سوزوكي ساموراي ( معلومات وتعديل واستفسارات وتبادل خبرات )

للأسف ما أعرف.

وينكم يارجال

رديتر الددسن قد يكفي، لا أدري. المروحة والرديتر حالياً شغال عليهم فليست لدي إجابة شافية بعد. لكن قريباً إن شاء الله.

قير 200L:


داير قير السدرك (الهاوسنج):


قير 200L مع داير قير السدرك:


وبعد تركيبها على المكينة:


إن شاء الله وضحت.

يعطيك العافيه

وفي الانتظار

كذا يعني الشغله سهله
انشاء الله

بسالك عن مروحة المكينه كيف
والمراوح الاخر معرووفه تركب كهرب
والرديتر لوركبت رديتر ددسن
هل يكون مناسب

أخوي أحمد، قير 200L ما يركب مباشرة على مكينة السدرك، لازم تفك داير القير (البيل هاوسنج) حق الـ 200L من القير (الجزء الأمامي) وتركب مكانه حق السدرك. يركبون على بعض مباشرة من تلك النقطة.

بأرفع لها صور الليلة هنا إن شاء الله.

الدبل وعمود الكردان وعمود الدبل كلهم ما يحتاجون تغيير ولا يحتاج تغير مكان الدبل. الدفرنسات حقت السوزوكي قوية، رح تتحمل بدون مشاكل، وأعرف في أمريكا ناس مركبين مكينة شفر V6 بسعة 4.3 لتر على الدفرنسات الأصلية حقت السوزوكي بدون مشاكل. أهم شيء لا تستخدمها للمقاومات، لأن المقاومات ممكن تعدمها لك.

بخصوص المكينة، فيه ملاحظتين:
1. إذا كانت سيارتك مو مرفعة، الكارتير رح يدقر في الدفرنس الأمامي. حلها إما إنك ترفع السيارة مثلي، أو إنك تغير الكارتير وتفصل واحد مقاسه مناسب، أو تقصه وتعدله عشان لا يدقر في الدفرنس.
2. حاول تاخذ مكينة سدرك موديل قديم، يعني 89 ونازل، لأن هذا يركب أسهل بكثير من الموديل الجديد 90 وطالع، لعدة أسباب: أولاً، بكراته تجي رفيعة من نوع V-belt وليست عريضة من نوع Surpentine belt. ثانياً، السلف يركب على وجه القير يعني بجوار المحرك، وليس على داير القير كما في الموديل الجديد. وهذا ميزة لأن نفق القير في السوزوكي ضيق، فإذا أخذت الموديل الجديد رح تضطر تقص نفق القير من جهة الراكب عشان يتسع للسلف. أما الموديل القديم تقدر تركبه بدون أي قص في نفق القير.

صباااح الخير اخوووي الخل الوفي

يعطيك العافيه على سرعة
الاستجابة والاجابة

انا راح اركب مكينة سدرك على افاده بكلامك
بس ملاحظتك قووية بدل قير السدرك بقير 200L
والترهيم لازم منه .....
وراح اشبك الدبل

بس باقي ملاحظه....
قالولي لازم تغير الكارونه لسببين
الاول الكارونه على جنب المفروض بالوسط ((انا اشووفه غير مقنع))
الثاني قوة العزم بين فتره راح تكسر صليبات العاموود ((هذا اقنعني ))

فالي فهمته منك اخووي تركيب مكينة سدرك وقير 200L
مع ترهيم للعاموود والكراسي...
ما احتاج تغيير شي اخر....
لان الميكانيكي بقوول غير كذا وكذا

أخوي، أنا مركب مكينة سدرك. السؤال هو هل ناوي تركب لها دبل، أم تبغاها تبقى بدون دبل؟

لو بتخليها بدون دبل، ركب مكينة وقير سدرك كاملة، بتصير عملية سهلة جداً.

لو تبغاها مع الدبل، لازم تركب قير قصير، والحل الوحيد إنك تركب قير 200L لأنه قصير ويركب مع دبل السوزوكي لكن لازم ترهم عمود شافت يوصل بينهم.

بخصوص مكينة السيلفيا، فتركيبها أصعب من تركيب مكينة السدرك لأن المكينة أطول من مكينة السدرك. يلزم ترجع الدبل معها. أما مكينة السدرك ممكن تركبها بدون ما ترجع الدبل، وبيصير ضيق جداً.

