زيادة السرعة ؟ تعال وعطنا رأيك

مع اني في السفر غالباً مااعدي ال 126 حفاظاً على السيارة الا اني اؤيد ال140

هههههههههههههه

الله يخلي لك ابوك

ليش ملتبغى تقول السيارة القديمة؟؟

والله مرررة قليل 140 او 160 تخيل وراك 1500 كيلو والله يجيك صداع فالخط لكن انا اشوف اذا خط طويل والله امشي 200 وعليها اذا السيارة جديدة واذا مكة جدة 160 طيبه مع ان السرعه ماهي طيبه لكنها تخليك مصحصح

والله يا غالي خمس سنين خط القصيم المدينه مانزلت عن 160 والنتيجه بعد اول سنتين سددت قسايم

بحدود 3500 والحين علي قسايم 3750 ريال من 26 مخالفه . من جد من يمشي 120 في الطرق

السريعه.

أشوفها من 140-160 منطقيه.

يعني انا من سكان المدينه

المدينه الرياض 800كم
المدينه مكه 400كم
المدينه جده 370 كم
المدينه ينبع 230 كم
المدينه تبوك 700 كم
المدينه القصيم 500 كم

بالعربي ديرتنا قاره .

أنا أشوف بس خط الطائف - الرياض يستحق زيادة السرعه الى 150 و الشرقيه - الرياض 140 ..

الحين يضايقه صدوركم علشان زيادة 20 كلم\س !!! << اقصد الي يبون يسوقون 140 :)
بالنسبة لي ماتكفيني 140 ,المفروض اكثر يعني كحد اقصى يجب ان يكون 160 لصوالين وللسيارات الرياضية و السيدان 180 بشرط تكون في حالة ممتازة ولا " ينصقع " بأحلى مخالفه
قد يكون قرار متهور لكن صدقوني السعوديين مايعرفون يسوقون الا بهذي السرعه , و بعد تراهم محترفين
طبعاً انا اقصد طرق السفر نظراً لوسعها

داخل المدن بالفعل افضل سرعه 120 لأن متب بتمسك خط 300 كيلوا :)


شوي بطلع برى الموضوع
عندي نقطة مهمه
بعض الاحيان لازم تجاري سرعة الشارع يعني الي حولك يمشون 140 وانت تمشي مية كذا تسبب
1- نرفزة للمسرعين ويمكن لاقدر الله تخليه يسوي حادث
2- يربكك وتعصب << مو مثلي يعني :)

علشان كذا يفضل ان تكون قريب من سرعتهم لأن يسهل عليك السواقة << وجهة نظر

اذا شفتوا واحد معه لكزس ومسرع وراك وماشي 260 .. صفقوله تراه مو انا :)

شباب انا واحد من عماني الله يرحمه كان والله اعلم ماشي 120 فجأة طلعت قدامه بعارين فاتعرفون الكامري زوغتها مو صاحية فاطال عمركم لف عنها وزاغت عليه السيارة وهو ضاغط فرامل وخش بعمود كهرب وهو بسرعة 80 والله يرحمه .
السرعه مهي زينه تخيل لونه انت في ذا الموقف

احنا لو شوارعنا عدلة

حتى 200 ما تضر هههه

اتوقع 140 مناسبة في السعودية

لكن بلدنا 120 اتوقع كفاية

انا مستحيل اسوق اقل من 120 اموت ولا اعرف اسوق اقل من كذا

والله بسيارة ولد خالي لومينا ماسك خط الرياض الدمام من 180 الى 200 تحس انك مسافر

ومع واحد من الشباب معاه مازدا مايتعدى 120 تطلع روحي ماوصلت

الاخوة الاعزاء انا غي الخط الطويل لااتعدي (140)باي حال من الاحوال
وقد قالو (الفرق بين المستعجل واللي علي مهلة فك حملة ) اذا مرك واحد بسرعة (180)
مايوقف عند محطة البنزين الا وانت واصلة !!! صح ولا انا غلطان ,,,,,

بصراحة انا ما اقدر امشي لا 12 ولا 140 ولا 160

لاني ادرس في جامعة بالرياض وانا بالشرقية واروح اسبوعياً

اذا مشيت 160 اتأخر (جربت) فأنا امشي من 200 فما فوق

انا اؤيد 140-160
لان 120 ما تؤدي الغرض بالمرة

ياجماعة الخير احنا وش دخلنا بالغرب
انا اقول كحد اقصى 140 كم لعدة أسباب
1\الغشمان واجد عندنا ماسك سيد اليسار وماشي فيه 60 بالله الاوادم هذي وش بتسويلها
وهم اغلبهم من اصحاب الونيتات والشياب والسيارات القديمه القرمبع عموما
2\الشوارع زي الزفت حفر لفات حتى الطرق السريعه مافيها امن والله العظيم شوفت عيني في طريق ينبع السريع ان الجمال جمب الخط الاصفرالايمن وتقولولي سرعة 180 والطريق آمن من الجمال وهذا وهو مشبك وطريق جديد

4\الحراره ياناس عندنا قيظ نار كبره وتقارنونا بالمانيا اللي مابينها وبين القطب الشمالي شي

5\ أغلب القطع الغيار ماهي اصليه وماهي نفس جودة الاصلي ومافي ورش زي الاوادم تصلح

وهذا غير اننا شعب ماعمره شيك على السياره الين تخرب

180 اقصى سرعة ..

لأن السيارات تطوورت .. ومثل قصة الرجال اللي ابوه صك 180 مايدري .. صارت نفسهـا مع ابوي .. :smile:

فأنا اقوول وسائل الأمن و السلامة تطورت اكثر من قبل .. ويجب زيادة السرعة القانونية في خطوط السفر ..

تحياتي

انا افضل في الطرق السريعه داخل المدن (مثل الدائري) 140
وفي طرق السفر 160

لان 120 في طريق السفر كان الواحد ما يمشي وممكن الواحد يجيه النوم ما وصل وبعد كذا ممكن يصير حادث:tongue:

الشكر لباقي الاخوه علي الردود والمرور علي الموضوع
وبالنسبه للامارات ياليت المسؤوليين يشوفونها كيف تتطور يوما بعد يوم !

اخوي راعي الماركيز وانت الصادق
قبل كم يوم بغيت اسوي حادث بسبب شخص كان يتكلم بالجوال الله يهديه
لكن ربك ستر علي وعليه
ومشكور علي المقطع
وزي ماقلت قبل النظام او الانظمه يحتاج لها تغيير من الي مع توعيه قويه جدا بحملتها !

فعلا من منا سوف يتقيد بالانظمة
الامر اخوي يحتاج الي توعيه ( وليست اي توعيه ) وليس الي دفتر قسايم غريب الغرب متطورين عنا
ونحن دائما نتحدث عنهم ولا نعلم ان الانظمة صدرة من الدين الاسلامي فسبحان الله