السلام عليكم
الحمدلله اشتريت فورد 500 حلوة الحمدلله وسواقتها ممتازة لكن طبعا مثلها مثل باقي سيارات الفورد اذا فرملت بقووة تحذف معك السيارة
المهم
السيارة حلوة وزينة ومبين انها بتصير مريحة لكن لاني داج بالالكترونيات والتطور ابي استفسر
1 \ ازعج امي جرس حزام الامان يرن شوي بعدين يسكت وبعدين يرن مره ثانية ،، الحمدلله انا اربط الحزام لكن المشكلة اذا ركب واحد جنبي لازم بعد هو يربط الحزام ،، ماعندكم حل لهالموضوع
2 \ يطلعلي بالشاشة اللي بالطبلون بان الزيت 100% والان صار يقول الزيت 98% وش السالفة يالربع يعني اعبي زيت مره ثانية ؟
3 \ يقولون ان الفورد تجيني من الوكالة جاااهزة ما يحتاج تمشي بشويش عليها اول 1000 كيلو ،، قال لي راعي الوكالة لو اول 100 كيلو تفحط فيها مافيه مشكلة هي طالعة جاهزة ،، هالكلام صحيح ولا لا
4 \ موجود بالقير تحت ال D موجود حرف L ،،، وش سالفة امه هال L
5 \ مكيف السيارة باااارد بس فيه مشكلة ،،، احس فيه شوي هوا بارد يطلع من عند الرجلين من تحت ،،، تصدقون ما اوصل للدوام الا ورجولي ترتجف من البرد ،، انا ما ابيه يطلع هوا من تحت ( يطلع هوا بسيط بس بارد )
6 \ الرادو لما احط على ال FM احيانا يشوش بشويش واحيانا تفصل القناة وما يرجع الصوت الا اذا غيرت المحطة ورجعتها ،،، واحد يقول يمكن من الغبار اللي بالجو ،، وش رايكم انتم
7 \ السيارة اظاهر مافيها جرس سرعة ،، امشي عليها 130 وما يطلع الجرس ،، اظاهر نسوا يحطون لي الجرس
ياليت تجاوبوني على الاسئلة
السيارة حلوووة وتستاهل سعرها الحمدلله