أنا ما قصيت قواعد كراسي المكينة الأصلية، بل فصلت محول وركبت مكينة السدرك على قواعد السوزوكي والحمد لله راكبة تمام بدون مشاكل.

الرديتر لازم تغيره، وتركب رديتر كبير. أنا حاولت أركب رديتر أكبر من حق السوزوكي وألمنيوم، لكن ما كان كافي لمكينة السدرك. والآن بصدد تركيب رديتر لاند كروزر شاص 2007، وهذا بإذن الله رح يكفي المكينة، وإن كان لازم أسوي بعض التعديلات. بألغي مساعد الدركسيون وأركب علبة دركسيون (دودة دركسيون كما تسمى محلياً) حقت سوزوكي جمني، وأخليها دركسيون هيدروليك.

السلام عليكم ورحمة الله وبركاته

كنت افكر امتلك هالسياره جيب ساموراي سوزوكي
وبعد معاناه طويلة امتلكت السياره
لكن معي استفسارات بسيطه ارجوو ان تفيدوني
السياره موديل1989 من دون دبل والمكينه نص عمر
؟؟؟؟؟
شاهدت اكثر السيارات يركبون مكينة سدرك مع قير سدرك
فما هي الاقطع التي تحتاج الى تبديل غير المكينه والقير

ارجووو منكم افادتي....

ياشباب ياليت الي يخبر معلم كربريترات في المدينه المنوره او ينبع يافدني بسرع وقت

وشكرن

والله ما أنصحك. طريقتك أعقد بكثير، وإذا ما سواها بشكل صحيح ممكن يصير الكلتش ثقيل بزيادة وقد يؤدي لقطع السلك (السيم). غير أن كلتش الهيدروليك عملي أكثر من كلتش السلك ويعيش أطول.

طريقتي الثانيه أني أحول القير نفسه حق سيم
في واحد خبير قيور قالي يقدر يسويها يسوي ادبتره داخل القير
باجر بنزل القير ووديه المخرطه واصور كلشي ان شاء الله

ما أدري وش فكرتك الثانية، لكني قبل هذه الطريقة حاولت طريقة ثانية وفشلت، وهي إني أوصلهم بمسمار كما في الصورة التالية:


هذه الطريقة لا تنجح لأن سلندر الكلتش قوي، وبدال الكلتش رح يلتوي بدون ما يضغط عمود السلندر.

وصلت الفكره ياشيخ مشكوور وما قصرت :bigggrin:
وان شاء الله بحاول اسويها اليوم أو عندي فكره ثانيه ان ظبطت راح انزل الطريقه

نسيت أن أذكر نقطة، وهي أنك لابد من تغيير مكان علبة الفيوزات، تعلقها في مكان آخر، لأن الآن مكانها سيكون عمود سلندر الكلتش العلوي.

ابداع يا اخي الخل ماشاء الله عليك ... :xyxthumbs:

القطع موجودة حقت المكينة لكن قليلة أنت وحظك. لكن عموماً القطع موجودة من النت لو احتجت. غالباً ما تحتاج تغير عمود كام أو كرنك أبداً، خصوصاً عمود الكرنك تخرطه ما تغيره. ممكن تحتاج تغيره فقط في حالة إن صاحب المكينة مشاها بدون زيت.

أما بخصوص قطع التوضيب فأنا جبت طقم توضيب كامل من إلى، طلبته من إي باي، سعره 270 دولار فقط فيه كل شيء أحتاجه.



من نفس المكان المعتاد:
http://www.lowrangeoffroad.com/index.php/suzuki/samurai/exterior-body-upgrades/external-hood-latches.html



مقاس الساموراي مرة صعب، يالله لقيت جنط يركب، من السليماني من الرياض، ولقيت ألمنيوم فقط. وكنت أبغى حديد ولا لقيت.



