سوزوكي ساموراي ( معلومات وتعديل واستفسارات وتبادل خبرات )

حياك الله اخوي

مثل ما ذكر اخوي الخل الوفي قير السدرك يركب بس طويل يعني لازم تلغي الدبل

هنا احنا نتكلم عن قير الساموراي مو عشان سواد عيونه لا عشانه صغير واغلب القيور ما تركب الا بقصفصة

او اذا تبغى تغير القير ركب قير 200L ومكينة سدرك وتوكل على الله وفجر على راحتك والدبل حيكون شغال

وهذي صورة قير 200L شوف القير صغير



وطبعا لازم تقص كرسي قير الساموراي وتركب الكرسي هذا عشان القير الجديد



وهذي الداخليه لازم تغير مكان عصا القير ترجعها ورى





تحياتي ,

قير السدرك طويل، يبيلك قير الـ 200L

هههه وش جاب طاري الفرنجه فووق همي الترفيع اقصر يبيلها مخرطه تطبق القير على المكينه وتكون احترافيه وهذا الي مخرني الى بعد العيد لاني اعرف راعي مخرطه مااعليه كلاام شغله ميه ميه بس راايح للحج وبنتظره الين يرجع

وطرت على بالي فكره وانا في الورشه وهي

طيب لو ركبتها مكينة السدرك وقيرهاا وش المشكله وين يعني بالضبط

بواجه مشاكل يضر الدبل ولا الدفرنس و اذا على البدي عاادي لو اعد ل فيه


قلت بدال منتظر راعي المخرطه الين يرجع اسوي هذا الفكره واذا ماظبطه نرجع على فكرتنا الساابقه

أبي رايكم وملاحظاتكم قبل مبدا بهذي الفكره

اشكركم على الرد
الخل الوفي صراحه موضوعك صار مرجع من جد لكل الشباب افضل شي تغير عنوانه الى رابطة اصحاب الساموراي

انا نفس الشي اخوي بجرب اركب على قير السوزوكي مكينة السدرك يبيله خرط فرنجة وشغله بسيطه ونشاء الله بكره نبدا معكم


اخوي الخل لاتنساا تغير العنوان الى رابطه عشاان ننزل كل تجاربنا هنا افضل من أن كل واحد ينزل موضووع مستقل

ورااااي لك اخوي

أتمنى أشوف التحويلة إللي مسويها أو أعرف كيف ولف المكينة على القير. لو نجح، فهذا شيء رائع جداً لأصحاب الساموراي.

اخوي الخل الوفي واحد من الشباب شغال الحين على مكينة سدرك بيركبها على نفس قير الساموراي لأن المكنيكي قله يتحمل وعلى ظمانتي وهو جالس يشتغل عليها الحين

انا قلت له امكن ما يتحمل قال بجرب .





انا انتظر سيارته تخرج من الورشه وبجربها بنفسي مكينة السدرك مع قير الساموراي

اذا شفتها ممتازه بركب مكينة سدرك في سيارتي



تمنياتي لكم بالتوفيق

يا هلا بك أخوي. شكله الموضوع هذا صار رابطة أصحاب الساموراي من غير قصد. وهذا شيء جيد.

مكينة السدرك ما تركب على قير الساموراي. قير الساموراي قوي جداً، لكن ما أظن أحد جربه على مكينة بقوة مكينة السدرك.

عادة مكينة السدرك يتم تركيبها مع قير 200L إللي هو قصير. حسب ما سمعت من واحد مركبها، ما يحتاج تغير الدبل ولا تغير مكانه، إذا استخدمت قير 200L.

الترفيع، أحسن شيء تركب سست أولد مان إميو الأسترالية، إذا ما تبغى ترفيع فاحش. هذه ترفع لك 2.5 إنش بدون الحاجة لتغييرات كبيرة. لكن سعره مو رخيص.

أو ممكن تركب سست رانجلر القديم، لكن لازم تغير اللعابات، لأن سست الرانجلر أعرض من سست الساموراي.

