مشكلة في يوكن يتفتف ويطفي مالسبب لخبراء الجمسات ؟؟؟؟؟؟؟؟؟؟؟؟؟؟؟؟؟؟؟

الله يعين

جااا الصيف وكثرت مشاكل السيارات

قرمبع الجمووووووووووووس الجديده


مروحه



احسن جمس


78 و 79
وبس..............؟

يرررررررفع

المشكلة لا زالت

ياشباب السيارة اليوم سافر عليها 200 كيلو يقول طفت عليه 5 مرات

يقول ماشي 160 وفجأة يقل عزم السيارة وتبدا تهدي حتى تقف وإذا

وقفت أحياناً تطفي من حالها !!!!

وأحياناً تبقى شغالة بس أذا دعست بنزين لا تقبل الدعسة يعني

مايزيد صوت المكينة وإذا رفع رجله عن الدعسة كنها تقبل شئ بسيط

يقول أطفي السوتش وأطلع المفتاح وأرجع أشغل تشتغل عااااادي

وإذا مشى 6 أو 8 كيلو ترجع تطفي وتسوي نفس الكلام مرة ثانية وهكذا 5 مرات طوال الخط

نرجوا المساعدة في حل هذه المشكلة من الخبراء والي قد صار لهم نفس المشكلة

بهذه الفتره لربما تبرد مضخة البنزين بعد ان كانت ساخنه حيث لم تعمل .

او انه يلزم اجراء اعادة برمجه للسياره .

والله اعلم .

ننتظر البقية

أنا أريد أن أعرف ماسبب أنطفاء السيارة وبعد فصل الأصبع وإعادته تشتغل ؟؟

عدادات الطبلون تصلح كل عداد ب200ريال عند ورشة القرعاوي

الشكر لمن شارك معنا برأيه وننتظر مزيد من الخبرات والتجارب

تقريبا المشكلة بنزين
طرمبة صار لها سدد فجاءة او الصفاية معبية وسخ
يكون مثلا وسخ بالتانكي الافضل مايغير يتاكد لان الطرمبة اذا خربت مافيها تصليح
واذا كانت ضعيفة اثنا اللفة تطفي السيارة او تتفتف
وطبعا هي والخانق تعمل نفس المشكلة

اقترح علية يفك الصفاية ويشوف اذا فيها وسخ يبين وتغييرها ضروري للحفاظ على السيارة
اذا فك الصفاية يبين معه مدى نظافة التانكي
اما الطبلون اذا فصلت البطارية على طول يلف الى اخر الطبلون واحيانا مايرجع
الااذا فصلت البطارية وشبكتها ثاني يرجع
اما قيمته يجي كامل بالف ريال
لو تخرب اي ساعة فيه تغيرة كامل

لاستعادة الضبط بالسيارة
افصل البطارية
اصبع
وابقى داعس علىدواسة البنزين لاخر شي مع فتح الاسوتش للاخر
لمدة 20 ثانية ثم اشبك البطارية وشغل
بعد اقفال الاسوتش وترك دواسة البنزين

العداد مشكلته بسيطه يصلح في بعض الورش لكن طفية الموتر لايتعدى مشكلتين فقط اسأل مجّرب
انا استعملت جرّبت اليوكنات ومازال معي واحد بالنسبه لتفتفه والطفيه اما الصفايه متسكّره وخله يبدافيها توجد بالشاصي تحت مكان السائق لأنها إذا انسدت تضغط على الطرمبه وتتلفها قيمتها 40 ريال وشغل الورشه لاتتعدى 30 ريال ..لكن الأحتمال الأكثر انها طرمبة البنزين إذا قام يطفي اكثر من 4مرات بعد تبديله لصّفايه خله يغير الطرمبه بدون تردد لكن احسن شي يبدا بالأقل تكلفه لربما تكون هي المشكله ..انا صار معي كذا يطفي بدون سابق انذار لأن السيارات هذي ماتقبل حل وسط إذا المكينه ماوصلها بنزين كافي على طول تطفي وعندمايعاود الأشتغال يتفتف اشوي ثم يصفي لو يعيي يشتغل يطق تانكي البنزين من اسفل اثنا دقة السلف لأن الطرمبه تكون مدقره لكن إذا تكررت المشكله يبدل الطرمبه والله يعينه على 1200ريال مع التركيب

مشكور أخوي فني السيارات على ردك المفيد ولا زلت أطمح لمزيد من التجارب والآراء

لاشك ان هناك خلل كهربي ولكن كيف وماذا هو الخلل يصعب معرفته بهذه الطريقة
ربما هناك التماس او اسلاك مجروحة تحتك بجسم السيارة فقط عند المشي بفترات طويله
ربما بستوجب عليه فحص الاسلاك بنظر اليها من ناحية دينمو الشاحن الى اصابع البطارية
و الشد على الاصابع ان احتاج الامر الى ذلك

ننتظر البقية

ننتظر البقية

هلا بك اخوي ماجلان دكتور الجمسات بدون قصور في الباقين

وش رايك في الي يقولون عنده التماس في أحد الأسلاك !!!!

1- قله يغير طرمبة البنزين بس قبل مايفكها يتأكد هل ضغطها ممتاز وإلا لا ..
إذا كان ضغطها قوي خله ينظف البخاخات ومنظم الهواء ويترك الطرمبة ويجرب..

2- العداد يصلحه ويغير دينمو العداد ، فيه محل بصناعية الشفا بالرياض يغيره بـ250 ريال ويزبط