هذه رسالة جاتني على الخاص وحبيت أشارك بالرد مع الجميع لتعم الفائدة:

كلتش السوزوكي يعمل عن طريق سلك، وأغلب الكلتشات تستخدم نظام هيدروليك مثل الفرامل لتفعيل الكلتش. ولتغييرهم لابد من عمل تعديل على بدال الكلتش. وهذه هي الطريقة:

أولا، قمت بشراء بدال كلتش إضافي من التشليح مع الذراع القصير الذي يربط عليه سلك الكلتش، وهكذا شكله:


للاسف فاتني تصوير الذراع القصير الذي يركب عليه سلك الكلتش
ثم قمت بقص طرفه المسنن بطول 7.5 سم، ثم قمت بتلحيمه على البدال الأصلي من الجهة المعاكسة، حتى صار بهذا الشكل:



ثم قمت بتركيب الذراع القصير في الجهة المعاكسة، بحيث يكون هناك ذراع في كل جهة، في الجهة المعتادة اليمنى وكذلك في الجهة الجديدة اليسرى، بحيث يكون الذراع للأسفل، فيظهر بالشكل التالي بعد التركيب وتوصيله بسلندر الكلتش:



فيظهر بهذا الشكل من داخل الكبوت:


ويلاحظ أعلاه أني فصلت صندوق حديدي صغير والهدف هو تبريز السلندر للخارج حتى يكون بمسافة مناسبة عن بدال الكلتش. كذلك لاحظ الصواميل المستخدمة لزيادة المسافة، هذه قمت بإلغائها لكن لم أصورها بعد الإلغاء، لأن المسافة مناسبة بدونها.

ثم قمت بشراء ماصورة فرامل من التشليح:


ثم قمت بشراء سلندر الكلتش السفلي إللي يركب على القير، وقمت بشراء لي فرامل حق تويوتا كامري لأنه طويل، وقمت بشراء مسمار ربط لي فرامل من التشليح وممكن تشتري من أي سيارة يابانية:


ثم قمت بتركيب كل شيء ونجح الأمر تماماً والحمل لله:

قمت بتثبيت منتصف لي الفرامل بواسطة مسمار في أسفل جسم السيارة:


وهكذا:


http://www.youtube.com/watch?v=f0yVF27nihg&feature=player_embedded

أرجو الانتباه، أنك كل ما رفعت مستوى سندر الكلتش العلوي (عند البدال) كل ما صار ضغطة الكلتش أسهل، وكل ما نزلتها كانت ضغطة الكلتش أثقل. لذا حاول أن تجعل ارتفاعه مناسب بحيث لا يكون خفيف بزيادة ولا ثقيل بزيادة.

أنا عندي صاير شوي ثقيل، ولو استقبل من أمري ما استدبرت لرفعته قليلاً. أنا طولت الذراع الذي يضغط سلندر الكلتش 4 سم، فلو تخليه 3 سم أتوقع سيكون مناسب جداً.

السلام عليكم .. اهنيك عزيزي ابو رنه عالموضوع المشوق لي اربعه ايام اقراه ولا خلصت ههههه :confused1:
اود اسالك بخصوص الجنوط ماذا تنصح للساموراي حديد او المنيوم ؟
الحديد وزنها اكيد بيكون الضعف يعني جدا ثقيله و المكينه الشد بلد يالله تمشي فياليت تفيدني جزاك الله خير وين اقدر احصل الجنوط لانه تبين لي في احد مشاركاتك انك كنت تبحث عن حديد وماحصلت. فأكيد انك فضلت الحديد واعتقد لصلابته وقوتها للتحمل !! هل لها مضره للعزم او الدفرنس
؟

كذلك تم شراء ماسكات للكبوت لتصير مثل كبوت الرانجلر:



اخي الخل ياليت لو تعطيني الرابط الي شريت منه الماسكات للكبوت

مشكله الدريتر

خصوصا الدوده هي الي مسويه قلق بالموضوع
انا اضظريت اني اركب رديتر رصه وحده واضفت مروحه كهرب خارجيه غير مروحه المكينه
امس ركبت ساعه خارجيه للحراره لكن ما استعملت السياره
خليتها تشتغل ربع ساعه والحراره في الربع تقريبا لكن بجربها ع خطوط طويله

ابو رنا
في راسي اشتري سزوكي ثاني حصلته بسعر مناسب
وعليه مكينه سدرك وقير لكن اتوقع المكينه قربت تودع لأن راعيها
يقول لما ادوس البنزين اخر شي يطلع دخان ازرق
وانا ناويه للتزويد من ناحية القوه

هل جربت تفصل هدرز غير حق الوكاله بمقاسات مناسبه وحصلت على قوه اكثر ؟
+ فيه قطع لمكينة السدرك يعني كام شفت وغيرها من الاجزاء الداخليه الي ممكن تفيدني بالعزم !