السلام عليكم ورحمة الله وبركاته

اعجبني الموضووع جدا جدا ونضمية الى هذا المنتدى

صراحه قريته من اول صفحه لاني من عشااق الساموراي

وكنت ابحث عن انااس لهم خبره لكي استفيد منهم

وصراحه انا بادي اركب مكينة سدرك على ساموراي عندي موديل 94 لي يومين من بديت في تجميع القطع ونشاء الله ابدا فيه لاربعااء القاادم طبعا" عند ورشه بس متفق معه اكون مشاارك وفعاال في الشغل لكتسااب الخبره

بس عندي سؤال ياا اخواان هل قير السزوكي يتحمل مكينة السدرك

ولا اجبااري اغيرة لاني مابي انزل الدبل ابد ابيه شغاال

ولا ابي اغير القير لانه نضيف مره

ونشاء الله اواافيكم بالشغل اول باول في موضووع كاامل وراح اغير الوون انشاء الله هل احطه ازرق او اسود او تشوروون على بلوون لونه ابيض الحين
ولا اخليه ابيض لؤلؤي اناا صراحه براسي الؤلؤي

وحااب ارفعه مو مثل اخوااني الي مشتركين مع اخوي الخل الوفي لا ابي ارفعه رفعه بصيطه بحيث ماحتاج الى تغيرات كثيره من مزودات الرفع يعني كم اقدر أرفعه بنفس محركاته الي فيه مازود فيها او عليها شي


وفي الختام احب اشكر اخووي الخل الوفي الي بفضل الله ثم بفضله اجتمعناا بهالمنتدى

وشكرا

ملاحظه انا من الباارح قااري الموضووع من اول صفحه الي اخرها

ولا حصلت اجابه عن سؤالي أو ممكن مريت عليها ولا انتبهت لهاا لاتقولي اقراا في الموضوع وتحصل اجاابه

ههههههههههههههه زي حق الجنووب نسيت اسمه

لكل شيء بداية، فلتكن هذه بدايتك. إفتح حساب في أرامكس (130 ريال فقط، مرة واحدة في العمر) واطلب إللي تبغاه.

لا اخوي السيارة شد بلد مو مرفعه

الله يعطيك العافية اخوي الخل الوفي

بس انا ماعندي حساب ارامكس وماقيدني طلبت من الخارج

هل في محلات او اشخاص يمكن يطلبها

وشكرا

هل أنت مرفع سيارتك أم لا؟

الفرارات حقت باترول ولاند كروزر لا يمكن تركب على الساموراي، لأن عدد السنون في العكوس تختلف. الساموراي فيه 26 سنة، أما الباترول أتوقع 30 سنة.

أنا طلبت الزوج من أمريكا بـ 180 دولار من غير الشحن.
http://www.lowrangeoffroad.com/index.php/suzuki/samurai/axles/warn-hubs.html

فيه نوع ثاني أرخص بـ 119 دولار، لكن لما طلبته قالوا لي غير متوفر حالياً، لكن أنت وحظك:
http://www.lowrangeoffroad.com/index.php/suzuki/samurai/axles/mile-marker-manual-locking-hubs.html

[COLOR=Navy]اخوي الخل الوفي ياليت تساعدني امدك الله بالصحة والعافية

عندي رجه على سرعة 80 وعند فك عامود الدبل الامامي راحت الرجه
وحاب اركب فرارات ورحت للشركه وحصلت عندهم حبه واحد فقط بقيمة 590 ريال
ورحت للسليماني بشارع التحلية وحصلت عنده انواع كثيرة منها للباترول والشاص وسيارات ثانية وبسعر الزوج 500 ريال لكن ما حصلت شي للساموراي :confused1:

الحين بكم اشتريت الفرارات اللي عندك ؟

وهل اقدر اركب فرار واحد ولا لازم الاثنين ؟

وهل اقدر اركب فرار حق اي سيارة ثانية يكون نفس المقاس ؟


انتظر ردك
وشكرا
[/COLOR]

أها يسمونها كليبر. ممكن تركب كليبر فيتارا، يركب مباشرة وأكبر من كليبر الساموراي.

قصدي كان كليبر Brake Caliper

شكرا الخل الوفي

والله ما أدري وش قصدك بمخ البريك، لكن إن كان قصدك البكمة (الفاكيوم) فنعم ممكن استبداله. وأنا مركب عندي بكمة تويوتا. لو تروح لمحلات البريكات يسوونها لك وعندهم قطع غيار مستعملة.

ما الحل اذا تكرمت
- زيت البريك لا يوصل الى الجزء الخلفي
- هل يمكن استبدال مخ البريك الامامي بنوع اخر (نوع يركب على سيارة اخرى)

الحمد لله أن المشكلة انحلت. أول مرة صارت لي فكيت الدبل وفتحته وسويت شغل طويل عريض على الفاضي.

الحمد لله انحلت مشكلتي
وما طاوعت الميكانيكي بفك الدبل وطلعت بس الربل اللي تحت عصا القير وسعرها 26 ريال بالوكاله

عندي اقتراح


انا اشوف اها السزوكي تجمعو بسبب مشروعك اخوي وش رايك تفتح لنا رابطه بالمنتدى لكل جيوب السزوكي لتعم الساموراي والجميني والفيتارا

وشكرا