سوزوكي ساموراي ( معلومات وتعديل واستفسارات وتبادل خبرات )

حياك الله أخوي يا هلا بأهل الأردن.

هل غيرت مكان الدبل أم قاعد في نفس مكانه؟

شكرا لتجاوبك اخي الخل الوفي

لكن انا من الاردن

جزاك الله خير

الرجة ممكن تكون نتيجة لاشياء كثيرة وصعب أشخصها في صفحات النت. مر علي نجربها إذا كنت من سكان الشرقية

عزيزي الخل الوفي
السلام عليكم

عندي مشكلة في ان السيارة (ساموراي موديل 85) تهتز عند زيادة السرعة
في ميكانيكي اشار علي بان المشكلة في الوصلة (المصلب) ما بيت اللوقير والقير او ان حاملات اللوقير (3 الكاوتشوك التي تحمل اللوقير) بحاجة الى زيادة في الارتفاع
علما باني مركب على السيارة ماكينه داتسن 120 y
قمت بغيير الوصلة الا ان الوضع على ما هو عليه
فما رايك في هذه المشكلة وما الحل اذا تكرمت

أخوي، بأعطيك أسعار القطع جديدة من أمريكا:
1. التحويلة: 149 دولار
2. الهيدرز: 254 دولار
المصدر: www.lowrangeoffroad.com وهو الموقع إللي شريتها منه.

يعني مجموعهم جداد 1520 ريال، وهذا غير الشحن، وشحنهم يبيلك أقل شيء 700 إلى 800 ريال، يعني بيصفى عليك 2300 ريال تقريباً، لأنهم ثقال. لو حطيت 700 ريال على قيمة المحرك إللي عندك كان أخذت مكينتي مع كل شيء، ووفرت.

للأسف لو بعت هالقطع، بأصير لا أقدر أحرك سيارتي، ولا أقدر أشتغل عليها. لذلك لا أستطيع أبداً أن أبيع القطع لحالها.

بسألك، السيور عندك عريضة، كيف بتركبها على الساموراي؟

وكرسي المكينة جهة الراكب لازم تحويلة عشان تركب المكينة

وبعدين الدينمو وكمبرسر المكيف، هل بتغير البكرات؟

وهل عندك كمبيوتر وظفيرة للبخاخات، أم ستستعمل كربريتر السموراي القديم فيها؟

مكينة السيلفيا قوتها 100 حصان فقط. والتيربو 140 حصان. وعموماً أنا ما أبغى لا بخاخات ولا تيربو، أبغى شيء بسيط وسهل الصيانة وقليل الخرابات.

وبالتوفيق في مشروعك، وأشكرك على الاقتراحات القيمة.

المكينه اعجبتني وشريتها بسعر طيب وهي كامله بجميع قطعها ماتنقصها شي وانا اخوكـ والمكينه شريناها من الرياض وصعبه ارجعها وانت تعرف المشوار كيف
بسس انا حبيت اشتري منك التحويله اللي بين القير والمكينه والهدرز بسس حبيت اشتريها بكم اللاقيها ووين اقدر اطلبها

وانا عندي لك اقتـراح بدال مكينة السيدرك خذ مكينة السلفيا تريبو ولا بخاخ 4سلندر ومايحتاج قصقصه زي السيدرك بس ترهيم كراسي واقوى من السيدرك بكثير وقطعها متوفره في البحرين تقريبا قوتها 200 حصان للبخاخ والتيربو اقوى بكثير

أخوي إذا ما بعد ركبتها تقدر ترجعها.

الصراحة ما أقدر أبيع الأغراض من غير المكينة، لأن قيمة المكينة في أغراضها، أنا ما عندي معرض قطع غيار فما رح أقدر أصرف المكينة لحالها.

بالعكس أداءها رائع، لكن أنا مركب كفرات 33 إنش ومسوي تعديلات مثقلة السيارة حيل. لكن لو السيارة ستاندر، المحرك رح يسوي فيه العجائب. وميزته إنه ما يؤثر على الفحص الدوري. بالنسبة لسيارتي، أصلاً ما لها أمل تنجح في الفحص مع كل التعديلات إللي مسويها. لو تبغى تجي وتجربها وتشوف كيف أداء المحرك، ما عندي مانع.

