السلام عليكم ورحمة الله وبركاته ....
قبل اربع او خمس ايام نزلت موضوع يخص مشكلة ارتفاع الحرارة بسيارتي وهي التيما 2.5 من شهر تقريبا صرت لما اطلع الظهر و اوقف بالزحمة الحرارة توصل للنص والمكيف يفصل !! ..مع العلم انها الحرارة بالالتيما عمرها ما تعدت الربع الي تحت !!
ومجرد ما امشي السيارة تبدا ترجع لحالتها الطبيعية....طبعا من يوم ما صارت المشكلة وانا متنكد ! لانه الحين مو حمل تصليح ولفة على الميكانيكة
واحد قالي الغاز ناقص وواحد قلي يمكن الوتر بامب وواحد قلي الراديتر محتاج تسييخ والمشكلة ولا ميكانيكي كان متاكد من السبب ...... وانا المسكين كل ما اطلع الظهر اتسصلخ بهالحر !!
شهر يا اخوان ....... وانا على هالحالة ........
يوم الخميس اي قبل يومين بالظبط !!...... كان عندي مشوار العصرية وكنت صاف السيارة بعيد عن البيت شوي وانا رايح للسيارة لمحت شي بفتحة الصدام الامامي الي بين الكشفات !! فاستغربت ولما وصلت السيارة مديت يدي تحت الا هو كيس نايلون من اكياس البقالة مغطي جزء من الراديتر سحبت الكيس الا يطلع وراه كيس ثاني !! :a1120(82): :a1120(82):
االنتيجة اني طلعت كيسين كبار واحد كان مغطي الجهة اليمين من الراديتر وواحد كان ماسك في من تحت !!
قلت الاحين معقول يكون السبب هالاكياس !
مافي الا اجرب يوم الجمعة الظهر لانه بالليل من الاساس ما كانت تحتر معاي السيارة !
فيوم الجمعة من الساعة 11 الظهر تقريبا للساعة 2 السيارة ما انطفت احركها واوقفها وتركتها اكثر من ساعة ونص شغالة وهي واقفة بالشمس !
والنتيجة الاحرارة ما تعدت الربع والسيارة ثلج !!
قلت سبحان الله شهر حايس !! ولا عارف شسوي وبالاخر طلعت المشكلة كيسن بلاستيك !!
:smilie20:
وشر البلية ما يضحك :a120(14):
