلوط يركب.

وإذا تبغى 15 تلقى عند السليماني في الرياض. أنا نفس معاناتك، ورحت الرياض ولقيت بغيتي عند السليماني.

السلام عليكم ورحمة الله وبركاته

مريت انا ونسيبي قبل فتره من عند الموتر وقال لي شوف جارك اذا بيبيعه بحول الخمسه اطقطق عليه في البر! ويوم قريت الموضوع وشفت التعديلات اللي سويتها قمت اضحك على كلامه. الله يعطيك العافيه ويبارك لك فيه، والله نفسك طويل ما شاء الله عليك.

عاد انا دوبي شريت جيمني 2008 وودي اسويله شوي تعديلات بسيطه. فريت الدمام كله ادور له جنوط وعجزت احصل. بغيت اركب له جنوط 15 او 16 وتواير عراض شوي، بس ما حصلت اللي يركب عليه. هل فتحات جنوطه هي نفسها في الساموراي؟ اذا كانت الاجابه نعم، اذا من وين اشتريت اللي عندك وبكم؟

وجزاك الله خير

أبشركم تم بيع المحرك وأغراضه والله يبارك للمشتري، وأرجو منه إنه يفيدنا هنا بمستجدات مشروعه.

وإن شاء الله نبدأ في مشروع محرك السدرك.

السلام عليكم ورحمة الله وبركاته

شباب حد يخبرلي بكم سعر كراسي المكينه حقت الساموراي
وهل حد يخبرلي محل تفصل هدرز في الدمام غير العتيبي

شكرا salehhd , الخل الوفي على التفاعل
وجزاكم الله خيرا

هــلا يالخل الوفي صادق ادري قيمة القطع غاليه وبتوصل اكثر من قيمة مكينتك
بس انا ابي المكينه تكون بخاخ وادري ان المكينه اللي معك تبيها كلبليتر ولا بخاخ الثلاجه معك واغراضها معك بــس,,,

اذا قلتــلك المكينه اللي طحت عليها جيده ومامشت الا 30000 الف كيلو وموديلها جديد وكانت تبع سيارات الحكومه وماخذها بسعر طيب انا انتظر بسس تخلص ابي اشوف الاداء مدري هل هو قوي بواجد يعني بحس بالفرق بينه وبين مكينة الساموراي

السلام عليكم
قم بفصل عامود الدبل وجرب قيادة السيارة اذا زالت المشكلة فاحتمال الصليب او عامود الدبل

ودي أخدمك لكن للأسف لا أدري.

شكرا على التفاعل
لم اقم باي تعديل على السيارة سوى امكينة فقط حيث ركبت مكينة داتسون 120 y

مسوي أي ترفيع في السيارة؟