بأفكها لأني ناوي على محرك سدرك ست سلندر، بأرهمه على السوزوكي.

اخوي الخل الوفي ماقصرت انا قد قريت ابداعاتكـ في الساموراي حقك

المكينــه شريتها العصر معي بسس اذا تقدر تبيع لي بعض القطع اللي معك اذا ممكن

ابيك تعلمني ليه فكيتها هل اداء المكينه ضعيف وهل في فرق بين مكينة الفيتارا البخاخ ومكينة الساموراي يعني في اداء قوي

هلا أخوي حياك الله،

عندي لك الحل.

أنا بأبيع لك مكينتي، مكينة فيتارا مفصلة خصيصاً لتركب على السوزوكي ساموراي، مع تحويلة خاصة عشان تركب على قير الساموراي، مع تحويل من بخاخات لكربريتر. ولو تبغى البخاخات الأصلية مع الثلاجة الأصلية، موجودة، لكن لازم تجيب ظفيرة وكمبيوتر فيتارا إذا كنت تبغى تركبهم. أنظر إعلاني فوق موضوعك مباشرة.

أعطيك كل الأغراض، باستثناء القير بما أن عندك قير، فقط بـ 4000 ريال. وهذه تسقيط مباشر في الساموراي ما تحتاج ترهم ولا شيء. يعني رح توفر في قيمة الترهيم. ولو بغيت تجرب سيارتي مع المكينة المذكورة، حياك الله، أنا أسكن في الدمام وبأرسل لك رقم جوالي على الخاص.

الأغراض تشمل الآتي:
1. محرك إستيراد ياباني نظيف واستخدام بسيط
2. تحويلة أمريكية بين المحرك وقير الساموراي
3. تحويلة نظام البخاخات إلى نظام كربريتر وتركيب كربريتر ويبر رياضي عالي الأداء
4. نظام هدرز دوق ثورلي أصلي
5. رديتر ساموراي أصلي جديد عمر الرديتر سنتين ونصف فقط
6. مروحة رديتر سوبارو تركيب البتار بالدمام مع نظام الكهرباء الكامل الخاص بالمراوح، راحة بال مع مشاكل الحرارة.
7. طرمبة بنزين خارجية يابانية أصلية
8. السيور، كمبرسر المكيف (سليم 100% إستيراد ياباني)، دينمو هايلكس 60 أمبير (بدل ال30 أمبير الأصلي)
9. كلتش هيفي ديوتي جديد أقوى من الكلتش الأصلي بمقدار 30%، وارد أمريكا.

على فكرة، لو حاولت تركب مكينة الفيتارا مباشرة على قير الساموراي، رح تواجهك عدة مشاكل:
1. المكينة ما تطبق تماماً على قير الساموراي، لأن المسامير أماكنها غير متطابقة.
2. السيور لازم تغيرها إلى سيور نحيلة، يعني البكرات لازم كلها تغيرها في المكينة والكمبرسر والدينمو
3. بكرة عمود الكرنك إذا بتركب حقت الساموراي لازم تخرطها قبل لا تركبها، وتحط فيها خمس أخرام، لأن بكرة الساموراي أربع أخرام وبكرة الفيتارا خمس أخرام. ولازم تتم العملية بدقة متناهية، لأن أي خلل في توازن البكرة ستسبب في مشاكل في السير وممكن ينقطع السير كل شوي.
4. لازم تركب سلف فيتارا. قد تظن أن سلف الساموراي يركب وتجربه، لكن لو ركبت سلف الساموراي رح يعدم لك التروس في الحذاف وتضطر تغير ترس الحذاف، وهذا يعني تفك القير وشغلة طويلة عريضة.
5. واحدة من كراسي المكينة في جهة الراكب لا تتطابق مع كرسي المكينة في شاصي الساموراي، ولازم تفصل تحويلة صغيرة.

أنا أكفيك العناء هذا كله إذا شريت مكينتي. وبعد ذلك أي ورشة تسوي عملية نقل المحرك بدون أي مشاكل تذكر.

صورة المحرك، راكبة على الساموراي وعليها ختم سعة المحرك، 1590 سي سي (1.6 لتر)


صورة المحرك قبل تركيبه على الساموراي:


كلتش هيفي ديوتي إللي راكب بين المحرك والقير:


الثروتل بودي والبخاخات الأصلية المفكوكة حقت الفيتارا، في حال أردت ترجعها بخاخات:


ثلاجة محرك الفيتارا الأصلية، في حال أردت ترجعها بخاخاخت:

السلام عليكم ورحمة الله وبركاته

اول شي انا من زمان ادور مواضيع عن الساموراي وتعرف هذي السياره المرغوبه والمميزه في صغرها وحجمها الرائع واحب اشارك معكم في هذا المنتدى الجميل ونستفيد من خبرتكم في الساموراي :c0214:

انا لدي جيب ساموراي موديل 93 اشتريته قبل 8شهور طبعا اشتريتها للرحلات والكشتات وللتطعيس وزي كدا :bigggrin:
قبل اسبوعين خبطت المكينه علي وهذا هو واقف عند الباب خطر في بالي اني ارهمه
وابي ارهمه بتكلفه بسيطه ويكون الدبل موجود قالوا مكينة السيدركـ ينشبك الدبل طبعا انا من الشرقيه ودورت ناس يركبونه بالدبل ولا حصلت قالوا مكينة السلفيا >RS20
وقالوا مكينة الفيتارا 1,6 البخاخ

وانا حطيت في بالي المكينتين ذي اللي هي السلفيا والفيتارا
انا حصلت الفيتارا كامله بالضفيره والكمبيوتر والقطع كامله يعني تقريبا الكبوت كامل :bigggrin:
ب3200 ريال

وتكفون ابي نصايحكم يااخوان صراحه انا تعبت وانا ادور

ابي ورشه زينه في الشرقيه
وابي تعطوني كيف قوة الفيتارا البخاخ
وهل سعر المكينه زين او حد يخبرلي مكينة السلفيا كامله ونظيفه
ونبي نصايحكم يامنتدى

تجديد لإعلان البيع

وين يبيعونها؟ ودي أجرب أركب البخاخات على المكينة الحالية قبل ما أغيرها.

بالنسبه لللكمبيوتر والظفيره يبيعونها كامله وارد اليابان

وكلهم يفضلون ار بي 20 بس يقولون مو حقت ضغط عالي يعني ما تنفع تطعيس

ابي احد يفصل لي سحب لسيارتي مع تفصيل قاعده لسياره اللي بتسحب

وكم واحد بالشرقيه .. تراي دايم اشوفك يالوفي شكلك حولنا :)

مكاين RB مكاين نيسان

منها الأربع سلندر ومنها الست. فيه منها أربع سلندر تيربو، ممتازة للسوزوكي من ناحية الحجم، لكن شخصياً أفضل ست سلندر على أربع تيربو. خصوصاً التيربو يعني لازم كمبيوتر وظفيرة، ما بيصلح كربريتر.

أما الست سلندر منها، ما تركب لأنها طولية موب على شكل V.

باك

السلام عليكم

السزوكي لا زالت ستاندر متردد ما ادري ليش واقنعت نفسي انه اخليها في الصيف

بس حسب ما فريت كل الورش بالشرقيه ما عندهم مشكله وكلهم يقترحون السدرك متعودين عليها طبعا بعد تحويلها لكربريتر

مكينة ال rb وشهي فيه واحد بالقطيف يقولي ركبها

للأسف معرفك لا يقبل الرسائل الخاصة. إسأل هنا، خل الناس تستفيد.

اخوي الخل الوفي يسعدلي مساك بكل خير
ابي مشورتك في بعض الامور يالغالي ومافي احد غيرك انانشالله يقدر يساعدني واتمنى اقدر اكلمك او ترسلي رقمك على الخاص أذا ماعليك امر

يوجد خطأ، أقصد 96 وليس 2006، فأرجو الانتباه.

كل الشكر والتقدير لك أخي ( الخل الوافي ) على هذه المعلومات القيمة
وجزاك الله خير ورزقك من واسع فضله